مصر موتورز مجتمع السيارات - اسئله المبتدئين ..عفوا ممنوع الفتى :)))

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اسئله المبتدئين ..عفوا ممنوع الفتى :))) (https://www.masrmotors.com/vb/showthread.php?t=50341)

رد: اسئله المبتدئين ..عفوا ممنوع الفتى :)))

(مافيش ضرر بس لازم تكونى مموره طبعا)..ما انا قصدى لو انا ماشيه حتى على طريق مستوى ايه فكره انى ادوس دبرياج للاخر قبل الفرامل ؟ طيب لو ما دوستش يحصل ايه ؟
و هل لو انا حقف على مطلع بعد ما ادوس دبرياج و فرامل واروح موره و رافعه فرامل اليد .. يعنى حتبقى ثابتهبفرامل اليد لوحدها و ما تريحش ?

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 380517)

(مافيش ضرر بس لازم تكونى مموره طبعا)..ما انا قصدى لو انا ماشيه حتى على طريق مستوى ايه فكره انى ادوس دبرياج للاخر قبل الفرامل ؟ طيب لو ما دوستش يحصل ايه ؟
* فكرة الدبرياج بصفة عامة انة بيفصل حركة الموتور عن العجل موقتا ً
* طبعا ً لو العربية ممورة يبقى خلاص مفيش داعى للدبرياج لان الدبرياج بيعمل فصل نهائى لحركة الموتور عن العجل
* اما طريقة عمل الدبرياج فموضوع يحتاج الى شرح
- لكن الخلاصة طالما العربية واخدة غيار او اريد ان احملها غيار فيجب الضغط على الدبرياج لفصل حركة الموتور عن العجل بوسيط هو الدبرياج
و هل لو انا حقف على مطلع بعد ما ادوس دبرياج و فرامل واروح موره و رافعه فرامل اليد .. يعنى حتبقى ثابتهبفرامل اليد لوحدها و ما تريحش ?

- لو فرامل اليد جامدة العربية هتقف
- لكن اثناء التوقف - طالما التوقف ليس طويل - تكون العربية على الغيار الاول ودايسة دبرياج وفرامل الرجل
- وعند بداية التحرك اشد فرامل اليد جيدا ً ويدى عليها واترك فرامل الرجل لانى هدوس بنزين
اتمنى ان تكون وصلت واى استفسار لانة موضوع فعلا ً معقد شوية

رد: اسئله المبتدئين ..عفوا ممنوع الفتى :)))

تماااااااااااااااااااااام :) :) :)

رد: اسئله المبتدئين ..عفوا ممنوع الفتى :)))

؟
يعنى ايه غيار عكس ؟

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 380523)

؟
يعنى ايه غيار عكس ؟

يعنى تكونى على غيار عالى مثل الرابع وانزل على غيار اقل ثالث
- وهنا ممكن مثلا ً تكونى على طريق سريع وعلى الغيار الخامس
- ثم تقابلك مطب او سكة حديد فهنا اريد ان اقف السيارة فى اقل وقت ممكن
- فبدوس دبرياج ثم فرامل
- ممكن هنا انتظر على الغيار الخامس مع الدبرياج والفرامل وسرعة العربية بتنزل الى ان تصل الى الغيار الثانى او حتى الاول فأغذى العربية بة مباشرة ( طالما انا وصلت الى سرعة الغيار المطلوب )
- وهنا دون الحاجة الى التنقل بيت الغيارت تنازليا ً
- فية استخدام ثانى لعكس الغيار :- وانا لا انصح بة فى الوقت الحالى
- عندما اريد انا اتخطى سيارة وانا على الغيار الرابع مثلا ً وضاغط بنزين لسرعة تناسب هذا الغيار
- فأقوم بالضغط على الدبرياج واعطى العربية الغيار الثالث ثم اغذيها بالبنزين فجأة فتنطلق بسرعة كبيرة ( وهذا ما يسمى بالتسقيط او الحرق )
ودة بلاش منة لتأثيرة السىء على السيارة

رد: اسئله المبتدئين ..عفوا ممنوع الفتى :)))

اقتباس:

المشاركة الأصلية كتبت بواسطة CARDIO (المشاركة 380530)

تفسير اكتر..
بالنسبه للموضوع الاول انا كان حد قال لى لو مفيش فرامل قويه و عوزه توقفى العربيه اعملى غيار عكس العربيه حتتكلبش ..طيب اللى حضرتك كاتبه معناه انى حدوس دبرياج للاخر و فرامل برضه للاخرو اللا ايه؟ و لو فرامل للاخر مره واحده من السرعه ديه ما تقلبش العربيه؟
نمسك حاجة حاجة :-
- موضوع انى اعكس الغيار علشان اكلبش العربية :-
* مش زى ما حضرتك متخيلة انك مجرد ما هأعكس غيار العربية هتقف ولكن هتبطىء من حركتها شوية ودة على حساب سلامة الفتيس واعتقد ان ضررة اكثر من نفعة
* الا اذا كنتى بتفاضلة بين سلامتك وسلامة الفتيس وفالحالة دى لو فى منحدر شديد جدا ً وفعلا ً الفرامل هربت ودة موضوع ان شاء الله لا نحتاج الية
* سبق وقلت لحضرتك بلاش تمورى العربية وانت نازلة منحدر ويفضل ان تكون على غيار ( ثانى مثلا ً ) ودة اسمة غيار عجوز او تقيل بيحجم سرعة العربية شوية
** اما ما قصدتة بدبرياج وفرامل عند وجود عائق او مطب فجأة فأقصد ان يتم الضغط
على الدبرياج والفرامل وتتوقف على حساسية الموقف يعنى مش لازم امسك فرامل فجأة الا فى حالة الخطر الشديد ( لا قدر الله ) وفالحالة دة بكون ماسك الدريكسيون بيدى الاثنين ومتمكن بة اما اذا كانت المسافة بينى وبين العائق تسمح فواحدة واحدة عالفرامل
اما الموضوع التانى ده انا مش حسابق حد على الطريق ..انا مش مستغنيه عن نفسى
على فكرة وانا برضو نادر لما بعمل كدة ولكن اهميتة فى :-
على طريق سريع وحاولتى تتخطى سيارة ( بطريق رايح جاى مع بعض ) والسيارتين مسرعتين وفجأة اكتشفتى وجود مقابل امامك وبتقديرك للمسافة شعرتى انك لابد من التخطى بسرعة لتكونى فى مأمن من السيارة المقابلة
- وهنا يأتى فائدة التسارع وقصد بة ان يكون لديكى فكرة فقط وان شاء الله لا نحتاج الية

:)

فية حاجة كمان :-
وانت ماشية بالعربية ولقيتى مطب صناعى فجأة او حتى حفرة وانت على مسافة قريبة منها فيفضل ان تمسكى فرامل بشدة وقبل الدخول على المطب مباشرة تتركى الفرامل وتمسكى الدريكسيون بقوة وهذا افضل من الدخول على المطب مع الفرامل