المشاركة الأصلية كتبت بواسطة Tota El Masry (المشاركة 725984)

اللهم لا اعتراض صحيح إللي يورد نفسه مورد شبهة يستاهل
لو الواحد يحسن الظن بالله إن إن شاء الله مش حتحصل حادثة ربنا حيكون معاه
لكن لما يقول
تنفع لو حصلت حادثة
يبقى فتح عمل الشيطان و مش واثق في ربنا و العياذ بالله زي ما واحد قالي

بلاها تأمين من السنة الجاية لحد ما البلد تتحسن و أو تيجي شركات التأمين الخليجية تفتح فروع عندنا و الواضح إن الحل التاني حيكون أقرب

عربيات و منتجات صيني و تأمين خليجي و الشعب المصري يفضل مستهلك حصري
:CONGRA~238:

المشاركة الأصلية كتبت بواسطة تامين سيارات (المشاركة 726112)

الموضوع زى ما قلت قبل كده مشكله فى مصر انا بقى مش هاقولك الشركات الخليجيه تفتح لا حضرتك عندك الامريكيه و اللبنانيه و السويسريه المشكله مش فى الشركات فقط لاء الموضوع منظومه يا استاذى يعنى شرطه على مستوى و ده مش عندك و امكانيات الشوارع و ده طبعا مش موجود و الناس الى بتسوق و معاها رخصه وانت عارف الرخصه بتطلع بكام

لا بقى انا هاقولك على نظام افضل من التامين فى الخليج مااااشى خد دى

فى امريكا و الدول المتقدمه حضرتك بتامن على الرخصه مش على العربيه نفسها لا مثر بتدفع 3000 دولار فى السنه و اى عربيه تشتريها تدخل تامين لان الرخصه هيه التى تحمل التامين

احرق دمك كمان ماشى ::::::
العربيه بيبقى سعرها مثلا 500 دولار والاصلاح او الهلاك يعمل 3000 تاخد ال 3 و ترمى العربيه
لييييه بقى
لان فى نظام فىامريكا حلواوى حضرتك لما بتشترى عربيه هنا تروح ترفعها و ممكن يتنصب عليك هناك بقى لما تشترى تسال العربيه ماشيه كام ميل لتحديد السعر اما تاريخ العربيه مسجل فىالمرور

ومش ممكن عربيه عامله حادثه ترخص هناك تانى !!!!!!!!!

يا باشا المنظومه غلط حتى سلوك الناس مش مظبوط و تامين تعبان احسن لا تامين اهه بيشيل عنك الاف الجنيهات و خصوصا اننا بنشترى اغلى عربيه فى العالم هنا فى مصر ونرجع نغليها على نفسنا تانى بقسط البنك

يعنى حضرتك لما بتشترى فيرنا مثلا اكنك بتشترى 4 فيرنا تخيل انا متخيل لاننا فى مصر لو حضرتك مش متخيل الموضوع ده تبقى مشكله هاتتعب اوووى و رمضان كريييييم

المشاركة الأصلية كتبت بواسطة Tota El Masry (المشاركة 726127)

الله أكرم يا سيدي الفاضل
طيب قولي على شروط التأمين عندكم و أوعدك لو حقامر و أأمن تاني يمكن أنقل التأمين عندكم في قناة السويس و لو إني أخذت موقف أتصلت بيكم 4 مرات قبل ما أروح مصر للتأمين و رد عليا حد فضل يديني نمر فروع و كل فرع يقولي مش تبعنا تبع فرع كذا و لما وصلت لفرع كذا كانت الساعة 2 كلمت الموظفة قالتلي مشغوووووووووووولة جداً كلميني الساعة 5 أتصلت قالولي ميشوا بكرة قلت أتصل بكرة نفس الوضع بعد يومين الموظفة كلمتني على الموبايل بس كنت أمنت و رخصت و خلااااااااااااااااااااااا اااااص حتى ما كلفتش خاطرها تسألني حتستلمي إمته العربية و كنت حستلمها خلال 72ساعة إن التسليم ميعاده أتقدم كام يوم للحظ فرحت مكلمة مصر للتأمين و كلموني بذوق جداً و قالولي على بوليصة تأمين على الحياة و بتاعت التعاقد و قلت حعملها فعلاً بس بعد تأمين العربية لأني عاوزة حاجة للورثة مش ليا و اقتنعت بس بعد إللي قريته هنا غيرت رأي بنسبة 25%
يمكن لو شروطكم أفضل يطأ في دماغي أأمن عندكم
ايه ياترى

تحياتي

توتة المصري

المشاركة الأصلية كتبت بواسطة تامين سيارات (المشاركة 726163)

السلام عليكم يا استاذه توته
انا كلامى مش انك تامنى عندى غير ان حضرتك لوكنت اتصلتى بيا او باى حد من زمايلى كنتى هاتلاقى معامله محترمه جداا و مصر للتامين شركه محترمه و قناه السويس شركه محترمه اكبر شركتين فى مصر

شوفى حضرتك انتى ارتكبتى غلطه انك تتصلى باداره شركه الصح ان يبقى لحضرتك مستشار تامين يدير ملف التامين الخاص بيكى سواء من عربيات او عقارات او معاش او حياه وده يبقى زى المحامى بتاعك و الدكتور يعنى ما ينفعش مثلا تتصلى بالمحكمه و تقوليلهم عاوزه ارفع قضيه طبعا هاتتعبى جدااا و هاتصرفى كتير و الشغل هايبوظ التامين كدة هاتمشى لواحدك هاتكلفى نفسك فلوس و خلاص وما فيش نتيجه فىالخارج مثلا بيبقى فى عقد مع مستشار التامين يعنى ده نظام متبع

اما عن وثيقه الحياه فهى ممتازه وماتغيريش رايك دى مصلحتك و اختارى كويس على شان دى وثيقه ذات مده كبيره يعنى محتاجه شويه دراسه ممكن ابقى اقول لحضرتك عليها

و لو فى اى حاجه لا قدر الله فى العربيه فى مصر للتامين انا ممكن افيدك ما تخافيش بس على شرط تكلمينى قبل ما تعملى اى اجراء فى الحادث على شان نمشى مظبوط لا قدرالله يعنى

منتظر ردك وكل سنه و انتى طيبه توته