رد: قواعد الموتور .............مالها .....وما عليها
 

الحقيقه يا أستاذ : زغلول

أنا شايف المشكله فعلا فى حريق المكنه

مش فى قواعد الموتور

فا المفروض أولا

تحصل على وضع لسرعة المكنه على السلانسيه

ثابت على عداد ال rpm ( يعنى المؤشر كأنه ميت مكانه )

فى حدود تصميميه مقبوله

تتراوح من 700 إلى 900 لفه / دقيقه

وده نحاول معاه كالآتى

1- تنظيف بلف الأيدل كنترولر الموجود على بوابة المكنه

2- تنظيف بوابة المكنه كويس أوى بكاربكلينر والتجفيف ثم التزييت ب wd40

فى محاوله أوليه لتحسين أشارة حساس البوابه tps sensor

3- تغيير فلتلر الهواء بآخر جديد

حاول تعمل الحاجات دى وقوللى

وصلت لفين

قبل مانروح فى أتجاه آخر

رد: قواعد الموتور .............مالها .....وما عليها
 

انا متشكر جدا لحضرتك على الاهتمام وسرعة الرد بس عايز اقول ان سحب العربية و الحمد لله مازال فوق الممتاز من ساعت ما اشتريتها و اذاى يكون السبب حاجة تانية غير الحجات اللى اتلعب فيها قصدى ان اية اللى هيبوظ حاجة تانية صدفة فى نفس ميعاد الشغل اللى اتعمل فى العربية و اكرر شكرى لحضرتك

رد: قواعد الموتور .............مالها .....وما عليها
 

كلام جميل يا بشمهندس سمير
تحياتى لحضرتك

رد: قواعد الموتور .............مالها .....وما عليها
 

أنا إللى تفهمته من حضرتك

أنه يوجد عدم ثبات على عداد ال rpm

فهل صوت المكنه وأنت مدور وواقف على السلانسيه

ثابت ومفيش رعشه ولا رجه

وكله تمام

ولا فيه مشكلة رعشه ورعشه للمكنه على السلانسيه

يعنى بتحس أن المكنه بتتهز معاك بطريقه ملفته للنظر

بعد سخونتها

( وأنت فاتح الكبوت برضه وباصص عليها )

رد: قواعد الموتور .............مالها .....وما عليها
 

الله يخليك

وتحياتى لك

أخى العزيز

رد: قواعد الموتور .............مالها .....وما عليها
 

بنسبة لموضوع العداد هى ملاحظة فية هو لكن لا تؤثر و لا توضح اى حاجة تانية هو زى ما يكون بيحك فى حاجة كدة وهو نازل من 4000 لحد الاول او وهو طالع لمن ما ملوش دعوة بحاجة لفات الموتور بتعلى وتوطى عادى جدا

اما بنسبة للهزة فهو مجرد وجود رجة مستديمة فى وضع السلانسية داخل السيارة بسبب ان الموتور فى السلانسية بيتهز رائسيا مش افقيا يعنى و انا باصص على الموتور من الجنب امام السيارة مش بلاحظ حاجة اما ابص علية من الجنب بلقية الاطارف الجانبية لية بتتهز و لما اعلى اللفات شيئ بسيط الوضع بيكون طبيعى وبتختفى الرجة خالص

رد: قواعد الموتور .............مالها .....وما عليها
 

اما بنسبة للهزة فهو مجرد وجود رجة مستديمة فى وضع السلانسية داخل السيارة بسبب ان الموتور فى السلانسية بيتهز رائسيا مش افقيا يعنى و انا باصص على الموتور من امام السيارة مش بلاحظ حاجة اما ابص علية من الجنب بلقية الاطارف الجانبية لية بتتهز و لما اعلى اللفات شيئ بسيط الوضع بيكون طبيعى وبتختفى الرجة خالص