مصر موتورز مجتمع السيارات - ايه الفرق بين الاتوس والاى تن

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - ايه الفرق بين الاتوس والاى تن (https://www.masrmotors.com/vb/showthread.php?t=89216)

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة الزيرو (المشاركة 691844)

ربنا يخليك متشكرة جدا يبقى اكيد ام 64000 دى فاضية يا رب يبقى فى الموديلات التانية عنده وبردو هشوف البيكانتو هو مش عنده لوجان هو توكيل هوينداى وكيا بس وانواع تانية زى ايسوزو

السلام عليكم
نصيحه لوجه الله تعالى ماتجبيش حاجه مش مكيفه او حاجه فاضيه خالص لأنها مش هتعرفى تبعيها ثانى بسهوله ولسبب أخر التكيف بسوى كثير في الحر بتاع الصعيد لأن اسيوط زي المنيا في شدة الحراره وال2000 جنيه الفرق مش كثير مع القسط مع الوضع في الأعتبار السهوله في اعادة البيع
والله المستعان

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة مشمش1 (المشاركة 694825)

اعتقد ان فيها يا مشمش تكييف وبور وازاز كهربا انا شفت اللى ب64000 منوال على النت لقيت دى امكانيها وبردو لما هروح المعرض هشوف بس المشكلة دلوقت فى حكاية التقسيط مخليانى بلف حولين نفسى ومش عارفة اعمل ايه فى جزئية فى التقسيط بخصوص بنك ناصر عايزة حد يفهمهالى انا كتباها بالازرق

تحويل مرتب لايقل عن قيمة القسط
وجود ضامن حكومى او اكثر بمرتبات لاتقل عن قيمة القسط
يتم عمل تأمين على الحياة طوال فترة التقسيط مبلغ يدفع مرة واحدة فقط عند التمليك
يجب ان تكون فترة التقسيط طوال فترة تواجد العميل بالخدمة
فى حالة سداد العميل أكثر من 50% من قيمة السيارة كمقدم يمكن تقديم تعهد من العميل بتحويل مرتب عنـد طلب البنـك يغطى قيمة القسـط الشهرى والتـأمين على حياته لصالح البنـك وبموجب دراسة من الفرع لمعرفة قدرة العميل على السداد

انا فهمت كده انى لو دفعت اكتر من نص تمن العربية مش هيعملولى تحويل مرتب الا لما يحتاجوا هل اللى فهمته صح وحكاية لازم اكون شغالة خمس سنيين انا شغالة خمس سنيين بس منهم سنة ونص حصة وتلاتة ونص تعاقد انا مدرسة بالعقد هل كده مينفعش وكمان انا مرتبى 615 اساسى وحوافز وبدل نقدى كله على بعضه 615 وانا سمعت انهم بيحسبوا الاساسى بس يعنى كده مينفعش انا ممكن ادفع 10000 قسط واحط 29000 اللى هى 40% من تمن العربية بس هيكون القسط فوق الالف وده مش هقدر عليه عايزة حد يفهمنى بالراحة يا جماعة عشان انا مش عارفة اعمل ايه انا عجبانى الاى تن ونفسى اجبها وسالت على سعرها الاسبوع اللى فات فى ناشيونال موتورز لقتها ب64000 انصحونى اعمل ايه انا من اسيوط زى مانتوا عارفيين وشايفة بنك ناصر انسب حاجة فى البنوك اللى متعامل معاها التوكيل

رد: ايه الفرق بين الاتوس والاى تن

ياريت بلاش تقسيط البنك لان تقسيط البنك في حاجة اسمها فايدة مركبة لو اتأخرتي شهر عليه فايدة بتزيد مش فايدة ثابتة ...
فبلاش ولو عاوزة تجيبي قسط فيبقي من معرض ذات ثقة عالية وهاتي عربية تريحك طالما هتجيبي قسط هاتي الي تريحك وتعيش معاكي

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة الزيرو (المشاركة 697040)

تحويل مرتب لايقل عن قيمة القسط
وجود ضامن حكومى او اكثر بمرتبات لاتقل عن قيمة القسط
يتم عمل تأمين على الحياة طوال فترة التقسيط مبلغ يدفع مرة واحدة فقط عند التمليك
يجب ان تكون فترة التقسيط طوال فترة تواجد العميل بالخدمة
فى حالة سداد العميل أكثر من 50% من قيمة السيارة كمقدم يمكن تقديم تعهد من العميل بتحويل مرتب عنـد طلب البنـك يغطى قيمة القسـط الشهرى والتـأمين على حياته لصالح البنـك وبموجب دراسة من الفرع لمعرفة قدرة العميل على السداد

السلام عليكم
بصراحه انا ما بعرفش في نظام القسط والبنوك وياريت تفيدينا بما سوف يحدث معاك للأفاده وللتعليم:thnkr:
والله المستعان

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة MR_SELVESTER (المشاركة 697149)

هو عندنا معارض كتير بس المعروفة منصور شفرليه وناشيونال موتورز الباقى معارض غير معروفة واكيد كل المعارض نفس النظام وكلها بتتعامل مع البنوك واقل البنوك فايدة بنك ناصر بالنسبة للى يرحينى فى العربيات تقصد ايه غير البيكانتو والاى تن عشان اللى سعرها مناسب ليا الاتنيين دول وهما زى بعض تقريبا ونفس الشكة ونفس الهيكل والموتور مع اختلافات طبعا فى الشكل الخارجى بس هما اخوات الفرنا جمعت معلومات عنها لقيت فيها عيوب كتير منها الفرامل اللانوس بردو سمعت انها بقت وحشة من ساعة مبقت شفرليه الرينو لوجان طبعا كويسة جدا بس موتورها 1600 وهيستهلك بنزين كتير شفت السوزوكى التوا 1100 سى سى اقل ب10000 من الاى تن بس صغيرة وضيقة من جوا ومفهاش شنطة بس شكلها بناتى ولونها نبيتى بس صغنونة الاى تن والبكانتو اكبر بكتير ايه تانى ممكن يبقى مناسب الصينى مش بثق فيه مهما كان نوعه واكيد ملوش قطع غيار انا شايفة ان الاى تن ابتدت تنتشر عندنا فى اسيوط عشان سعرها مناسب واقتصادية فى البنزين وفى وكيل هنا وكمان واسعة من جوا خمسة راكب وشنطتها معقولة بس اعرف اشتريها الاول ربنا ييسرلى يا رب وساعدونى يا جماعة اللى يعرف معلومة يقولى انا الاول بحاول ادور على حد يعلمنى سواقة عشان اخد الرخصة قبل مشترى ومش عارفة الموضوع ده ياخد اد ايه وقت وربنا ييسر الحال ويمكن يعملوا عروض تخفيض عشان رمضان مين عارف

رد: ايه الفرق بين الاتوس والاى تن

السلام عليكم
عندنا في المنيا في مدرسة تعليم قياده تابعه للمرور فشوفي في مرور اسيوط هل في مدرسة تعليم قياده تابعه لها ولا لأ وهي بتكون اقصر طريق لأخذ الرخصه وبعد ذلك هتلاقي الى بيعلمك في المدرسه هيعلمك بره بثمن آخر علي سياره خاصه به:CHUBBY~36:
والله المستعان

رد: ايه الفرق بين الاتوس والاى تن

اقتباس:

المشاركة الأصلية كتبت بواسطة مشمش1 (المشاركة 697348)

هو فى مدرسة قيادة بس سالت من مدة قالولى مش بتعلم دلوقت وقولت لحد يسالى لسه مردش عليا ويا رب تكون شغالة بدل استغلال الناس اللى بره