رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

معاك حق يا باشمهندس ربنا يباركلك

حاجة تانية كمان فى أمريكا زقهوا من زيادة أسعار البنزين وبيعملوا أفكار كتير
علشان يمشوا عربياتهم بالمياه مع البنزين وناس كتير عملتها وشغالة مش إشتغالة

حتى المواتير الكبيرة والمتربنة وبتوفر معاهم بنسبة 50 % على الأقل
وبالنسبة لهنا فى مصر هتحتاج عربية 1400 بالكتير
بس لو سعر البنزين غلى او نزل على البطاقة التموينية ده كلام تانى

ده غير تكاليف إصلاحها هتبقى أعلى من العربيات بتاعتنا بكتير

موضوع شائك بجد

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

معلش يا باشمهندس الخنافس دى كتر ألف خيرها انها شغالة
ولا كمبيوتر للموتور ولاحساسات ولا يحزنون ، ولا الحوجة للتوكيلات
النصابين والسرقة العلنى
وكمان بتمشى بأقل التكاليف

ومش محتاجين للرفاهية الزيادة أوى اللى تخلينى عرضة للحسد والذى منه وده كله علشان الرفاهية

تطبيق القانون ده محتاجله خمسين سنة تكون البلد اتصلح حالها ساعتها ممكن نفكر نغير الخنافس
ونركب علب سمنة

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

دى مصالح لناس تانية
وأحنا مش هنستفاد من الموضوع ده ببصلة
غير بس زحمة الشوارع ، ومبرر تانى لنقص البنزين وزيادة أسعاره

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

يا جماعه انا مش فاهم هي الناس فعلا مصدقه اني الحكومه لو عملت كده هتبقي بتدور علي رفاهية الشعب ولا بتدور علي انها تخلي كل العربيات جديده في وقت الحكومه مطالبه فيه بانه فيه عشوائيات كتير مطالبه بانها تحل مشاكلها وشباب كتير مش لاقي وظيفه واسر بتبات من غير عشا يعني بالعقل كده الحكومه لو عملت كده هيبقي في الموضوع سبوبه ليهم حلوه زي مشروع النمر الجديده كده بس ده طبعا هتكون السبوبه اكبر من الاخر كده القرار ده قبل ما يتنفذ لازم حاجات كتير قوي تتعمل قبله زي اننا يكون عندنا طرق كويسه او عندنا بنزين كافي اننا نشغل العربيات دي او ميبقاش عندنا تكدس مروري واللي بيقولو اني العربيات دي مش هتعمل تكدس مروري وهتشيل العربيات القديمه انا عاوز اسال حضراتكم سؤال هو اصلا كمية العربيات القديمه اللي بقت في البلد دلوقتي قد ايه بقت قليله جدا ولو مشيت علي اي طريق هتلاقي مثلا علي الاقل عشر عربيات جديده مقابل عربيه قديمه واخيرا ياريت اولا نعرف مصدر الخبر ايه اصلا قبل ما يحصل النقاش المحتدم ده كله ويطلع الخبر اصلا في الاخر ملوش اساس من الصحه

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

يا جدعان ما هوا مش معقولة هنعد طول عمرنا مستوى عربياتنا اقل من بقية الناس
ليه منبقاش زينا زيهم
انا عارف ان عشان الفكرة تنجح لازم النظام الاداري يتغير كلو، وعارف ان الحكومة مش هاتعمل حاجة زي كده الا لو كان وراه سبوبة جامدة
بس في نفس الوقت مينفعش نقعد نقتل كل حلم وكل فكرة عشان خايفين كذا وكذا يحصل لو غيرنا من طريقة عيشتنا
ومينفعش بردو نقعد نقول مينفعش نغير حاجة في البلد عشان مرتبطة بحاجة تانية اللي مرتبطة بحاجة تالتة وان احنا قدامنا كتير لما البلد تتصلح وبعدين نبقى نفكر، وما هوا كده مافيش حاجة هاتتغير ابدا!

انا طبعا مش متفق مع أخويا Hisham.Elgazzar في نقطة ان تكاليف التشغيل هاتبقى اكتر من طاقتنا، انا في رايي ان عمر ما تكاليف عربية جديدة مهما كانت فيها تكنولوجيا معقدة هاتزيد على تكاليف عربية قديمة. الا لو هنقول ان في الاول مش هايبقى في ميكانيكية بيفهموا فيها وبالتالي هاتصلحها بالغالي، بس ده هايتحل مع الوقت

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

الف شكر يا باشا على الخبر الحلو
:Bravo::Bravo::Bravo:

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات
 

طب لازم تكون العربيه الاستيراد اول يد ولا ينفع اشترى عربيه استعمال وانزلها