المشاركة الأصلية كتبت بواسطة MAWRO72 (المشاركة 757072)

انا شاكر جدا لكل الأخوة اللى ردوا عليا كمان اسف جدا للتأخير فى التواصل طبعا بعد كل الإجراءات اللى عملناها فى العربية تلاحظ مشكله اخرى فى العربية العربية بتقطع بشكل خفيف ولما تقرص عليها فى البنزين بتتعدل كمان لما العربية بتاخد مطب بتبرجل برجله بسيطه ولما بتاخد مطب تانى بتتعدل المهم رحت بيها مشوار اسكندرية العربية ساعات بتبقى مكتومه على 120 وساعات بتبقى مكتومه على 140 وفى المطالع العربية تحس انها مخنوقه المهم طبعا كل الفنيين والزملاء أجمعوا على ان دى رشاشات اما انها بتكون بتسيل او مكتومه المهم الحمدلله رجعت من اسكندرية امبارع والملاحظ ان العربية كل ما بتمشى كتير بتتظبط اكتر قلت اروح عند مركز متخصص عنده الجهاز اللى بيكشف بيه على الرشاشات لقيت النهارده الأحد ومعظم الناس قافله ياريت لو حد يعرف مركز عنده الجهاز ده ياريت يقولى وجزاكم الله خيرا

المشاركة الأصلية كتبت بواسطة MAWRO72 (المشاركة 758271)

الاخوه الأعزاء توجهت بالأمس الى أحد مراكز الصيانه المهم علشان ما اطولش عليكم العربية كان فيها مشكلتين المشكله الأولى كانت بتغيب فى الدواره وهى سخنه وفى الآخر تبين انها فبرة الكونتاكت بتعلق وللأسف هى ناقصة فى السوق شوية مش هنلاقيها هنضطر نغير الكونتاكت وبالنسبة لأن العربية كانت ساعات بتقطع لدرجة انها بتبقى متلته تبين ان الفيشة بتاعاة الكهرباء اللى داخله على المبينة كانت مقطوعه والميكانيكى الغبى كان معدل فى المبينه وركب فيشه تانية فالفيشة دى ماكانتش موصله كهرباء صح وبالتالى العربية كانت لما تاخد مطب ساعات بتقطع وشكرا لكل اللى اهتم ورد على المشكله

المشاركة الأصلية كتبت بواسطة M.TONSY (المشاركة 759502)

الحمد لله ان المشكلة انتهت
بس انا اعرف ان فبرة الكونتاكت لما تعلق ما توصلش كهربا للمارش فما يدورش اساسا
وبعدين ايه علاقة السخونية او البروده بالفبرة كونها تشتغل والعربية باردة وتعطل لما تكون سخنة الصراحة انا مش مقتنع ان ده كان سبب المشكلة ... بس عموما خير ان العربية بقت تمام معاك