المشاركة الأصلية كتبت بواسطة sasa3 (المشاركة 533320)

امال بقا تعمل ايه لو قولتلك الشارع الى احنا فيه و الى بيحصل فيه

احنا فى شارع رئيسى بعدنا بحوالى 50 متر و فى شارع موازى فيه الى احنا ساكنين فيه طوله بتاع 50 متر برضه بس الشارع ده مسدود مقفول يعنى و الناس اصحاب البيوت الى فيه بتركن فيه و كان فيه حتتين ارض فاضيين برضوا بيسدوا فى الركنه و كده

بعد فترة قام اصحاب الاراضى الفاضيه ده عاملين عليها سور و قفلوها كل قطعة ارض كانت بتاخد 5 عربيات اقل واجب كده يبقى الشارع نقص 10 اماكن ركنه طبعا العربيات ده طلعت على الشارع المقفول ده و بقا الركن صعب اوى و متلاقيش مكان للركنه و ككمان الناس الى مش بتلاقى مكان على الرئيسى تدخل شوارع جانبية و الى ذ1اد و غطى البيت الى قدامنا قام حاططط حديد باقفال علشان محدش يركن قدامة (مع العلم انهم معندهومش غير عربية واحده ) و الحديد ده بياخد مكان 3 عربيات


دا غير الخناقات اليومية مع اصحاب المحلات علشان يسيبونا نركن فى الشارع


مع انى ضد انى استأذن حد فى انى اخد حقى انى اركن قدامه

المشاركة الأصلية كتبت بواسطة alshura (المشاركة 533351)

دى بلطجه من اصحاب المحلات و لازم محافظه القاهره وجميع المحافظات تقوم بتركيب عدادات اجره ركن بجميع محافظات الجمهوريه و اللى عاوز يركن يدفع مثلا ربع جنيه عن الساعه كبدايه للمشروع كما هو معمول به فكل انحاء المعموره و يستغل الدخل لتنظيف الشوارع ورصفها

المشاركة الأصلية كتبت بواسطة dr.wael7yran (المشاركة 533378)

و الموضوع للاسف بدأ ينتشر في المدن الجديدة لان هناك كل اسرة ما شاء الله عندها عربيتين او تلاتة و بدأت هناك تظهر البوادر ..
خد مثلا عمارتنا الجراج بياخد بالعافية 4 عربيات ده لو شوماخر بيركن يعني كل يوم ..
و العمارة خمس شقق ..
و كل شقة عندها عربيتين ..
قولي بقى هيركنوا فين :01F6EB~150:
يعني احنا في 6 اكتوبر حاليا بنركن العربيات عمودي على الرصيف في الشارع
و لسه تقريبا اللي ساكنيين في الشارع 60 % من اللي مفروض يسكنوا فيه

المشاركة الأصلية كتبت بواسطة diaahsn (المشاركة 585266)

:k_crying77[1]:الجميل ان المحلات اللى بترفض حد يركن قدامها تلاقى الطابورعليها جايب اخر الشارع انا طبعا بتريق وفية كمان موضوع تانى القهاوى يا باشاوات اصبحو بيحطو الكراسى برة ع الرصيف وفى الشارع وفى الجزيرة اللى فى النص ولما يلمو الكراسى يحطو الحجارة مكانها وقصارى الزرع يعنى قمة البلطجة وقلة الادب مفيش حل يا جدعان صدقونى ومحدش يقوللى ثورة ولا بتاع لاننا متغيرناش من جوانا