المشاركة الأصلية كتبت بواسطة حسام البورسعيدى (المشاركة 409086)

اكيد طبعا صينى ..

نصيحة بلاش الماروتى دى لانها ما بين العربية والموتوسيكل (او التوك توك)

الماروتى 800 cc و 3 سلندر يعنى موتور صغير وضعيف جدا .. ولكن طبعا الحق يتقال قصاد ده توفير كبير فى البنزين ...

عربية صغيره جدا وعفشتها غير مريحة (نظرا لحجم العربية الصغير) ..

مفيش اى كماليات فيها (مفيش باور او تكييف او ازاز كهربا) وده يخلى الـ 38 الف خسارة جدا فيها ...

غير مناسبة للسفر ولو انها ممكن تسافر ولكن هتبقى رحلة عذاب ..

لو مستعملة اقولك ماشى لكن جديدة حرام ترمى فلوسك فيها ...

علشان ابقى محايد برضو لازم اقول على مميزات العربية ..

- حجمها الصغير بيخليها سهلة جدا فى السواقة فى الزحمة وتتركن بسهولة شديدة ..

- قطع غيارها رخيصة ومتوفره جدا ..

- موفرة بشده فى البنزين وممكن تمشى ببنزين 80 من غير مشاكل ..

- ممكن يركب لها تكييف (وده حصل فعلا على ايد استاذ "حبيب الناس" هنا فى المنتدى) .. بس طبعا مش هيكون على كفائة عالية ...





رأيى انك لو هتشتريها مستعملة اوكى لكن جديدة بالش لانها هتخسر جامد لما تيجى تبيعيها ..

المبلغ اللى معاكى معقول جدا وممكن يجيب عربيات كتير مستعملة ممتازة ....

المشاركة الأصلية كتبت بواسطة مفيش مني اتنين (المشاركة 410260)

اية رايكم في البرايد

المشاركة الأصلية كتبت بواسطة مفيش مني اتنين (المشاركة 410833)

المشكلة ان الكل بيقولي مستعمل لا لان هما الي حيتحملو تصليحها مطرة زيرو
اية رايكم طيب شيفورلية اسبارك تقريبا بخمسين او واحد وخمسين

المشاركة الأصلية كتبت بواسطة حسام البورسعيدى (المشاركة 410929)

على فكرة انتى ممكن تجيبى عربية مستعملة بس فبريكة وتكون مش محتاجة اى شغل ..

مين قال ان المستعمل لازم يكون تعبان ومحتاج تصليح وكده ...


والاسبارك دى عربية تعبانة و مش حلوة برضو ...

طيب ايه رأيك تجيبى لوجان .. تدفعى اللى معاكى وتقسطى الباقى ..

اللوجان الهاف اوبشن عاملة 65 و الفل اوبشنز 69 تقريبا ..

ممكن نشوف كذا عربية غير اللوجان برضو بس ايه رأيك فى مبدأ التقسيط ده ..





اكيد قصدك البرايد .. لا البرايد دلوقتى سابيا ايرانى مفيش كيا جديد ..