مصر موتورز مجتمع السيارات - هو انا هانتخب 28 اللي جاي ؟ طب ازاي؟

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - هو انا هانتخب 28 اللي جاي ؟ طب ازاي؟ (https://www.masrmotors.com/vb/showthread.php?t=71565)

رد: هو انا هانتخب 28 اللي جاي ؟ طب ازاي؟

معلهش توضيح صغير : مش المقصود الشيخ محمود عامر شخصيا وانه سلفي او ازهري ولكن فيه ظاهره بلغت ذروتها في خطبة وصلاة عيد الاضحى المبارك اللي فات وهي استغلال الخطب المنبريه للتأثير على الناخبين والسؤال بشكل اخر : هل هتتأثر اختيارات الناس في الانتخابات الجايه بالفتاوى اللي بتحرم او تحلل ؟ وايه هوا حجم تأثير رجال الدين على اختلاف انتماءاتهم على الناخب المصري واختياراته ؟

رد: هو انا هانتخب 28 اللي جاي ؟ طب ازاي؟

اقتباس:

المشاركة الأصلية كتبت بواسطة تامر ديزل (المشاركة 552282)

طبعا هتأثر !!!

ده واحد بيخاطبك من منبر رسول الله صلي الله عليه و سلم

إزاي ما تتأثرشي بكلامه

رد: هو انا هانتخب 28 اللي جاي ؟ طب ازاي؟

دي احداث المؤتمر
الجزء الاول
http://www.youtube.com/watch?v=hHW35iX5has

الجزء التاني
http://www.youtube.com/watch?v=MjoXOsOKoio

رد: هو انا هانتخب 28 اللي جاي ؟ طب ازاي؟

اقتباس:

المشاركة الأصلية كتبت بواسطة akefpop (المشاركة 549897)

** يعني أيه " نشر " الديمقراطية في الشرق الأوسط ؟

( حوار بين ليبرالى واسلامى )

......................... .............

** ليبرالى : يعنى ايه ديمقراطية يابنى .. يعنى انك تقول رايك وتعبر عن نفسك وتتقبل الراى الاخر .. ده حتى بيقولك خليك ديمقراطى يعنى تقبل الراى الاخر ..

* اسلامى : طيب انا عايز حكم اسلامى ..

** ليبرالى : بتقول ايه ؟؟ حكم اسلامى ؟؟؟ انت كدة مش ديمقراطى ..

* اسلامى : ليه ياعم الحاج انا بقول رأيى ؟؟

** ليبرالى : رأيك تقوله بعيد عن الدين ولو سمحت ماتدخلش الدين فى السياسة ..

* اسلامى : هى مش الديمقراطية يعنى تقبل الراى الاخر وراى الاغلبية .؟؟ فيها ايه لما ادعوا لدولة اسلامية ده رأيي وانا حر فيه .. وبعدين الحكم فى الاخر للصناديق واصوات الشعب .. ؟؟

** ليبرالى : قول كدة بقى انتو عايزين تاخدوا اغلبية فى البرلمان وتعملوا دستور اسلامى ..

* اسلامى : وفيها ايه طالما ان الاغلبية معانا وموافقين ؟؟

** ليبرالى : انتو بتضحكوا على الناس باسم الدين .. وللاسف الناس جهله ومش فاهمين مصلحتهم ..

* اسلامى : يعنى من كام شهر كان الشعب المصرى عارف مصلحته لما نزل فى الثورة ودلوقتى بقدرة قادر بقى جاهل ومش عارف مصلحته وانتو بس اللى عارفين مصلحة الشعب .. ايه الديكتاتورية دى ؟؟

** ليبرالى : بس دى ما تبقاش ديمقراطية ..

* اسلامى : لاحول ولا قوة الا بالله .. مش انت لسة قايل ان من الديمقراطية انك تقبل رأيى الاخر .. فما بالك بقى لو الراى ده وافقت عليه الاغلبيه ؟؟!

** ليبرالى : ايوة بس كدة انت عايز تفرض رايك انت باسم الاغلبية ..

* اسلامى : اشد فى شعرى يعنى .. مانت لسة قايل ان الديمقراطية هى رأى الاغلبية .. وبعدين تعالى هنا ... هو فرض الديمقراطية عليا وعلى الشعب ده مش ديكتاتورية ؟؟ ياعم انا شعب مش عايز تبقى فيه ديمقراطية .. عايزها اى حكم تانى .. انا حر .. ليه تفرض عليا نظام انا مش عايزه .. وبعدين طالما الاغلبية موافقين يبقى ايه المشكلة ؟؟

** ليبرالى : انتو كدة وهتفضلوا طول عمركم مش عايزين حرية ولا عدالة اجتماعية ولا مساواه ولا تقدم ..

* اسلامى : لو انت بتتكلم عن الحرية والعدالة الاجتماعية والمساواه والتقدم يبقى روح شوف امريكا راعية الديمقراطية فى العالم عملت ايه فى العراق وافغانستان وفيتنام باسم الديمقراطية وباسم نشر الديمقراطية .. الديمقراطية اللى تنتشر عن طريق الدم والارهاب تبقى ديكتاتورية ..

** ليبرالى : انتو هتفضلوا جهله لان الديمقراطية مش بيفهمها غير ناس واعية ومثقفة مش ناس زيكم جهله ..

* اسلامى : طيب وباقى الشعب الغلبان والفلاح المسكين مش من حقه يفهمها ليه .. اذا كان اهم اركانها انتو مش عارفين تطبقوه وهو قبول لرأى الاخر وراى الاغلبية يبقى عايزين الراجل الغلبان يفهم ديمقراطيتكم ازاى وهى كلها تناقضات .. اكيد مش هيفهمها غير اللى حطوها عشان يضحكوا بيها على عقول الناس الغلبانة
------------------------------------------------
*** خلاصة القول ::: من الديمقراطية انى اقول على الديمقراطية ماتنفعش تحكمنى .. ومن الديمقراطية انى اختار نظام الحكم اللى يعجبنى مش اللى يعجب الديمقراطية وراعية الديمقراطية ماما امريكا .. ومن الديمقراطية ان رأى الاغلبية هو اللى يمشى ..
عرفت بقى ان الديمقراطية دى بتناقض نفسها .. وان اى نظام للحكم مخالف ليها يبقى مش من حقه يتطبق وينتشر ؟؟
عرفت ان الديمقراطية علطول شايفة نفسها هى اللى صح وباقى الانظمة غلط وده فى حد ذاته يخالف الديمقراطية ؟؟

:Bravo::Bravo::Bravo::Bra vo::Bravo::Bravo:

رد: هو انا هانتخب 28 اللي جاي ؟ طب ازاي؟

يا جماعة انتوا ليه كلكوا بتدخلوا الامور ببعض ، الموضوع ببساطة انا هنتخب الحزب اللي هحس ان البرامج اللي هيطبقها هتخلينا عندنا تنمية اقتصادية سليمة مهما كان الحزب ده النور، العدالة، الوسط ... الخ.

هل لو انا ما انتخبتش حزب النور او حزب الاخوان ابقي كفرت؟؟ الموضوع كله مرتبط بالبرنامج الانتخابي، ايه هو البرنامج الانتخابي لحزب النور؟؟ هو ده المفروض يبقي اساس الكلام ، بلاش تسطيح الامور والكلام اللي ملوش لزمة زي لو السلفيين نجحوا هيحرموا كذا ولا لو الليبراليين نجحوا هيلغوا الاسلام. لان المواضيع ديه ملهاش علاقة لا بسلفين ولا ليبرالين ديه ليها علاقة بعلاقة الشعب بالاسلام.

الفيصل هو البرنامج الانتخابي ده واحد، صلاحية الشخص المتقدم للانتخابات ده اتنين.

لما حد يقولك انتخب حزب كذا لازم تنقشه في الموضوعين دول انتوا هتعملوا ايه عشان التنمية الاقتصادية والاجتماعية ومين اللي نازل الانتخابات ويفهم ايه في الاقتصاد والسياسية.

غير كده سفسطة بيزنطية وحوارات لا هتودي ولا هتجيب.

ويا ريت الاستاذ بتاع حزب النور يشرحلنا البرنامج الانتخابي للحزب عشان نتناقش فيه وايه هي الخلفية بتاعت المرشح اللي نازل في مدينة نصر

رد: هو انا هانتخب 28 اللي جاي ؟ طب ازاي؟