رد: تجربتى الخاصة مع رينو لوجان
 

ياعم سهلة ومش مستهلة بس والله انا لمعايا دى ولا دى بس اكتر من مالك للفرنا دخل على قسم اللوجان وقال انه بيفكر يبيع ويشترى اللوجان ومشاركة تانية واحد بيندم انه اشترى الفرنا وياريته اشترى اللوجان ، وبعدين ايه فايدت ماتور حديث فى عربية مينفعش تمشى بسرعة اكتر من 140

تقبل تحياتى وكل سنة وانت طيب

رد: تجربتى الخاصة مع رينو لوجان
 

يا باشا شكرا على سعة صدرك وموش عارف ليه انتا مفهمنتينيش غلط زى اللى دخل فيه شمال ده يمكن علشان احنا من المنصورة زى بعض
وكل سنة وانت بالف صحة وسلامة يا رب :01FDAB~189:

رد: تجربتى الخاصة مع رينو لوجان
 

يا جماعة و لا تزعلوا من بعض ولا حاجة
و اذا كان على ال 8 و لا ال16
فعلى راى المثل كل فوله و لها كيال
و طالما اختلفت الازواق اشترينا اللوجان و الهيونداى و السيات و غيره
و محدش هنا قال انا اغنى واحد و لا انا وارث من جمال مبارك و لا حاجة زى كدة
فاللى يشترى لوجان و عجباه خلاص و كذلك الهيونداى
و عموما اغلب الناس فى مصر مش مرتاحه فى عربياتها و ساعات تقولك انا كنت اشتريت الماركة الفلانية
بس لو كان اشتراها فعلا
هتلاقيه برضوا بيشتكى منها و بيقول على ماركة تانية
و اقل حاجة تضايق الواحد منهم تلاقيه بيتكلم معاك و بيقولك كنت اشتريت الماركة الفلانية
و تشعر بهذا فى حالة توقف السيارة فى طريق صحراوى علشان يغير كاوتش او الجلوس عند التوكيل لمده طويلة منتظر السيارة تخلص و تستلمها
اما بخصوص الصبابات ال8 و ال16
انا عربيتى سومزوكى ماروتى 3 سلندر و ما اعرفش هيه كام صباب و لو حد يعرف يقوللى
و يقوللى هتفرق معايا لو عملت تعديل فى الموتور و خليت الصبابات 16 صباب
يعنى مثلا بدل ما انزل الصبح اوصل العيال المدرسة و يعدين اروح الشغل هلاقى نفسى روحت الشغل من غير ما اوصل العيال المدرسة و اخدهم معايا المكتب مثلا و لا هوصلهم المدرسة و اروح الشغل و لما ارجع الاقيهم دخلوا الجامعة علشان العربية اللى وصلتهم بيها سوزوكى ماروتى 16 صبابا
معلش نسيت الموضوع اللى كنت عاوز اتكلم فيه
و هو موضوع شبكة اللوجان
حيث انه طالما الشبكة بها هذه المشكلة
هل ينفع يتجاب سلك معدنى زى بتاع الناموس فى البيت او سلك بقلاوة معدن و يتركب عليها من الداخل و يتربط بمسامير بحيث يحجز اة شىء رفيع من الدخول
هل الفكرة دى كويسة و لا تعبانة
مع العلم انه مش هيبان من الخارج و هيظهر فقط من الداخل لما تفتح الكبوت
و هيوفر مبلغ ال3000 جنية

و عندى سؤال
هل كان ينفع يتلحم الماسورة اللى اتخرمت من الطوبة و تشحن فريون و خلاص و لا كان لازم يتغير السربنتينه






ا

رد: تجربتى الخاصة مع رينو لوجان
 

ان السربنتينة تتخرم دة عادى جدا بس مش لازم تغيرها خالص ...من السهل جدا لحامها

رد: تجربتى الخاصة مع رينو لوجان
 

حضرتك اشتريت واحدة من احسن السيارات في مصر بالسعر تحت 80 الف
داتشيا لوجان او بروتون ساجا
الصاج في اللوجان ممتاز ومالوش علاقة بأمان السيارة الامان بقي من قوة شاسية السيارة وتشتيتة للصدمة . عندك الميجان اغلبها فايبر مش صاج ورغم كدة 5 نجوم في اختبارات الامان
التكييف ربنا يعوض عليك ان شاء الله وعشان متحصلش تاني هات سيلك صلب شبك وركبة تحت الشبكة بيعمل منظر ويمنع دخول الطوب المندس وكل سنة وانتو طيبين

رد: تجربتى الخاصة مع رينو لوجان
 

صاج اللوجان بالفعل فى منطقة الجانب الخلفى الأيسر آخر مسخرة فعلاً ، (وكذلك السقف) ، بس مش ده العيب اللى يخلينا نكره العربية ونحمد ربنا انها جات فى الحاجات الهايفة دى ، خصوصاً وأن الصاج فى المنطقة دى من السهل رده باليد من داخل الشنطة.