رد: كل اللي نفسه في حاجة عن اللوجان يدخل هنا
 

في كذا حاجة كويسة
منهم الاكسيل ( الاكسيل بتخف جامد بعد ال 110 )
بس برده اللي هقولهم ميختلفوش كتير قوي في الثبات وان كان ثباتهم افضل
الشاهين ( ثبات جيد جدا )
سوزوكي سويفت ( بس بس ارتفاعها قليل )
كيا برايد (ثبات مش وحش )
فيات اونو ( ثبات معقول )
اسكودا فيليشيا ( ثبات خرافي )
سيات ابيزا ( ثبات خرافي )
الجولف ( ثبات خرافي )
اخر تلت عربيات قليلين وقطع غياهم غالية ولكن معمرة جدا
يعني ممكن تجيب قطعة الغيار مرة واحدة في حين التانين قطع غيارهم رخيصة ولكن ممكن تجيب منها اكتر من تلاتة
انا عن نفسي شايف ان الارخص هو اللي تمنه غالي ولكن معمر وبيقعد اكتر
لو علي اللانوس يبقي عشان تجيب واحدة كويسة يبقي تزود حوالي 7 وهتبقي لانوس 1 مش 2 وهي عربية كويسة و ثباتها جيد
من خلال الحاجات اللي كتبتها الحاجات اللي ممكن ارشحهالك هي الشاهين والاونو عشان قطع غيارهم رخيصة ومعمرة نوعا ما وحمالة قاسية ولكن خد بالك لو عايز عربية تبقي واسعة وتحملها اوزان كدة يبقي الشاهين وبلاش اونو
لو قطع الغيار تمنها مش هيفرق يعني عامل حساب ليها يبقي الجولف وهتبقي موديل تقريبا 90
انا في انتظارك لو في اي اسئلة
ربنا يوفقك

رد: كل اللي نفسه في حاجة عن اللوجان يدخل هنا
 

سياره تستحق الاحترام

رد: كل اللي نفسه في حاجة عن اللوجان يدخل هنا
 

متشكرا جدا ربنا يبارك فيك انت ورنجو
طيب لو جولف 90 بكام وممكن الاقيها فين

رد: كل اللي نفسه في حاجة عن اللوجان يدخل هنا
 

العفو يا باشا انت تأمر
اعتقد هتلاقيها من 27 ل 32
هتبقي 1300 cc
تقدر تجيب من موديل 87 ل 91 بس شرط تكون حالتها كويسة وده اهم شرط يعني مايكونش في باروما وماتكونش راشة دواخل وعلي قد ماتقدر اقل كيلومترات
الحقيقة حكاية المكان ده مش عارف هفيدك بيها ازاي
انا مش عارف انت ساكن فين
ولكن افضل حاجة انك تسأل حد ثقة معاك في العمارة او صاحبك او قريبك ممكن يكونوا عارفين حد قريب تقدر تجيب منه
وبرده في موقع كويس بيبقي فيه بيع بس الحقيقة مش عارف ينفع اكتب الموقع ولالأ
نسيت اقولك علي البولو ( عربية كويسة جدا جدا زي الجولف ولكن هتبقي موديل 97 وثباتها ممتاز ولكن اعتقد صغيرة شوية عن الجولف )
ان شاء الله تجيب عربية كويسة

رد: كل اللي نفسه في حاجة عن اللوجان يدخل هنا
 

ربنا يكرمك يا جيو
ممكن طيب تقولى لما اجى اشترى عربية مستعملة ايه هى الطريقة الصح عشان ما يضحكش عليه
يعنى اخد معاية ميكانيى فقط ولا سمكرى كمان
معلش قولى بالظبط ايه المفروض عمله بالله عليك
عشان انا شوفت موقع ممكتاز دلوقت اسمه حاجه ماركت وشفت فى كام عربية اوك