مصر موتورز مجتمع السيارات - تابع موضوع سيارة خالد الله يرحمه

مصر موتورز مجتمع السيارات (https://www.masrmotors.com/vb/index.php)

- المناسبات الاجتماعية (https://www.masrmotors.com/vb/forumdisplay.php?f=86)

- - تابع موضوع سيارة خالد الله يرحمه (https://www.masrmotors.com/vb/showthread.php?t=62019)

رد: تابع موضوع سيارة خالد الله يرحمه

اقتباس:

المشاركة الأصلية كتبت بواسطة BASSEM BESO (المشاركة 467226)

انا رأيى من رأى الشيخ طارق بس نسارع الأول بفتح حساب بنكى وبعد كده قدامنا حلين :

1- المبلغ اللى يتجمع + بيع العربيه حوادث كما هى يتسدد بيه دين البنك والباقى لو بأذن الله حصل وكان فيه باقى يروح لأهل خالد خليفه .

2- نعمل لجنه من اعضاء المنتدى يقدروا يمشوا فى موضوع تصليح العربيه وبعد كده نبيعها ( لو معلهاش حظر بيع ) ونسدد للبنك ( لكن انا مش مع الحل ده لأن العربيه تمنها هيقل جدا جدا جدا ) واحنا عايزين اكثر استفاده لأسره اخونا خالد

وياريت ياجماعه اول حاجه نبدأ ونسارع بيها هى فتح حساب بنكى ونبدأ نساهم فيه كل منا على قدر استطاعته وهذا مااراه اسرع وانسب الحلول الأن وبعد كده نفكر العربيه نعمل ايه فيها سواء تصليحها اوبيعها كما هى والله الموفق

تصدق بالله انتا ابن حلال يا باسم

انا في فكرة في دماغي انما ايه من الاخر

احنا ممكن نصلح العربية ونسلمها للبنك وبكدا يبقي ال 40000 اللي دفعهم خالد العربية قعدت بيها معاه ال 3 سنين دول

والموضوع كله مش هيتكلف 12000 جنيه سمكرة ودوكو وشغل ميكانيكا

بس هل البنك هيقبل انه يستلم العربية ولا ايه

بس اللي اعرفه ان اي حد بيتقاعص عن سداد اقساط العربية من حق البنك استرددها ولا انتوا رئيكم ايه

رد: تابع موضوع سيارة خالد الله يرحمه

اقتباس:

المشاركة الأصلية كتبت بواسطة AboNoRa (المشاركة 467278)

سبق ورديت فى الموضوع الاول
http://www.masrmotors.com/vb/showthread.php?t=61990

http://www.masrmotors.com/vb/showpos...2&postcount=39

وبعدها اتصلت بكورسير امبارح اكتر من مرة مش بيرد

معلش يا ابو نورا والله موبيلي ضرب كهربا وان شاء الله بكره
هشتري عده جديدة وهكلمك

وربنا يجازيك كل خير ويجعله في ميزان حسناتك

اقتباس:

المشاركة الأصلية كتبت بواسطة black-horse (المشاركة 467279)

يا جماعة كتر خير كورسير علي موضوعة ده بجد
هو كدة بصراحة احنا بنحملة كتير
لازم كلنا نشارك مش هو بس
بمعني لو في لجنة فعلا يبقي لازم كذا حد
انما هو هيتحمل لوحدة؟
ولا اية رايكو

ربنا يباركلك ياغالي بس والله انا مستعد اعمل قرد في الموضوع ده وانا مش تعبان او بشتكي من اني بجري في الموضوع لان ده ثواب عظيم وانا بتمني اني اكمل فيه للاخر

رد: تابع موضوع سيارة خالد الله يرحمه

اقتباس:

المشاركة الأصلية كتبت بواسطة corsair (المشاركة 467302)

اذا اخذ البنك السياره سيتم عمل مذاد عليها والسعر الذى يضعه المشترى هو الذى سيخصمه البنك وسيكون بسعر بخس لا انصح بهذه الفكره انت امامك حلين الاول بيعها كما هى مع وعد للبائع بتخليص السياره من البنك بعد الشراء والثانى هو بيع السياره بعد تصليحها والاوفر سنختاره ان شاء الله

رد: تابع موضوع سيارة خالد الله يرحمه

آخر التطورات ياباشا

واحد سمكرى كبير اوى فى المحلة هنا قالى الرقم دا كفر ومبالغ فيه اوى

وقالى ان العربية لو هتجيب 4 ابواب ونص ورا ونص ادام فاضيين بدون ماتور يعنى مش هتوصل 15 الف جنيه

واستنى منى ادق التفاصيل بردو انا والله بحاول فى الموضوع ومش ساكت ودعواتك بس..

رد: تابع موضوع سيارة خالد الله يرحمه

ربنا يباركلك على الوضوع يا ريس ويجعله في ميزانك وميزان كل من ساعد فيه ولو بفكره،،

انا مع الرأي اللي بيقول تصليح العربيه ،، والسمكريه اللي بيقولك تغيير نصين ده ربنا يسامحهم ،، ده استغلال للظروف مافيش بعد كده بصراحه
العربيه مافيهاش المعضله العويصه يعني اللي يتغير عشانه نصين ،، افترى والله العظيم

اتوكل على الله هم السمكرية بتوع الاقاليم اللي حيجيبو فيها الشغل الصح وفي نفس الوقت مايكلفش زي مصر ،،، للاسف هنا لا في صنايعيه عدله وفي الاخر كمان اسعار عاليه مبالغ فيها

ربنا يرحمه ان شاء الله ،،، وربنا يقدم اللي فيه الخير لأهله في الموضوع ده

تحياتي لكم ،،

رد: تابع موضوع سيارة خالد الله يرحمه

اقتباس:

المشاركة الأصلية كتبت بواسطة طارق ابوذيد (المشاركة 467307)

اشكرك يا شيخ طارق بس انا قصدي حاجه تانية

ان البنك ملهوش عند المتوفي اي شئ لان صاحبها توفي والبنك مش هيبقي قدامه غير سحب العربية وهو يتصرف مع نفسه

يبعها في مزاد ميبعهاش ديه حاجه تخصه

لكن انا قصدي ان العربية تتصلح وتتسلملهم ومحامي يعمل مصالحة مع البنك والموضوع ينتهي

اقتباس:

المشاركة الأصلية كتبت بواسطة عبدالله منصور (المشاركة 467493)

والله يا استاذ عبدالله انا مش عارف اقولك ايه بس موضوع نقل العربية لمحافظة تانية ده صعب اوي لان علي الاقل لازم السمكري ده يجي يشوفها ويقدر اللي هيتم فيها وبعدين نتفق علي سفرها

وربنا يعينك ويديك الصحة ويجعله في ميزان حسناتك يا استاذ عبدالله

اقتباس:

المشاركة الأصلية كتبت بواسطة hatem_eg (المشاركة 467508)

الله يباركلك يا استاذ حاتم ويجعله في ميزان حسناتك بس لازم حد معين من السمكرية دول يكون اهل ثقه ويجي يشوف العربية الاول ويحصر اللي هيتعمل فيها علشان العربية متروحش تسافر وفي الاخر العربية يطلعلنا في القطط الفاطسه

رد: تابع موضوع سيارة خالد الله يرحمه

انا مقولتش ننقلها ولاحاجة انا بكلم الناس اللى عندىبحيث يقدروا هما اللى المفروض يحصل لاكن مفيش داعى العربية تتنقل اطلاقاً وان شاء الله نلاقى ناس كويسين بردو يعملوها

هى العربية فين بالظبط ؟