رد: بشرى لمحبي الهوندا ... ال( سي ار اكس ) Honda CRX ... حترجع تاني
 

تحت عنوان ..... سامح رمزي رمز الصمود http://smilies.roro44.com/evil/007.gif

لم يستطيع سامح رمزي الصمود أمام محمد متيما , وإنهارت شركات العالم الأوروبيه والأمريكيه والبيزنطيه أمام المارد الياباني الذي لن يبيع سياره بعد الآن إلا وهي من الطراز الهجين وحتبقى كمان أغلى عربيه ومش حنبيعها ليكوا لو مش حتستعملوا الطرز الهجينه

يامحمد مش كده .... الدنيا كلها هات وخد والكلام أخد وعطا ومفيش قاعده عامه http://smilies.roro44.com/evil/147.gif

ممكن ينزلوا نسخ مختلفه كل حسب إحتياجاته .... الناس ديه فاتحه المصنع عشان تاكل لقمة عيش مش عشان تعذب في البشر وتعذب في نفسها قبلهم
واليابانيين بيهمهم منطقة الشرق الأوسط جدا جدا
فيه أصغر من سوق مصر في العربيات لشركة هوندا ..... (أقصد في منطقة الشرق الأوسط)
بالتأكيد لأ
ومع ذلك نزلت لينا عشان الجمارك وعشان تعرف تدخل السوق بتاعنا وتنافس موديل من السيفيك بموتور 1600 سي سي مع إن الدنيا كلها عندها 1800 سي سي كحد أدنى !!!!!
طيب ليه هما عملوا كده ؟؟؟؟؟.......... لأن السوق ده يهمهم إن يكونوا موجودين فيه وبينافسوا مع أقرانهم اليابانيين (تويوتا , ميتسوبيشي , مازدا , .....) وتفضل علامة هوندا بتجري في الشوارع ومتختفيش بالسهوله ديه

إذا إحنا مهمين بالنسبه ليهم وبالتأكيد حيعملوا حاجه لينا مخصوص حتى لو الدنيا كلها إتعملها حاجه تانيه .... (وده مش وشوشة ودع ولا قراية فنجان) ده إللي حصل بالفعل ومش بس كده ومن نفس الشركه ...!!!!!

وأخيرا
إحنا معاك .... إحنا معاك ... إحنا معاك ... وبنترجاك تفضل صامد وإحنا وراك ..... سامح رمزي رمز الصمود http://smilies.roro44.com/evil/123.gif http://smilies.roro44.com/sad/051.gif

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

hehe

و الله مش قصدي ياحمد

و على فكره هجين 1300 يعني في صالحنا جدا

لان الحكومه عندنا بتعطي اعفاء 25% من الجمارك و الضرائب و الترخيص

يعني لو تمنها زي ما بيقولوا 20 الف او 30 الف دولار مثلا يعني حوالي من 80 ل 120 الف جنيه لان الجمارك و الضرايب هتبقى حوالي 5 % بس لان العربيه 1300 سي سي فقط

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

مش عارف ايه اللى مخلى اليابانيين ماسكين فى موضوع الهجين ده كده.
تصميم أنا شايفه أقرب لل"عك" منه الى الهندسة, يعنى ايه احط موتورين فى عربية و بطارية ثقيلة و أبوظ توزيع الوزن و أتقل العربية و أخليها أقل أمنا,
عشان ايه كل ده؟!
عشان اوفر اتنين جنيه بنزين.
و بعدين التصميم الحالى يفترض انو البطارية بتشحن من الفرامل, و لهذا فان السيارات الهجينة تستهلك أكثر من العادية على الطرق السريعة حيث لا يصبح هناك مجالا لاستخدام الفرامل.
و يتحمل محرك البنزين المسكين عبأ وزن البطارية الثقيل و المحرك الكهربائى.
حتى لو بنتكلم فى Plug in hybrid طب هشحنها فين؟ معظم الناس مش هتشحن العربية حتى لو كان يمتلك جراج مجهز بمقبس كهربائى بدافع الكسل أو العجلة.
لكن للأسف فان سبب انتشارها هو تشجيع الحكومة الأمريكية للسيارات الهجينة حتى أن هناك مواقف "باركينج" مجانية مخصصة للسيارات الهجينة, و لا أعرف الى متى هذا الانحياز السافر الى السيارات اليابانية؟

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

موضوع شيق فعلا
الcrx كانت حلم الواحد و كنت معلق ليها صوره علي الحيطه
و سبحان الله وقت ما بقي معايا فلوسها ما عدتش مناسبه لمتطلبات الواحد
كرسيين و شنطه صغيره
عاوزه يبقي جنبها عربيه كبيره و دي تبقي للدلع و بس
و يبقي الواحد عامل زي اللي متجوز واحده و مصاحب التانيه كده ههههههه

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

هي السي ار اكس فعلا عربيه حلم للشباب الصغير ...
عربيه طالب في الجامعه او حديث تخرج ...
اشك حتى انها تنفع واحد متجوز جديد ..

من الاخر عربيه للعب و الشقاوه ...
طبيعه العربيات الرودستار كده ... عربيات صغيره و خفيفه بمواتير مش كبيره تحقق ثبات معقول و نسبه وزن لقوه منخفضه ... وأداء بنفس رياضي .... و حماده يلعب ptmnlo123per154

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

صح بس هي هترجع كوبيه

مش رودستار

رد: بشرى لمحبي الهوندا ... ال( سي ار اكس ) Honda CRX ... حترجع تاني
 

المهم إنها ترجع .... كوبيه , رودستار , بتنجان المهم إنها ترجع
ومش هجين عشان مانزعلش سامح ولا تزعلوني أنا شخصيا لأني مش مقتنع لسه بموضوع الهجين وحاسس إنها لسه تكنولوجي جديده ولسه محتاجه مراحل من الزمن قبل تفعيلها بشكل عام