|
رد: الثورة المصرية علي خطي الثورة الفرنسية
نعيب زماننا و العيب فينا
و ما لزماننا عيب سوانا اتفق و اختلف مع صاحب المقال ، (انا بحب المازدا 6 ):w6w2005041113562663 أولا لا يجب ان نعيب فى الثوار (بغض النظر عن الحركات او التوجهات) - أعنى من كانوا فى الثورة من 25 يناير و حتى 11 فبراير - فهى لم تكن ثورة منظمة او مؤامرة او خلافة. و لم تكن ثورة شباب ، بل كانت ثورة شعب انفجر من الضغط و الالم و لا حياة لم يسمع مقولة آه التى يصرخ بها من زمن. هى ثورة الموظف البسيط و محدود الدخل و الشاب و الفتاة و الاب و الام الذى لا يجد الا مستقبلا اسود ينتظره. و لا اعتقد ان هناك من يختلف معى حتى هنا. و لا تحاول ان تقنعنى ان هذا الانفجار مؤامرة او خلافة ، فصدقنى لو كنت من الذين يعانون شظف العيش للاحسست بكلامى. اما ما يحدث بعد ذلك فانا اشعر انا هناك من يعبث لمحاولة الانقضاض على هذا المارد الذى يستيقظ من ثباته (اعنى مصر). فلابد لعدة دول و اتجاهات ان تحارب و تزرع الفتن لعدم صحوة هذا المارد بعدة طرق (خلافات مع الجيش او الشرطة - حركات حزبية و غير حزبية و تناحرو خلافه). ساعد على ذلك افتقاد مصر للقائد ، و مما لا خلاف عليه ان مصر دوما بحاجة الى قائد و عندما يوجد هذا القائد فان المصرييبن يصنعوا المعجزات ن و هذه هى حقائق التاريخ منذ (مينا موحد القطرين - عصر الفراعنة فى اواخر الدولة القديمة و هم بناة الاهرامات - تحتمس الثالث - رمسيس الثانى - أحمس -صلاح الدين الايوبى - قطز - محمد على -..... و القائمة طويلة) و لكن المعضلة فى عدم و جود قائد فى الفترة الحالية. ننتقل للنقطة الثانية و هى ان اخطر ما تم فى مصر فى العهد البائد و الخيانة العظمى لمصر ليست فى صفقات او اراض او غاز ، و لكنها فى تسطيح العقل المصرى و محو ثقافته و اختفاء المثل و القيم و اخلاق الامانة و الاخلاص و العمل و حب الوطن و حتى الادب. فنحن شعب قليل الادب (آسف على التعبير و لكنها الحقيقة و لا اقصد احدا و لكن السيئة تعم ) فانا لا اقبل ان يقال على جهاز الشرطة سوسن لان جهاز الشرطة قيم و خلق و واجب و شرف و عين لا تمسها النار (اما ان يكون به اشخاص فاسدون فليذهب هؤلاء الى الجحيم 9 و لكن لا يجب ان نهين رسالة الشرطة من اجل بضعة فاسدين يمكن ان نزيلهم من على اللارض و ان ياتى غيرهم صالحين مثل اصحاب 25 يناير ( و لكن فى الاسماعيلية ايام الاحتلال الانجليزى و ليس فى ميدان التحريرفى عهد مبارك). و لا اقبل ان يسبها مقدم الجيش ب***** . لماذا لا نحترم بعضنا البعض لماذا لا نتعلم ادب الحوار و ادب الشورى فى الاسلام ، قد يغضب بعضكم من قولى انا شعب غير مؤدب و لكنها الحقيقة انا اشعر بذلك حين اشاهد التلفاز ، تتطلع الى برنامج حوارى و شاهد ماذا يحدث بين الحضور و بين المذيعيين ، المذيع غير مؤدب فى التعامل مع الجمهور لا فى الفاظه و لا تعبيراته ن اللغة العربية غابت عن الوعى و المذيعون لا يعرفون ما يقال بالفصحى و لا العامية. و كل من هب و دب يفتى فى امر الامة (و الله اكاد اشك انه عصر الرويبضة كما حدث رسول الله) يجب ان نكتفى بالحديث و ان نبدأ بالعمل ، مصر تحتاج الى اى فرد يرسى العدل و ان يبدأ العمل. سيدى الضابط الفاضل / الف مبروك لصديقك لانه رزق الشهادة (فى الصعيد تطلق الزغاريد عن شهادة احد الافراد لانه يشفع لسبعين من اهله - و نسال الله ان يرزق اهله الصبر و السلوان) و لكنى اشعر انك حانق على الثورة و ما حدث ، صديقك كان يؤدى واجبه و وفاته شرف له و لاسرته و لا جدال ان هناك فرق بين الثائر و مقتحمى الاقسام و اللصوص و الخونة. نحن بحاجة الى تعلم الهدوء و الادب و النظر الى مصر الشرطة لا تستطيع ان تقوم بعملها لانها لم تغير فكرها الذى يقوم على انها من طبقة و الشعب من طبقة اخرى و بين الطبقتين كل العداء لو شعر المواطن العادى انه مثل اى شرطى و التساوى فى المعاملات و الحقوق و الواجبات ستجد وضعا اخر ستجد الناس يساعدون الشرطة و لا يحاربونها. الوقت ليس لالقاء اللوم او الدفاع عن اى طرف و لكنه ليقوم مل منا بدوره على اكمل وجه حتى يستقيم ميزان الامور. و اسال الله ان يحمى مصر و شعبها و الشرطة (الشرفاء بس:w6w2005041113562663 ) و الجيش. عذرا للاطالة و نكمل لالحقا لانشغالى حاليا و تقبل مرورى |
رد: الثورة المصرية علي خطي الثورة الفرنسية
اقتباس:
اقتباس:
وصحيح هنروح ليه بعيد انت قولتها العفو عند المقدرة .. وده لسه محصلش للثوار لانهم مش فى موقع سلطة .. فسيبك من جنوب افريقيا وخليك فى شمالها وقولى ...هو عبد الناصر والظباط الاحرار عملو ايه فى بوللى وامثالة واحنا عملنا ايه فى عز واذنابة صحيح لو مكنتش متابع .. العادلى اخد بالقضاء العادل (اللى على نار هادية ) 15 سنة مشددة من محكمة الجنايات فى قضية التربح واستغلال النفوذ ده غير كام مليون غرامة تقدر تقولى العادلى دلوقتى لابس بدلة زرقة ولا بيضاء ؟ بداء يقضى العقوبة زى اى حرامى زيه ولا لسه .. تعرف ؟؟؟ ياريت كمان حضرتك توضحلى بالظبط تقصد مين بالعفو ؟؟ يعنى العادلى مثلاً ولا مبارك ولا عز وفرقتة ولا مين تحديداً انا بجد عايز افهم وجهه نظرك علشان مكونش برد بتسرع من غير فهم حقيقى لموقفك يعنى حضرتك شايف ان اننا نعفو عن العادلى مثلاً ونقولة خلاص ياعم سماح اتكل على الله وبالنسبة للفلوس اللى انت اخدتها حلال عليك ياعم الله يباركلو :Wkiss5: هل ده رايك ؟؟ |
رد: الثورة المصرية علي خطي الثورة الفرنسية
يااخي والله كم أشعر براحه نفسية عندما أتحدث إلي رجل له نفس اسلوبك في الحوار حتي وان اختلفت افكاره مع افكاري .. ندخل في الحوار ونحمل لبعضنا كل الاحترام ونخرج من الحوار وقد زاد الاحترام بيننا حتي وان نتفق في افكارنا .. لايستهزأ أحدنا بفكر وكلام الاخر ... فلك مني كل التحية والاحترام والتقدير....
دعنا نتحدث اولا عن نقاط اتفاقنا وهو حديثنا عن الشرطة المصرية.... نعم يجب ان تتغير افكار الشرطه لتصل الي غايتها السامية وهو الدفاع والحفاظ علي الشعب التي هي جزء لايتجزأ منه وليس الدفاع عن النظام أو فئة معينه من الشعب دون باقي الشعب... الشرطة ياأخي الكريم يجب أن تكون لها هيبتها التي تستمدها من هيبة القانون التي تسعي بكل قوتها لتنفيذه ولكن اذا سعي بعض الناس الي اسقاط هيبة الشرطة هي تريد اسقاط هيبة الدولة بل منهم من دعي الي "كسر عين الجيش" صدقني لاتوجد هناك حرية بغير أمان لان وقتها ستتحول الحرية الي انفلات كما نراه الان... كنت انتقد أداء الشرطة وتعاملها مع المواطنين بخشونه متعمده ولكن وبعد نزول الجيش الي الشارع وتعامله مع فئات معينه من الشعب ..فقد قدمت كل العذر الي رجال الشرطه في بذاءة لسانهم وشدتهم مع هذه الفئات ... لا اخفيك سرا في داخل الثكنات العسكريه من الممكن التعامل بقسوة مع المجندين وضباط الصف وغيرهم ولكن لم تكن تصدر مني اي سب او قذف في حقهم ... ممكن التعامل معهن بكلمات دارجة مثل "يامتحف, يالوووح, ياحماار" ولكن وبعد تعاملي مع الفئات التي كانت تتعامل معها الشرطة وصل الامر الي"سب الدين" والعياذ بالله وعندما يسمع منك الناس هذه الالفاظ تجدهم يخشونك ويهابونك وويعملون لك الف الف حساب ... هل لاننا شعب اصبح يخاف من "قليل الادب وصاحب الصوت العالي " .. والي مزيد من الحوار ..... |
رد: الثورة المصرية علي خطي الثورة الفرنسية
اقتباس:
من السياق بيتهئالى انك بتتكلم عن شباب الثورة عموماً او فصيل منهم والضمير بتاع قدامنا ده يشمل حضرتك لو انا فاهم صح .. احكيلى بالله عليك عملت ايه علشان تجرى الشباب زى القطط الفطسانة كده :clapW15: وياترى كنت لوحدك ولا معاك حد تانى ؟؟ والقطط .. قصدى الثوار كانو قد ايه ؟؟ وياترى كان فى ايدك سلاح بتخوفهم بيه علشان يجرو ولا زعقك فيهم بصوت جامد فخافو ونونووو وجريوا قدامك والسؤال الاهم معلش سامحنى بحب القصص ديه اوى هما القطط .. قصدى الشباب دول اصلاً كانو جايين فطسانين ولا انت اللى فطستهم بنفسك ؟؟ :hech: |
رد: الثورة المصرية علي خطي الثورة الفرنسية
حضرتك ياابو نورا مصمم متفهمنيش
اولا انا ميهمنيش العادي وعز لانهم ناس زباله بالنسبالي ويمكن من غيرهم كان شكل البلد هيككون غير كده ... انا اللي اقصده اننا نبني البلد بالحب والوئام والمصالحه الوطنيه بدل الاستبعاد والقوائم السوداء النظام راح وراحت رموزه وسواء كانوا مذنبين او غير مذنبين ده الفيصل فيه هو القضاء ... انا ابحث عن سلام مجتمعي وده اللي خلاني اضرب مثال "الرسول صلي الله عليه وسلم" لانه اكبر مثال يجب ان يطبق علي ارض الواقع وكنت متعمد اضرب مقارنه بينه وبين الثورة الفرنسيه اللي خلت الشعب يحارب بعضه وقسمته الي احزاب .... اولا اللي كنا فيه لايطلق عليه اسم ثورة وانما انتفاضة تصحيح الاوضاع ... واللي بتقول عليهم ثوار اذا كانوا يريدون السلطه فيجب انهم يحصلوا عليها عن طريق واحد بس وهو "الصناااااااديق" لان هي دي الديمقراطيه.... الثوار يريدون استبعاد نصف الشعب المصري بداعي "الانتماء للحزب الوطني والانتماء للمحليات وحاجات سخيفه" ده في حد ذاته بيخلق حالة من العداء بين الشعب لايمكن ان تنتهي الا بكارثه ... فهمت انا عايز السلام والعفو والمصالحه مع مييين؟؟؟ |
رد: الثورة المصرية علي خطي الثورة الفرنسية
اقتباس:
حضرتك بتقول هيبة الشرطة وده كلام جميل ومستمدة من القانون وده كلام اجمل ممكن تقولى انهى ظباط فى الصور التالية ينطبق عليه المطلب اللى حضرتك بتطالب بيه ده http://geeloctober.com/uploads/xg7ymAWZKes5.png http://www.alwasatparty.com/files/images/7(8).jpg وكون ان حضرتك شايف ان التعامل مع فئات ادنى ثقافيا او اجتماعياً يستوجب السب والقذف واستخدام اساليب سادية للتعامل يبقى حضرتك غايبة عنك حاجات كتير تندرج تحت مسميات حقوق الانسان والحيوان والنبات والحشرات حتى كمان علشان انت لو عندك صرصار هتدوس عليه برجلك مرة واحدة مش هتنده اصحابك يدوسو علية معاك |
رد: الثورة المصرية علي خطي الثورة الفرنسية
اقتباس:
لا ياباشا مكنش معايا سلاح وبعدين الشباب دي انواع النوع الاول: اللي مسقط البنطلون ومتعرفش هو بنت او ولد فالنوع دا تكشر في وشه بس ... النوع التاني : تلاقيح جتت وبيكون اغلبهم من البنات ومحاولة استفزازك ودفعك للتعدي عليهم وبعدين يصوروك وينزلوا المقطع علي الفيس بوك واليوتيوب فادووول بيكون التعامل معاهم بصوت عالي مصحوب بنشيد من الشتائم "اللي قلبك يحبها" وبتجيب معاهم نتيجه والله... النوع الثالث: وهم من اخطر الانواع "الفتوات" اللي عايزين يكسروا عين الجيش ويخلوه "الفت" فالتعامل بيتم معاهم بنفس منطقهم بالايدي المجرده وده اللي حصل معايا مع 3 شباب من النوع ده "أصل أخوك كان بطل الكلية الحربيه في الملاكمة .. والثاني علي مستوي الكليات والمعاهد العسكرية" وخدوا الطريحه لحد ماقالوا كفايه كده ونكمل بكره.... ولايوم اخلاء ميدان التحرير ههههههههههههههه دا كان حتة يووم دي العساكر زهقت من كتر الضرب ياراجل ..... اما النوع الاصلي والمعدن الاصيل وهو باقي الشعب المصري الذي لاتملك الا ان تبادلهم كل احترام وتقدير وهم الغالبية العظمي من الشعب .... :00db9337ef155724e76 |
| الساعة الآن 10:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017