|
رد: ادعولي عشان خاطري .. خايف جدا جدا .. استلمت لوجي
الف الف الف مليون مبروك وربنا يكفيك شرها وشر طريقك وفعلا اللوجان عربية ممتازة وعينى عليها من اول ما نزلت ولو فى استطاعتك خليك مواظب على 95 وربنا يكرمك دايما
|
رد: ادعولي عشان خاطري .. خايف جدا جدا .. استلمت لوجي
عاوز اؤلك مبروك بس مش لاقى ارقام فوق البليون
طب اؤلك ..........مبروك عليك العربية بكل جنية مع مبارك المخلوع |
رد: ادعولي عشان خاطري .. خايف جدا جدا .. استلمت لوجي
10000000000مبروك و
|
رد: ادعولي عشان خاطري .. خايف جدا جدا .. استلمت لوجي
مبروك يا دكتور مصطفى , وأن شاء الله تتربى فى عزك .. أنت بس خايف عشان مرزوقة اللى كانت معاك كانت مطلعة عينك فمعلش أحساس الرفاهية والنعومة بتاع العربية الجديدة أنت ماكنتش واخد عليه مع اللى كانت مطلعة عينك فهو ده اللى مخليك خايف ومرهوب .. أحنا مستنين منك تقرير مفصل بأذن الله وأن شاء الله تعجبك وتستمتع بيها , تحياتى لك:Wkiss5:
|
رد: ادعولي عشان خاطري .. خايف جدا جدا .. استلمت لوجي
متشكر جدا جدا جدا جدا جدا :Wkiss5::Wkiss5::Wkiss5: ربنا يخليكو بجد ان شاء الله التقرير المفصل قريبا جدا بإذن الله بالنسبة للتكييف فأنا قررت أمسك العصاية من النص يعني بتوع التوكيل قالولي متلينة جاهزة و الناس قالت لين احسن فأنا قررت امشي بيها بالراحة خالص في اول الف كيلو لكن كان لازم اجرب التكييف عشان الناس كانت مشتكية من نتشه انما الحمد لله مفيش حاجة و التكييف جميل |
رد: ادعولي عشان خاطري .. خايف جدا جدا .. استلمت لوجي
أنت لحد دلوقتى ماقولتش جبتها من أنهوا معرض والسعر كام للكاش وليه ماستنتش اللى بالكاسيت الجديد ؟!!!!!!!!!! |
رد: ادعولي عشان خاطري .. خايف جدا جدا .. استلمت لوجي
اقتباس:
جبتها من معرض اسمو المصرية للسيارات ( التوكيل اسمه المصرية العالمية للسيارات ) ده أحسن المعارض اللي لقيتها في المنصورة أما السعر للكاش فهو 72 ألف أما بالنسبة لسؤالك ليه مستنتش للكاسيت الجديد لأن ببساطة أنا كنت حاجز مع التوكيل يوم 16 / 7 / 2012 قالولي الاستلام خلال أسبوع او عشر ايام بالكتير و بعدين كلمتهم بعدها بأسبوع قالي هتتأخر شوية اسبوعين تلاته و السعر زاد 500 عشان الكاسيت الجديد قلتلو ماشي و بعدين كلمته تاني قالي يا باشا انت قلقان ليه على نص أغسطس كده ( يعني داخلين على شهر ) رحت التوكيل اتخانقت معاهم و قلتلهم عايز اعرف معاد محدد يعني ايه كل ما المعاد يقرب البيه مسؤول المبيعات يبعدهولي اكتر عملو اتصالاتهم و قالولي على نص تسعة ده آخر معاد قلتلهم في لحظتها حلو قوي كده نبقى واضحين من الأول و رحت ماسك ورقة و قلم و كتبت السادة ( رينو إيجيبت ) أود أن أطلعكم أني أريد سحب حجزي للسيارة رينو لوجان مانيوال بترولي و ذلك لسوء المواعيد و تباعدها في كل مرة أسأل عن ميعاد الاستلام و لكم مني جزيل الشكر على حسن المعاملة و رحت موقع و راميلهم الورقة و قلتلو اجي استلم فلوسي امتى ؟ قالي يا فندم و قعد يتنطط قلتلو متكلمنيش كتير بدال ما أقسم بالله هفضل هنا و أبلغ عنكم الشرطة و مش همشي غير ما اخد ال 5000 جنيه بتوع الحجز بتوعي قالي مدير الفرع أوكي يا فندم احنا آسفين و فلوسك تجيلك يوم الاتنين عشان دي معاملات إدارية و بتاخد وقت و احنا في آخر الاسبوع بس دي كل الحكاية .. باختصار يعني يا أبو هيما هوا انا هشتري كاسيت بال 72 ألف ولا هشتري عربية ؟ و بعدين عربيتي الحمد لله 2013 بس أول دفعة و المعرض كتر خيرهم حجزت و طلبت لون أسود و وفروهالي في خلال يومين و مستني ورقها و اهي في النهاية كلها أرزاق و مكتوبلي اشتري من المعرض ده |
| الساعة الآن 03:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017