|
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
اقتباس:
يا أستاذي ربنا يكرمكم ويباركلكم على مهامكم العظيمة وإخلاصكم الإحباط ممكن يحصل لما الثورة تنام وتنتهي قبل تنفيذ مطالبها هنا يكون الإحباط لكن طالما الشعب صاحي لأي محاولة للإلتفاف على الثورة يبقى مفيش إحباط اقتباس:
كلنا مؤيدينه لكن هل حصل بالفعل لا لم يحصل مازال حديث وزير الداخلية الجديد يرن في أذني بأن الشرطة بريئة تماماً وأن الشهداء ماتوا لأي سبب آخر غير الإصابة برصاص القناصة وأبو الغيط رمز النظام البائد في الخارج مازال يتراقص أمامنا ويمثل مصر في الخارج وكأن الثورة مغفلة وتم إستحمارها رئيس الوزراء شفيق الذي عينه الرئيس المطرود مازال مصر على بقاء نفسه وينادي أنا التاريخ أنا حاربت ومت لو كان إستقال من قبل كان زاد إحتراماً لدى الجميع لكنه ظل حتى النهاية يوم أمس متشبث في الوزارة رغم إعترافه بأن الوزراء بعضهم فرض عليه من طنطاوي الثورة قالت إسقاط النظام يبقى إسقاط النظام بكل ذيوله والمجلس العسكري ينفذ إذا كان كما يقول لم يسرق الثورة أما إذا كان يعاملنا على أنه سرق الثورة والتنفيذ بمزاجه (وهذا لن يحدث بإذن الله) فلن نجلس في بيوتنا اقتباس:
أما الدستور المرقع فلا يصلح أساساً سليماً اقتباس:
الثورة علمتنا نه لا يوجد رجل فوق المسائلة معدش فيه كلمة زي إلا الريس ومعدش في خطوط حمراء أمام أناس معينين لا يحاسبوا ولا يراجعوا في تصرفاتهم المشير له مني كل الإحترام بصفتي من رجال القوات المسلحة سابقاً وله جزيل الشكر بعد شكر الله تعالى على إنضمامه للثورة لكن أعيننا على أدائه لا تطرف وأي محاولة للتقليل من مطالب الثورة غير مقبولة وإصراره على بقاء بقايا وزارة مبارك كان خطأً كبيراً والحمد لله أنه غير شفيق اليوم وأتمنى من الله أن يتم تغيير الوجه القبيح لوزارة الخارجية وهو أبو الغيط ولا أفاجأ بإسمه في حكومة عصام شرف وصدقني لو لم أجد داعي للنزول يوم الجمعة للتظاهر لن أنزل أما إذا تحول الأمر لإقالة شفيق ووضع شرف وفي النهاية أبوالغيط ووجدي مكانهم فهذا سيجعلني أنزل للتحرير لأقول للمشير طنطاوي أت تسير في الإتجاه الخاطيء وعليك بتعديل المسار لو كان وقوفك بجوار الثورة صادق وبخصوص قول المحترم الفريق شفيق إنه يعتقد أن طنطاوي أصر على بقاء أبو الغيط ومرعي لأنه يستفيد من خبرتهم فأقول للمشير إجعلهم مستشارين لك ولكن لا تفرضهم علينا وعلى الثورة وعلى مصر في التشكيل الوزاري اقتباس:
الثورة بالغة عاقلة راشدة وليست حمقاء والمشير طنطاوي يعل ذلك جيداً فعليه أن ينفذ المطالب اساسية بلا إبطاء أو عناد أو إلتفاف |
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
بالراحة يا باشمهندس أحمد ،، المجلس العسكري خطواته بطيئة و مترددة معلومة غير قابلة للنقاش و لكن في النهاية هوا بعد الله سبحانه و تعالي و إصرار الشعب و دماء الشهداء من اسباب نجاح الثورة حق التظاهر السلمي ،، ما دام بدون أضرار ،،، مكفول للجميع و الجيش أكتسب الشرعية الثورية بوقوفه حتي لو بتردد في صف الثورة و لكن الجيش خط أحمر مش قدسية و لا ثقة و لا حتي ضعف من الشعب في مواجهة الجيش بس عشان لو الجيش وقع كمان يبقي مع السلامة و مش الجيش اللي هيحارب الشعب الجيش اللي هيحارب الجيش الجيش طبيعته مختلفة عن الشرطة كأفراد كلمة الجيش من الشعب مش جاية من فراغ ،، ضباط و افراد الجيش مختلفين و متباينين منهم المثقف جدا و منهم المتدين و منهم اللي مالهوش في اي حاجة زي الشعب يعني ،، غير الشرطة ،، افراد الشرطة مختلفين و لكن في النهاية ليهم طابع و فكر عام واضح تماما ممكن لو شفته علي القهوة تعرفه حتي لو مش لابس ميري ،،، افراد الجيش لو قلعوا الميري مش هتعرف إنه في الجيش اساسا ،، و لو قولتوا العقيدة العسكرية يعني نفذ الأوامر و خلااص العقيدة العسكرية دي معمولة عشان الحرب يعني العدو واضح و مفيش مجال للنقاش و دي مش الحالة الحالية و أعتقد السبب الأكبر لوقوف الجيش حتي لو بتردد في صف الثورة عدم ثقة القادة في سيطرتهم علي الجيش كافراد و ضباط و عشان كده بقول أضغطوا عليه لكن متوجهوهوش و لا تتطاولوا عليه |
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
التحريض على الجيش مرفوض تماماً الضغط على الجيش لتنفيذ المطالب الأساسية مطلوب تماماً |
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
مع كامل احترامي
انا شايف برضو ان الناس بتضغط ضغط رهيب علي الجيش واللي قال ان الجيش مش مسيطر علي الضباط والافراد يبقي مدخلش جيش وميتكلمش علي حاجه ميعرفهاش منعا للفتنه ... يعني الجيش وقف مع الثوره رجع ناس تقول لا الجيش خايف ... ايوه الجيش خايف بس مش خايف من الانقسام لان ده عمره مهيحصل في جيش مصر باذن الله "وياريت نبعد عن النغمه دي" الجيش خااااااااااااااااايف علي مصر وعلي امن مصر وعلي اقتصاد مصر ياجماعه احنا مش عايزين محاكم تفتيش احنا عايزين الكل يشارك في بناء مصر ياجماعه دا حتي النازيين والفاشيت ساهموا في بناء ايطاليا والمانيا بعد الحرب العالميه ... وشكرا |
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
اقتباس:
كلام سليم وأنا متفق مع حضرتك تماماً ودائماً ردود فعل الجيش رغم بطئها إلا إنها بتكون قوية ومع الثورة تماماً وكل ما أقوله هو التنبه لنكون نحن والجيش يداً واحدة الجيش أحياناً ممكن يوصله الطلب غير واضح وأحياناً بيكون هناك مطالب مضادة لمطالب الثورة مثل من كان يقول أن البلد لا تتحمل إقالة شفيق رغم أن إقالته نشرت جواً من الراحة لم يكن لينتشر لو وزع على المواطنين فلوس رغم أن أحمد شفيق كشخص نسمع عنه كل خير لكن لا يجب أن ننسى الجانب النفسي للثورة من إرتباط صورة شفيق بصورة الطاغية مبارك وعموماً ربنا يوفق الجيش ويرزقه البطانة الصالحة ويوفق بلدنا لطريق الخير لأهلها جميعاً |
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
يا جماعه الجيش هو اساسا الى حملنا الثوره بعد ربنا واعتقد ان احنا بدل ما نعض نشكك فى الجيش وفى صدقه ياريت نتغير احنا وننجز فى شغلنا ونجتهد شويه وندى الجيش فرصته ونرحمه شويه من الضغوط المتزايده عليه بدون توقف من الداخل والخارج وان نستمع لصوت العقل وليس التهور والتسرع وشكراGIFT4U
|
رد: بوادر تدعوا للقلق من التلاعب بالثورة فلنتيقظ جميعاً ولنستحضر بعض القلق ولنتحلى بالصبر الواعي الصاحي
ومن يتق الله يجعل له مخرجا |
| الساعة الآن 07:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017