مصر موتورز مجتمع السيارات - ايه رايكم لو نعمل ورشه مصر موتورز

اقتباس:

المشاركة الأصلية كتبت بواسطة مهند سالم (المشاركة 423775)

إحنا مش بنتكلم على ورشة ميكانيكا، إحنا بنتكلم على مشروع تدخل فيه العربية خردة تطلع كاملة، من ميكانيكا وكهربا وسمكرة وعفشة ودوكو وبيبان وفرش وكاربيراتير ورادياتير وكل شيء. ده مشروع مش قليل والمفروض هيكون له مجلس إدارة محترم.
ثم مفيش حاجة اسمها حد يصلح ببلاش، أي عضو من مصر موتورز هيروح هياخد دور زيه زي أي حد، وهياخد شيك حساب برده زيه زي أي حد، وفي الآخر نشوف قيمة الخصم إلا هو يستحقه بناء على كونه عضو في مصر موتورز ونخصمه من قيمة الشيك.
أما مسألة شراء الأسهم والمشاركة في رأس المال فده ليس له أي دخل بدفع قيمة التصليح، فالكل سوف يدفع قيمة التصليح (طبعا مع اعتبار الخصم لأعضاء مصر موتورز)، لكن المشارك في رأس المال سيتميز عن باقي الأعضاء بالنسبة في الربح الصافي، ودي مسألة منطقية وطبيعية.
يجب أن نفرق بين:
1- الشخص العامل الذي ينال أجرا شهريا.
2- عضو مصر موتورز الذي ينال خصما.
3- المشارك في رأس المال الذي ينال قسطا من الربح.
أرجو أن أكون قد أوضحت وجهة نظري.

كلام مظبوط جدا جدا جدا
اؤيد رايك بشدة
فعلا لو كان المشروع بطريقة الاسهم والمشاركة فاللمساهمين ارباح ليس لها علاقة بقيمة التصليح او الصيانة ولا بد من عدم التمييز فى التعامل بين عضو عادى حتى غير مساهم ورئيس مجلس ادارة المشروع عشان فعلا تكون اول حاجه صح اتعملت فى مصر بعد الثورة على كل انظمة الفساد والمحسوبية
وان شاء الله احب اضيف لو المشروع يبقى متكامل زى ما بيقولوا من الابره للصاروخ ويهتم بصيانة جميع ماركات السيارات من سيات الى فيرارى يبقى ممتاز جدا ويا سلام بقى لو كان فيه جزئية قطع الغيار (واعتقد ده اهم شىء) لان الواحد مايروحش يصلح عربيته ويقف على قطعة غيار مش موجوده فى السوق يبقى فقدنا ميزة الشمولية وطبعا الكلام ده ينطبق على قطع الغيار الجديدة والمستعملة ولجميع الماركات والموديلات من الكماليات والاشياء البسيطة الى الاساسيات والحاجات المهمة فى اى عربية
طبعا مشروع بالتصور ده ممكن يعدى المليون لان هايدخله تجارة كمان زى التوكيلات بالظبط وان شاء الله المنتدى مليان ناس ربنا يوسع عليهم بجانب فكرة الاسهم برضه هترفع رأس المال لاعلى من المطلوب يعنى بصراحة كده (ومن حبى لمصر موتورز) نفسى العربية تروح عندهم ماتخرجش ناقصها مسمار مهما ان كانت ماركتها ومافيش حاجه تيجى من بره الورشة (اللى ان شاء الله هاتبتدى صرح) وكمان لو تضم من ضمن فريق العمل الناس اللى عندها فكر عالى فى التعديل مش الشكل والاداء بس لأ التعديل الضرورى اللى يحل اى مشكله تقابل اى حد فى عربيته لكن طبعا مايكونش فيه (افتكاسات) اعدل من ناحية وابوظ من ناحية تانية
لان فى ناس كتير فى المنتدى هنا ربنا يبارك فى عقولهم وافكارهم عنده فكر عالى جدا فى التعامل مع المشاكل وكيفية حلها وتطويرها
ياااااااااااااه بجد ده حلم ونفسى يتحقق وربنا يقرب البعيد بعد دراسة الادارة