|
رد: رجاء من الإدارة إيقاف حسابى
اقتباس:
امريكا وقفت في الاول بجانب مبارك و لما لقت اصرار الشعب المصري على الثوره وعرفت ان كرت محروق ... قلبت عليه ....امريكا و اسرائيل كانت سمن على عسل مع النظام السابق فليه يجيبوا لنفسهم وجع الدماغ !!! صعب اوي اوي نقول ان الشعب المصري ثار ومليونيات التحرير كان سببها اي حاجه تانيه غير اراده الشعب المصري ... فدا تقليل و ابخاس لحق الشعب المصري ... وتسطيح لعقول الناس ... و اهدار لحق المصابين و الشهداء الربيع العربي انتشر زي حبوب اللقاح ... حملته نسمات الهواء من تونس الي مصر و اليمن و ليبيا و سوريا وغيرهم .... والشراره عواملها كتير جدا .... لكن الشراره الحقيقيه هي الوصول لنقطه الغليان والتي ادت الي الانقلاب على الظلم و الفساد و الرغبه في تطهير الاناء من ملوثاته او ممكن تقول انه كان فيروس و انتشر بالعدوى .... بس كان فيروس معالج و ليس مرض محدش بيفكر في الانتقام ... كلنا مصريين .... ولا د بلد واحده ... لازم نفكر نبني مش نهدم ... فملهاش لازمه ان البعض يتهم الاخر بالعماله و التخوين .... لمجرد الخلاف في الرأي او وجهات النظر ... حتى لو كانت من منظور الخطاء ... بس المفروض نخاف على الثوره ... مش نخاف منها !!! احنا عايزين نمشي لقدام مش نرجع لورا |
رد: رجاء من الإدارة إيقاف حسابى
اقتباس:
انا اؤيد كلام حضرتك بس عاوزة اقولكم حاجة يا جماعة كل واحد حر فى رأيه طلما لا يضر آخرين واعتقد ان هى دى الديموقراطيه و لو واحد بيحب مبارك هو حر فى رأيه و مش هنهاجمه كل واحد حر فيما يحب و فيما يكره و انا نفسى بستغرب عندما اجد تحول 180 درجة فى آراء اعلاميين و شخصيات مجتمع كثيرين ارجو ان نعمل جميعا لكى نتخطى الفترة العصيبة الحالية و يا ريت نرفع شعار لا للمشاحنات لا للاختلافات لازم كلنا نكون نسيج واحد لبناء هذا البلد و نقف على اقدامنا و نصلح بلدنا و اقتصادنا وننسى اى خلافات ارجوكم دى بلدنا كلنا أهدى لكم هذه http://www.youtube.com/watch?v=yYm5-6fzLw4 |
رد: رجاء من الإدارة إيقاف حسابى
الانظمة العربية عندما تسقط سيسقط معها جيش البلد بمعنى لو سقط النظام السورى ايسقط معاه الجيش السورى ولو سقط النظام اليمنى ايسقط معاه الجيش اليمنى لانه للاسف الحكماء العرب رابطين الجيش بالنظام لانهم جعلوا المناصب العليا فى الجيش فى ايد اقربائهم .. والحمد الله هذا لم يحدث فى مصر لان الجيش المصرى كان مؤسسة منعزلة عن الحكم وكان الجيش مستعد ان يمسك بزمام الأمور ان وقع النظام المصرى فى اى وقت ولا يترك البلد للهاويه ولكن برضوا فى ناس بتربط الجيش بالنظام السابق وبتزن على اسقاط قيادات الجيش والمجلس العسكرى علشان يسقطوا الجيش ... اكيد المجلس العسكرى الحالى كان مستفاد من النظام السابق واكيد يوجد مخالافات لديهم فى ظل عدم المحاسبة فى عهد النظام السابق لكن العقل مطلوب حتى لا نسقط الجيش ولابد ان يظل المجلس العسكرى الحالى حاكم للبلاد حتى تسليم السلطه كاملة لمن يديرون البلاد بدلآ منه ..والحمد لله ان الجيش المصرى ما زال بخير بعد سقوط النظام |
رد: رجاء من الإدارة إيقاف حسابى
والله يا جماعة انا عايز اقول كلام كتير في الموضوع دا ممكن يكفي كتب بس انا ححاول اختصر
الناس بتقول ان الثورة دي مش ثورة وان دي وقفة احتجاجية انا بقول لا دي ثورة كان لها اهداف اتحقق بعضها ومازال بعضها لم يتحقق نعم الثورة تعثرت قليلا لكن مع الوقت باذن الله كل الاهداف ستتحقق ماننساش ان ثورة 23 يوليو كان قايم بيها الجيش اسقطت الملك لكن كان هدفها الرئيسي انهاء الحماية والاحتلال الانجليزي وهذا لم يتحقق يلا بعد 4 سنوات سنة 1956 ودي كانت ثورة جيش يعني تنظيم وادارة علي اعلي المستويات الناس بتقول هي يعني الثورة عملتلنا اية ما احنا في نفس الحال والبلد هي هي انا حسال سؤال واحد بس - انت عملت اية للبلد بعد الثورة - هل غيرت من نفسك وسلوكياتك يعني مبقتش تخالف المرور ومابترميش ورق ولا زبالة في الشارع؟ - بقيت تتقي ربك في عملك وتشتغل طوال ساعات عملك بدون توقف؟ - بقيت بتتقي ربك في قرشك اللي انت بتكسبة وبتتحري الحلال وتتصدق علي الفقرا وبتزور دور رعاية الايتام مثلا؟ - بتعلم ولادك الصح من الغلط وان الغلطان لابد ان يحاسب ويجازي حتي لو كان رئيس جمهورية قائم او سابق حتي لو كان بطل الابطال وسيد الرجال؟ - بتعلم ولادك يعني اية حرية ويعني اية مناقشة بنائة ويعني اية انتخابات ويعني اية اختيار مناسب بدون مصالح؟ الناس بتقول ان الثوار خربوا البلد وحنشحت قريب انا بقول طيب الثوار دول كانوا ناس وغلطت بس علي الاقل كانوا ايجابيين قدروا يعملوا اللي كانوا عايزينة - انت حتفضل سالبي لحد امتي تخلي اللي يسوي واللي مايسواش يتحكم في مصيرك لغاية امتي حتفضل سايبها وزي ما ترسي؟؟ اخيرا عشان مطولش وابقي بايخ اللي قاموا بالثورة ناس كانت عايزة تعمل حاجة كويسة للبلد ومكانوش طالعين عايزين اي مصلحة شخصية ولا كانوا طمعانين انهم يحكموا البلد دي (انا من لرايي ان دي الغلطة الوحيدة اللي عملها الثوار) كتر الف خيرهم كفاية عليهم كدا والدور علينا بعد كدة ان احنا نصلح البلد دي دا فعلا لو حابينها وعايزنها تتصلح ان الله لا يغير بقوم حتي يغيروا ما بانفسهم - بمعني ولا ثورة ولا حتي انفلاب حيغير البلد دي قبل ما احنا نتغيير ونبطل نتجادل في الهيافات ونشتغل علي الجد ونعمل لنفسنا اولويات - انا عن نفسي مش عايز من مبارك ولا اللي كانوا حولية حاجة غير الحقيقة مين اللي قتل اخواتنا وولادنا من غير زنب غير انهم وقفوا في الشارع وعلوا صوتهم بس قبل دا كله نفسي نعمل لنفسنا من جوانا قانون ونظام نحترم فية حق وحرية الغير قبل ما نطالب بحقنا وحريتنا , قانون انساني شريف الالتزام بية نابع من جوا كل واحد فينا مش قانون دولة نلتزم بية بالقوة ان وصلنا للمرحلة دي باذن الله ولا اي قوة في العالم حتقدر تفرقنا وبالتالي حنكون نفسنا قوة تقدر تقف في وش اي حد بدون خوف يارب في هذة الايام الجميلة العطرة ان هذا حلمي ودعائي الهم فاستجب لي - امين |
رد: رجاء من الإدارة إيقاف حسابى
بعد كل الكلام الرائع المذكور فى هذة المشاركات الهادفة
وفى تلك الايام المباركة العظيمة احب ايام الله نسأل الله العلى القدير :اللهم عافنا فى من عافيت وقنا شر ما قضيت اللهم ولى امورنا خيارنا ولا تولى امورنا شرارنا اللهم اصلح احوالنا ولا تؤاخذنا بما فعل السفهاء منا يا ارحم الراحمين يا رب العالمين :30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]::30p[1]: |
رد: رجاء من الإدارة إيقاف حسابى
ما توقفوا حسابه و نرتاح كلنا أفضل:balloons71:
|
| الساعة الآن 04:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017