رد: كل اللي نفسه في حاجة عن اللوجان يدخل هنا
 

السرعة دى انت اللى بتحددها
فى القيادة العادية حتنقل عند سرعة 35 او 40 والتالتة على 60
لكن فى حالة انك محتاج تسارع يعنى محتاج العربية توصل لسرعة عالية فى وقت قليل
ساعتها ما تنقلش بدرى ومع تجربة تفتيح الماتور اللى انت حتعملها حتفهم كل نقلة اعلى سرعة ليها كام
الكلام السابق كله الغرض منه تفتيح الماتور علشان صوته يهدى بالاضافة لتحسن السحب .. بالبلدى كدة علشان العربية تصحى من النوم وتفوق
لكن الطبيعى انك بتنقل على السرعات اللى انت كاتبها لكن اعتراضى على الرابع انك تنقل على الخامس على سرعة 80 لأ احرق شوية على الرابع علشان العربية تستجيب معاك بشكل جيد على الخامس لان زى ما قولتلك انت ممكن توصل بالرابع لسرعة 160 ك/س يبقى لما تنقل على سرعة 80 دة قليل بصراحة ومش حتوصل لسرعة عالية لانك ناقل بدرى قوى على واحد عايز يجيب سرعة عالية
فى حاجة كمان حتفهمها لوحدك اثناء عملية تفتيح الماتور وهى انك ازاى توصل بالعربية لسرعة عالية جدا ومش بعيد تيجى فى يوم تقولى انا قفلت العداد
لكن بكرر تحذيرى ليك يا باشا الله يخليك ساعت ما تيجى تعمل الموضوع دة يكون طريق سريع و فاضى تماما ومتأكد ان مافيش اى خطر على سلامتك بعد ستر ربنا طبعا وتكون النية مش جرى وسرعات وخلاص لا .. النية انك طالع تفتح ماتورك وبس ...ومتنساش التدريج حيخليك باستمرار تفهم عربيتك وتتحكم فيها
ولو انت مالكش فى الجرى والسرعات يبقى سيبك من كلامى دة كله نهائى لان سلامتك عندى بالدنيا ... ورمضان كريم

رد: كل اللي نفسه في حاجة عن اللوجان يدخل هنا
 

ربنا يديك خيرها ويكفيك شرها ......... وشكرا على الموضوع الحلو

رد: كل اللي نفسه في حاجة عن اللوجان يدخل هنا
 

ربنا يكرمك ويبارك فيك الله اكرم يا أخى وكل سنة وإنت طيب فهمت كلامك وربنا يقدم اللى فيه الخير إن شاء الله.
عندى سؤال هل المفروض لو ظهر اى شى فى السيارة أستنى علشان اروح التوكيل عند ال 5000 كم علشان أستفيد من الصيانة المجانية ولا ممكن اروح فى اى وقت والمواعيد فى رمضان بتبقى إزاى فى التوكيل؟

رد: كل اللي نفسه في حاجة عن اللوجان يدخل هنا
 

لو ظهر معاك اى مشكلة بتروح التوكيل عادى فى اى وقت بس تحجز قبليها ما عدا فرع العامرية من غير حجز
لو العيب ملحوظة فى العربية فا بيتعمل فى الضمان من غير ما تدفع ولا مليم ومش لازم تروح فى صيانة معينة علشان تستفيد بالضمان
بس انت ما تعملش المشوار على الفاضى فى حاجة بسيطة او بمعنى اصح فى حاجات لا تؤثر على اداء العربية وممكن تتأجل للصيانة وفى حاجات بتكون ضرورية لا تحتمل التاخير

رد: كل اللي نفسه في حاجة عن اللوجان يدخل هنا
 

السلام عليكم اصحاب لوجي الكرام
انا عملت صيانة ال 5000 يوم السبت الي فات وبصراحة التوكيل تحفة مفارنة بتوكيلات كتير دخلتها قبل كده كان ذحمة شوية جايز عشان كان يوم سبت بس في المجمل حلولي مشاكلي كلها ماعدا واحد - انا عندي خبطة بسيطة مع اول طلعة بالعربية وما بتبنش في المطبات ايه دي مش عارف وتقريبا ولا هما كمان لانها متصلحتش وانجيتوا للحق رمضان مش طالب مناهدة المهم قلت اروح بعد كدة اغسل العربية واشحم باه عدينا ال 5000 وان جيتوا للحق العربية طلعت من المشحمة عروسة ليونة ونضافة بس تاني يوم واسمع صوت تزيء عجب مزيكا المهم ان محدش في العربية سمعة غيري جايز انا ودني موسيقية حبتين المهم انا جيه في بالي طبعا الجلب جة عليها شوية جاز نشفت شوية تاني يوم رحت بختهم بخت زيت العربية بقت حلاوه السؤال بقي هوا ده طبيعي يعني كل لما اروح اشحم لازم ارش زيت علي الجلب ولا دا اكمن العربية جديدة انا مش حابب ارش زيت من تحت عشان متهيالي يلم تراب ولا ايه ولا يكون انا عندي مشكلة في الجلب؟؟؟ حد يكزن جرب يغسل العربية يقولي ايه اللي حصلة بعدها - علي فكرة انا كنت في توكيل العمرية ومواعيدهم من 9 ال 2 في رمضان وابقي خد معاك جرنال لان الصيانة بتخلص الساعة 12 دا لو انت رحت 9 وموضوع الشاشة اللي متابعة العربية دي جامدة جدي اول ما اسمي اختفي من عليها لقتهم بينادوني اخد العربية.
و اه ياريت مترحش السبت!!!

رد: كل اللي نفسه في حاجة عن اللوجان يدخل هنا
 

السلام عليكم أخي الكريم عمرو أو رينجو أو نجم المنتدى
وكل عام وأنتم بخير بمناسبة عيد الفطر المبارك أعاده الله عليكم وعلى ك المسلمين بالخير واليمن والبركات
عمرو باشا أنا قررت منذ ما يقارب الشهر شراء سيارة في الفئة السعرية من 60 : 70 وبصراحة كنت مركز على اللانوس وأقرب لها من أي نوع اخر ولكن يقدر ربي وما شاء فعل أن لا تكون السيارة متوفرة هنا عند جاد الله بالغردقة وكان عنده واحدة لوجان بترولي جميلة ما شاء الله طبعاً كنت قريت عن اللوجان شوية بس كان تركيزي كله على اللانوس زي ما قولت المهم بدأ أخينا يقنعني باللوجان ويعددلي أمكانياتها وما إلى ذلك فقررت بيني وبين نفسي أن أقرأ أكثر عن هذه السيارة ثم أرى ما انا سوف أفعل بأذن الله ووفقني الله لهذا المنتدى وبدأت قراءة في هذا الموضوع بعد صلاو الفجر مباشرة ولم انتهي ألا الأن حوالي الثامنة صباحاً وأنا قد أخذت قراري بفضل من الله وتوفيقه أن أشتري هذه السيارة بعد ما قرأت عنها منكم كثيراً وكمان كنت جربتها أمس بالليل في المعرض
المهم بماذا تنصحني أخي عمرو
أنا سأستلم هذه السيارة اليوم أن شاء الله وكلي أمل أن يبارك الله لي فيها وفيك على المعلومات القيمة التي أستفدناها جميعاً منك
وفقك الله ورعاك وحفظك لأسرتك الكريمة
ROSE4U

رد: كل اللي نفسه في حاجة عن اللوجان يدخل هنا
 

ههههه انا شوفت مشاركتك دلوقتى بعد ما اشتريت ربنا يباركلك فيها
عربية جميلة وحتحبها اكتر واكتر مع الوقت