|
رد: استفسار عن سعر سيارة ماتركس مستعمله
بص يا أخى التجهيزة اللى بتركب لو واحد عادى ساق العربية مش بيحس أن التجهيزة موجودة بتكون فاصلة. أنا مركب دبرياج ولما والدى بيسوق العربية بيسوق عادى خالص ومش بيكون فى أى تغير. بص أنت أفضل تركبها وتركب واحد كويس كمان بلاش حكاية الخشب والكلام دة. السواقة عاوز تكون متمكن من كل حاجة...
نصحية من أخوك ركب تجهيزة حلوة، ولما اخوك يسوق هيلاقى كل حاجة طبيعية كأنها عربية عادية... |
رد: استفسار عن سعر سيارة ماتركس مستعمله
وعلى فكرة لما تحب تبيع العربية بتتشال التجهيزة وترجع العربية زى العادية. والتجهيزة مش بتأثر على أى حاجة فى العربية يعنى ولا تقطيع ولا تعديل... حاجة فعلا ممتازة وأمنه..
|
رد: استفسار عن سعر سيارة ماتركس مستعمله
ممكن اعرف انت عملت فين الجهاز
|
رد: استفسار عن سعر سيارة ماتركس مستعمله
الحقيقة أنا عملته عند واحد فى القاهرة مشهور عند دوران شبرا . هو بيفهم فى الفيتا وكمان بيركب الأجهزة دى من يجى 20 سنة من أول ما كانت بدائية جدا. الجهاز اللى مركبة دبرياج والحقيقة كويس جدا. أنا مش كنت بعرف أسوق فى هذا الوقت فطلبت منه إنه يجى يركبه تحت قدام بيتى والحقيقة الراجل طلع زوق وبعت حد ومعاه الجهاز وركبة وأخد 50 جنية زيادة علشان المشورا. هو الجهاز فى الأصل بحوالى 175 جنية والخمسين الزيادة بتاع المشوار. طبعا هذا ممتاز لانى كنت سألت عند واحد قبلة وقال لى 300 جنية علشان يجى يركبة تحت البيت وثمنه 200 جنية لو رحت له الورشة. على فكرة أنا عرفت الراجل دة من المنتدى برضوا. وهتلاقى نمرة تليفونه وعنوانة هنا فى قسم الماتركس على العموم لو عاوز العنوان والتليفون قول لى....
|
رد: استفسار عن سعر سيارة ماتركس مستعمله
وعلى فكرة التركيب مش أخد أكثر من نصف ساعة وهو قالى لى أنه مضمون لحد 5 سنوات. وقالى لو عاوز تشيلة فى أى وقت علشان تبيع العربية أبقى قول لى أو روح لاى حد يشيلة لانه سهل خالص.
وممكن كمان تشترى الجهاز من عنده لانه بيصنعهم فى ورشة وممكن تركبة عندك فى الأسكندرية. أسال الأسعار عندكم كام الاول ودور على طريقة التركيب المهم مش حد يكسر لك فى التابلوا أو يركب لك حاجة مش تعرف تشلها بعدين أو لما شخص عادى يجى يسوق العربية والجهاز راكب مش يعرف. دى الحاجات اللى تشوفها. أعتقد كل التجهيزات بتكون نفس الحكاية ولكن تختلف فى الخامة ونظافة الصنايعى |
رد: استفسار عن سعر سيارة ماتركس مستعمله
انا سالت عند واحد قالي ب 200 جنيه بس الصراحه انا مشفتش الجهاز او اعرف فيه اساسا فخايف اركبه من اللي عندنا يطلع خامته وحشه قلت اشوفك انت لانك قلتلي قبل كده انك ركبته و كان خامه حلوه و كويسه غير كده لو طلع زي ما انت بتقول 175 سعره و سفر ب 50 يعني كله علي بعضه ب 225 مش مهم 25 جنيه زياده في سبيل حاجه نظيفه
فلو سمحت اديني رقم تليفونه اكلمه و اشوف سعره كام |
| الساعة الآن 11:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017