رد: اسئله المبتدئين ..عفوا ممنوع الفتى :)))
 

نسيت أهم حاجة: الواحد و هو بيسخن يتأكد إن مفيش قطة صغيرة نايمة جوه الموتور أو (كالعادة) عند المساعدين و طبعاً لو لقاها يبقى نص اليوم راح فى جرى وراها و بسبسة و محايلة علشان تنزل (ده لو قلبك حنين) أما لو الموضوع بيحصل معاك كتير (زى واحد زميلى) يبقى قول سامحنى يا رب و إفتح الشبابيك علشان ريحة الكباب المشوى اللى حاتطلع بعد شوية!..

رد: اسئله المبتدئين ..عفوا ممنوع الفتى :)))
 

ههههههههههههههههههههههههه ههههههههههههههههههههههههه هههه
يا راجل الموضوع مش صعب أوي كده، معظمهم بيجروا أول ما تركب العربية أو تدورها
ولا هيا القطط بقت غلسة ومستبيعة الأيام دي ؟ :biggrin:

رد: اسئله المبتدئين ..عفوا ممنوع الفتى :)))
 

القاعدة الذهبية للقيادة فى الزحمة: لازم تشوف عجل العربية اللى قدامك حتى لو الشارع كله قلبلك نور عالى و كلاكسات علشان تقرب من اللى قدامك النص متر ده ... و لا كإنك سامع حاجه
كتير من الناس و خصوصاً فى الزحمة رجليهم بتتعب و لو الشارع فيه ميل خفيف بتلاقيه بيرجع للخلف شوية و هو بيطلع قدام و أحيانأ رجليه بتخف من على الفرامل ... و فى النهاية هتلاقيه بيسلم عليك بالإكصدام الخلفى إلا لو كنت عملت زى ما بقولك و أصريت إنك دايماً تبقى شايف عجل العربية اللى قدامك

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))
 

أنا ليا واحد زميلى معاه مازدا 3 ... العربية كانت مركونة بقالها كام ساعة و رحنا نجيب منها حاجة ... سمعنا صوت قطة
بعد البحث و التنقيب: الهانم دخلت من الفتحة اللى فى البطيخة الأمامية (اللى بيخرج منها المساعد) و طبعاً حشرت نفسها بين سوست العفشة لغاية ما وصلت لرأس المساعد و إبقى قابلنى
زميلى قعد وراها لحد ما طلعها من فتحة صغيرة فى البطيخة من ناحية الموتور و مستحيل تصدق إن الفتحة دى خرجت منها قطة بالحجم ده