رد: في حاجة بتسحب كهربا من البطارية والعربية مبطلة
 

إشتريه وركبه

ممكن تلاقيه وممكن لأ

عموما لو ملقيتهوش جديد

هاتهم الإثنين من علبة فيوزات إستيراد

فيه واحد منهم موجود فى دايرة التكييف

لحماية كلاتش الكمبروسور من مرور تيار عكسى إليه

وأنت شككتنى الصراحه تانى

أن التكتكته إياها ممكن يكون سببها كلاتش الكمبروسور

ومع تركيب الدا يودات

ممكن تلاقى مشاكل التكتكه إنتهت

رد: في حاجة بتسحب كهربا من البطارية والعربية مبطلة
 

الف شكر لنصائحك الغالية يا بشمهندس سمير
وانا رحت للكهربائي امبارح قالي لازم بالنهار فهروحله النهارده
وان شاء الله هغير كل الفيوزات واركب الدايودين ولو قالي اغير الكتاوت كمان هغيرها ان شاء الله
ودعواتكوا معانا اخواني ان الموضوع المتعب ده ينتهي علي خير

رد: في حاجة بتسحب كهربا من البطارية والعربية مبطلة
 

إن شاء الله تكون حاجة بسيطة يا أخي الكريم وتنتهي على خير إن شاء الله..متنساش تبلغنا اللي حصل معاك أول بأول.

بالتوفيق للجميع.

:01FDAB~189:

رد: في حاجة بتسحب كهربا من البطارية والعربية مبطلة
 

السلام عليكم

أستاذ kholio85 :12EA7A~153:

طمنا عملت ايه؟

رد: في حاجة بتسحب كهربا من البطارية والعربية مبطلة
 

اخواني الكرام - اعتذر لكم اعتذار شديد عن انقطاعي عن المنتدي الفترة الماضية بسبب ظروف قهرية عائلية و بعض المشاكل بالعمل والتمس منكم الدعاء لي ان يصلح الله حالي
بخصوص العربية
انا اشتريت فيوزات جديدة بنفس الامبيرات المطلوبة
وبعدين شلت كل الفيوزات اللي ف علبة الصالون واللي ف علبة الكبوت
وبعدين وصلت لمبة علي التوالي مع موجب البطارية زي ما قالي اخي المهندس سمير عياد
واللمبه منورتش فتأكدت ان في فيوز مسبب الازمة
ابتديت اركب الفيوزات واحد واحد عشان اعرف الشورت ف اي دايرة
ولما خلصت اتفضل معايا 3 فيوزات لو ركبت اي واحد فيهم اللمبة بتنور
فعرفت ان عندي مشكلة ف ال 3 دواير دول
1- فيوز الكاسيت وده ف علبة الصالون
اصل صاحب العربية مركب مكنة كهربا للاريال مع العلم ان العربية هاف اوبشن
الظاهر والله اعلم ان العيب منها - بتسحب كهربا والعربية مبطلة
2- فيوز ف علبة الكبوت مكتوب قصاده HORN يعني بتاع الكلاكس
وانا مش فاهم ليه الكلاكس بيسحب كهربا والعربية مبطلة
3- فيوز ف علبة الكبوت مكتوب قصاده FUEL ودي بقي مش فاهمها
هو ايه ف الوقود بيشتغل بالكهربا - ودلا الفيوز ده لطرمبة البنزين ولا ايه مش عارف
عموما انا مقدرتش اصلحها الفترة اللي فاتت بسبب الظروف اللي كنت بمر بيها
بس ان شاء الله اول ما اوصل لحل هنشره ف المنتدي

رد: في حاجة بتسحب كهربا من البطارية والعربية مبطلة
 

ربنا يصلح حالك يا اخي ويرزقق ماتتمنا:fun_36_3_9[1]:
طيب هل العربية بتسحب كهربا وانت شايل الثلاث فيوزات
اما عن فيوزات الثلاثةl ممكن يكون في سلك ملمس في ارضية العربية المهم ان انت وصلت الي
الدوائر عايز كهربائي ويمشي مع كل دائرة
والله الموفق والمستعان

رد: في حاجة بتسحب كهربا من البطارية والعربية مبطلة
 

ربنا يوفقك ويصلح حالك وييسر لك أمورك ان شاء الله..

طيب انت تقريبا وصلت لمربض الفرس زي ما بيقولو :biggrin:

على فكرة فيوز الــ FUEL ده بتاع طرمبة البنزين..

طيب جرب تفصل سلك الاريال الكهرباء وشوف كده ايه اللي هيحصل معاك..

متابع معاك ان شاء الله..وكمان الأخوة الأفاضل هنا في القسم زي البشمهندس سمير هيتابع معاك بردو ان شاء الله.

:01FDAB~189: