مصر موتورز مجتمع السيارات - تجربتى مع زيت التعاون الاصفر XPL-SM بالصور واسعار زيوت التعاون

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: تجربتى مع زيت التعاون الاصفر XPL-SM بالصور واسعار زيوت التعاون

مشكووووور جدا ونرجو الأفاده بعد التجربة

رد: تجربتى مع زيت التعاون الاصفر XPL-SM بالصور واسعار زيوت التعاون

اقتباس:

المشاركة الأصلية كتبت بواسطة sayed2077 (المشاركة 692193)

السلام عليكم ورحمة الله وبركاته

النهارده روحت غيرت زيت العربيه من التعاون
سوبر ستان 1000 كيلو

الى زيت التعاون الاصفر
XPL-SM

7000 كيلو
http://www10.0zz0.com/2012/06/10/21/239435279.jpg

وزى ما هو باين ان اداء الزيت عالى جدا
اعلى من
زيت شل هيليكس الاصفر 5000 كيلو
و
زيت موبيل XHP

والزيت طبعا متعدد الدرجات 20-50

وطبعا انا من الناس اللى بثق فى زيوت التعاون ثقه عمياء
فعلا زيوت تستحق التجربه

وعموما من خلال تجربتى معاه نقدر نقول فوائده كالتالى:-
1:صوت منخفض تماما لماتور ال 128 بتاعتى رغم استعمالى بنزين 80 ورغم ضوضاء المحرك نفسه الغنية عن التعريف
(كل واحد يركب معايا ويسمع صوت الماتور يقول بسم الله ماشاء الله الماتور مالوش صوت )
2:اختفاء لخشونة الصوت اثناء العمل بطريقه سحرية (والله ساعات يبقى الماتور شغال وانا واقف فى اشارة وافتكر انه اطفى واجى ادور الاقيه شغال اصلا)

(مع العلم كل تجاربى السابقه مع اغلب زيوت التعاون اللى اتعاملت معاها (زيت التعاون الاحمر - زيت التعاون البرتقالى - زيت التعاون الاصفر اللى انا بجربه دلوقت)

3:الماتور سحبة اتحسن عن الاول بسبب ان الزيت اللى استخدمته المره ديه متعدد الدرجات بخلاف الزيوت اللى كنت بستخدمها قبل كدا كانت احادية الدرجه 50

4:السعر الرخيص والمناسب لمنتجات التعاون عموما
(هذكر اسعار المنتجات بعدين ان شاء الله)

5:يجمع ما بين العر المناسب والاداء العالى

6:تشجيع الصناعه الوطنيه

وعلى فكره الزيت لما روحت اشتريته اشتريته من بنزينة التعاون اللى فى مصر القديمه وخدمة تغير الزيت فيها من خلال تقيمى انا كويس اديها مثالا 8/10

وكان معاه هدية ميدلية مفاتيح جميلة جدااا بصراحه وعليها شعار التعاون

اليكم الصور

ديه صورة علبة الزيت وزى ما انتم شايفين العلبة متبرشمه كويس ازاى وتاريخ الانتاج لسه جديد الى حد ما

http://www10.0zz0.com/2012/06/10/21/239435279.jpg

ودية الميدلية الهدية وموجوده جوة البرشام اللى متغلف بيه العلبة كلها بطريقة محكمة منعا لاى تلاعب

http://www10.0zz0.com/2012/06/10/21/168615976.jpg

ودية الميدلية بعد ما فكينا البرشام البلاستيك من على الجركن بتاع الزيت (عجبانى جدا بصراحه)

http://www10.0zz0.com/2012/06/10/21/109446044.jpg

وديه اثناء وضع الزيت فى المحرك

http://www10.0zz0.com/2012/06/10/21/425216392.jpg

وسعر الزيت ده 107 جنية بالتغير

سعر ممتاز جدا بالنسبه لزيت نصف تخليقى يقدر يستحمل شغل 7000 كيلو بصراحه اكثر من ممتاز فعلا

نقدر نقول بحسبة بسيطه
ان كل 1000 كيلو هتصرف عليه زيت 15 جنية فقط

وبالنسبه لاسعار زيوت التعاون

1:زيت التعاون الاحمر 1000 كيلو (غير متوافر اداء للمحركات البنزين) مع العلم شغال كويس مع العربيات القديمة ولا انصح به للحديث ب 55 جنية

2: زيت التعاون البرتقالى 2000 كيلو اداء SF
ب 60 جنية
http://www.coop.com.eg/Photo/Superex1000Small.jpg
3:زيت التعاون الاصفر 5000 كيلو اداء SL
ب90 جنية
http://www.coop.com.eg/Photo/XPL.jpg
4:زيت التعاون الاصفر (اللى انا اشتريته ) 7000 كيلو
اداء SM
ب 102 جنية

http://www.coop.com.eg/Photo/XPL-sm.jpg

و السلام عليكم ورحمة الله وبركاته

أنا غيرت انهارده 29/9/2012 من زيت موبيل xhp لزيت التعاون xpl sm الجركن الأصفر

لسه مش قادر أحكم عليه بس فعلا زيت سمعته كويسة وناس كتير جدا بتستخدمه هو وxpl sl جركن أصفر برضو وبيشكرو فيه

حتى وانا بغير الزيت اخدت الجركن معايا التوكيل ووأنا واقف مع مهندس الصيانة قالى انه يعرف ناس كتير بتستخدم الزيت ده ومبهورين بكفائته وبسعره

بس على فكرة الزيت ده "xpl sm" بيتغير كل 5000 كيلو مش 7000 وتمنه 105 جنيه

والنوع التانى "xpl sl" بيتغير كل 3000 كيلو مش 5000 بس مش عارف سعره

وللعلم كل نوع زيوت ليه مقابل بيساويه فى نوع تانى يعنى زيت التعاون xpl sl بيعادل موبيل xhp وبيعادل شل helix hx5 فليه نجيب الغالى ع الفاضى مادام كله زى بعضه بل بالعكس التعاون مفيهوش أى إضافات مالهاش لزمة بتلمع لون الزيت واحنا اللى نلبس فى تمنها

أما الزيت اللى أنا غيرته انهارده xpl sm فهو أعلى من موبيل xhp وأعلى من شل helix hx5 ومالوش مقابل بيساويه فى شل أو موبيل وسعره كويس مقارنة بأسعار موبيل وشل وكمان أعلى منهم

نصيحة لأى عربية موديل 2004 وانت طالع تستخدم زيوت التعاون xpl sl أو xpl sm والاتنين فى جركن أصفر

رد: تجربتى مع زيت التعاون الاصفر XPL-SM بالصور واسعار زيوت التعاون

تسلم إيدك على الموضوع

شكر وتقدير

رد: تجربتى مع زيت التعاون الاصفر XPL-SM بالصور واسعار زيوت التعاون

تقرير رائع .
انا كمان استخدمت نفس الزيت لعربيتى لانوس بعد معاناة مع زيت موبيل ومن بعده ليكوى مولى (الخدعة الكبرى):00020080: والزيت ماشاء الله عليه زى الفل غيرته المرة اللى فاتت على 6000 كم وعامل البنزينة قالى ممكن تمشى بيه تانى ( على كلام العامل الزيت بيمشى 7000 كم واكتر كمان ).
والمرة دى لسه عامل بيه 3000 كم فقط وماشاء الله تمام .
بس انا ماخدتش ميداليه هديه .ايه ياترى
انا بغير من بنزينة التعاون فى صلاح سالم.

رد: تجربتى مع زيت التعاون الاصفر XPL-SM بالصور واسعار زيوت التعاون

السلام عليكم
عن تجربه الحمد لله بحط SL من فتره طويله وصدقونى بغيره تقريبا كل 10000 وساعات اكثر
وسيارتي لانوس 2006 وعامله ولله الحمد في حدود 165000
والله المستعان

رد: تجربتى مع زيت التعاون الاصفر XPL-SM بالصور واسعار زيوت التعاون

اقتباس:

المشاركة الأصلية كتبت بواسطة abokoko (المشاركة 699457)

عن نفسي لى ملاحظة
ال sm نصف تخليقي حسب ما فهمت فميفعش نحطه بعد زيت معدنى وبالذات للعربيات القديمه
فى التصميم زى 128 وزى عربيتى ال لادا (( ممكن لو من البدايه بعد عمرة الموتور او لو الموتور جديد ))
وهو زيت ل 7000 كيلو وبيستخدموه بتوع تاكسيات ال فيرنا - ده اللى قاله لى عامل البنزينه اللى اعرفه --

ال sl معدنى وهو البديل لشيل الاصفر xhp وهو ل 5000 كيلو -- هيفرق عن الشيل صوت الموتور
شيل اهم اضافاتها للزيت بتعمل على تخفيض صوت الموتور - ده الفرق

عموما هى وجهات نظر
ولولا اختلاف الازواق لبارت السلع

أول حاجة: أوعى تاخد معلوماتك من بتوع البنزينة... الناس دي حاجة من اتنين... يا إما تاجر وعايز يبيعلك حاجة راكده... يا إما جاهل وعامل فيها مفتح وهو ما يفهمش حاجة

تاني حاجة: تصنيف الزيت من ناحية SM أو SL ليس له علاقة من قريب أو من بعيد بكون الزيت تخليقي أو لا

الحروف دي هي تصنيف لما يسمى "مستوى الخدمة" وهي دي اللي بتحدد الزيت ده يقعد في العربية كام كيلو

بس أهم قاعدة نرجعلها في موضوع الزيت هي كتالوج العربية اللي بيحدد أقل مواصفات زيت ممكن نحطه في الموتور، ويتغير كل قد إيه..

طبعا بالنسبة للعربيات الـ128 عموما أي زيت ممكن يتحط في الموتور بدون مشاكل لإن الموتور تصميمه قديم بحيث يناسب الزيوت القديمة اللي حاليا مش موجودة في السوق

اللي عايز يعرف معلومات أكتر عن موضوع الزيت المناسب للعربية يدخل على الموضوع ده:
قواعد اختيار زيت الموتور.. إزاي تعرف الزيت المناسب؟؟؟

ودي وصلة ملف pdf لتصنيف زيوت محركات السيارات من معهد البترول الأمريكي (الـAPI)

...

رد: تجربتى مع زيت التعاون الاصفر XPL-SM بالصور واسعار زيوت التعاون

اقتباس:

المشاركة الأصلية كتبت بواسطة الايطالى الصغير (المشاركة 692352)

مشكور جدا جدا

معلومات مهمة وجميلة

بس انا رأيى الشخصى

انى اغير كل 1000 او 2000 مش اكثر

علشان اطمن على الموتور واللى بيجراله جوه

انما 7000 ما اقدرش أغيب عنه اكثر من كده
مهما كان الزيت نظيف

وشكرا ليك

1000 أو 2000 كيلو ممكن تبقى صح لو حضرتك بتحط زيت لموتور ديزل (سولار)... إنما مواتير البنزين... أقل مسافة تتعمل بالعربية قبل ما تغير زيت هي 5000 كيلو، وده لاختلاف خصائص الموتور البنزين عن الديزل وكمان اختلاف خصائص الزيت اللي بيتحط.

عموما... لو مش بتتحرك بالعربية كتير... ففي أبحاث حديثة بتقول إن المفروض الزيت ما يقعدش في العربية أكتر من شهرين... عشان تأثير الرطوبة على الزيت.. وهنا ممكن حكاية الـ1000 كيلو تبقى منطقية.

بس أنا مازلت مصر إن موضوع التغيير على 1000 و2000 كيلو دي مسألة تسويقية اللي عاملها شركات الزيوت واللي بيبيعوه

...