مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 817001)

ولا يهمك يا باشا والحمد لله انها اتعملت وجت على قد كده

بس مقولتليش بقى انت فى سنه كام وتخصص ايه

انا تخصص اتصالات مستوى اول :)

الهندسه ديه لوحده كفاية انها تخلى عقلك يطير منك هههههههههههه يالا اهو كله علشان البلد هههههههههههههههههه

اخوك محمد فى نهائى هندسة غاز و بتروكيماويات هندسة الاسكندرية

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 819429)

اولا الحمد لله ان الحكاية طلعت قريب زىى ما توقعت وطلع انه الكولية اللى ماسك الخرطوم

ثانيا

بالنسبه للسنتر انا كنت مركب فى عربيتى ال 128 و دلوقت ركبت سنتر فى عربيتى الاكسيل

المهم

نوع سنتر كويس فا اللى انا اتعملت معاه كان سنتر ولف

وبصراحه مقضى الغرض وزياده

وب 70-80 جنية بس

وفيه منه نوعين نوع من غير ريموت وده اللى انا ركبته ونوع بريموت

النوع اللى من غير ريموت ده تركبه افضل علشان لو بعد كدا جبت جهاز انذار يبقى الانذار والسنتر كلهم على ريموت واحد

اما النوع اللى بريموت وسعره بيكون فى حدود 110
فده سنتر بس وبيجى معاه ريموت وده بقى لو حضرتك مش هتركب جهاز انذار بعد كده وبصراحه لو ركبت جهاز انذار بريموت وجهاز سنتر بريموت مع بعض هتبقى بايخه اووى هيبقى معاك ريموتين غير مفتاح العربيه

مع العلم ان وقت تركيب السنتر بيكون كبير بيبقى على الاقل حوالى 4 ساعات شغل متواصل

فلازم تكون عند الكهربائى من بدرى وطبعا زى ما قولت لحضرتك

ان النوع اللى اتعاملت معاه ايام ال 128 و الاكسيل حاليا هو الولف

ومقضى الغرض بصراحه

شكرا اخ سيد على ردك بس بعد اذنك هو الانذار بكام ؟ ومصنعيه التركيب كام للاثنين؟
لان فى كهربائى قال هركبلك نوع يابانى ب 180 جنيه سنتر بس
لكن لما شوفت النوع لاقيته مصرى وتقريبا الشركه فى العاشر
وانا اسف على الاطاله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

ينفع انظف الكاربارتير بنفسى ؟ وازاى ؟

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ابو الفضل (المشاركة 819887)

اييه 180 جنية كتير جدااااا

والنوع الى حضرتك لقيته المصرى هو ده الولف اللى بقول لحضرتك عليه وهو نوع ممتاز الصراحه

بص حضرتك انا جبت سنتر ولف ب 80 جنية وعليه ضمان سنه
و ثمن تركيب السنتر فقط 50 جنية

والشغل استمر حوالى 4 ساعات متواصله

اما بالنسبه للانذار فبرضوا الولف المصرى بس عليه ضمان خمس سنوات حاجه مذهله فعلا ب 150 جنية

وتركيب الانذار فقط مبياخدش اكتر من ساعه واحده ده لو حضرتك مركب السنتر مسبقا طبعا

لان تركيب السنتر هو اللى بياخد وقت كبير بس تركيب الانذار فا بالكتير اوووى ساعه واحده وهيكون ركب

وممكن تعمل حاجه جامده جداا هى ان حضرتك تخلى الكهربائى يركبلك كتاوت فصل للعربيه تعمل اتوماتيك مع الانذار بحيث لو حضرتك قفلت العربيه بالانذار العربيه تفصل كهربا تماما وحتى لو حبيت تدورها بالمفتاح الاصلى بتاعها مش هتدور نهائيا لغاية ما تفتحها تانى بالريموت بتاعها ساعتها تدور عادى وكنت مركب الكتاوت ده ب 40 جنية

يبقى التكلفة الاجمالية كالتالى

80 سنتر
50 تركيب سنتر
150 انذار
حوالى 30 جنية تكلفة تركيب الانذار
40 جنية تركيب كتاوت الفصل علشان يفصل كهربة العربيه تماما

مع العلم لازم كهربائى ماهر جداااا جدااااا جداااا

علشان يشغلك كل خصائص الجهاز من ضمن الخصائص ديه مثالا

انك مع اول دوسة فرامل لما تيجى تمشى السنتر بتاع الابواب يقفل عليك اتوماتيك للامان ليك ولاولادك
وكمان انه يخلى اول ما تقفل الانذار العربيه تفصل الكهربا بتاعتها اتوماتيك
وكمان ان لو باب مفتوح مثالا وجيت تقفل العربيه وباب مش مقفول كويس الانذار ينبهك ان فيه باب مش مقفول كويس

وحاجات تانية كتير وربنا يعينك

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ابو الفضل (المشاركة 819895)

ينفع انظف الكاربارتير بنفسى ؟ وازاى ؟

بص حضرتك هو ينفع تنضفه بنفسك
بس لازم تعرف ان الكربراتير شىء معقد جداااا

وان مجرد فكه من مكانه وتركيبه مره اخرى بيخلى كفائتة تقل

فالافضل تروح لمتخصص كربراتير
وتشوفه هينضفه ازاى بالظبط

واول ما تروح تحاول تقلد اللى هو عمله بس لازم يكون معاك عدتك كامله ومتفكش مثالا مسمار بسن سكينه لا لازم عدتك تكون كامله

و لو حسيت انك هتبوظ اادنيا فالافضل بلاش تعمل كدا خصووصا فى حاجتين

الكربراتير
و
الاسبراتير بتاع الكهربا