|
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
اقتباس:
بل عاطفي فقط يعني انا لو لقيت فأر في مكتبي هاعمل ايه اولع في المكتب عشان اطمئن انة اتحرق ومات ولا اقاومة بكل الطرق باني اجرب معاه طريقة طريقة لغاية لما الاقية يعني وانا باقاومة حياتي شغالة عادي ومكتبي باشتغل فية لكن لو حرقتة انا كدا باحرق رزقي وياعالم كمان ممكن الفار يكون هرب وانا ماخدتش بالي وحرقت مكتبي اونطة من غير لزوم |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
اقتباس:
إننا نسيبهم يصلحوا ،،، مش يدمروا النظام و يبنوا علي نظافة زي ما الأحرار بيقولوا (( ملحوظة و لا فيه حريقة و لا حاجة ،، الموضوع أبسط ما يمكن لو أخلصت النوايا )) هاسأل حضرتك سؤالين و اقف امام نفسك و جوابه بكل أمانة هل تثق في مبارك و وعوده ؟؟؟ |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
اقتباس:
يا جماعه انتم لية مش مصدقين بما فيكم شباب التحرير نفسهم لية مش مصدقين ان فية تغيير خطير حصل لية الشك من غير لازمة والله الواقع مش زي زمان المرة دي مش مظاهرة وانفضت لا المرة دي حلم او خيال اتحول لواقع الزلزال كان جامد المرة دي على فكرة التشبية اعتقد انة في محلة باعتبار ان الفار هو النظام |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
دا نص تعليق لقيتة مكتوب في اليوم السابع
18 استمعوا الي حديث الشيخ الحبيب الجفري في مصر النهارده بواسطة: مصرية قبطية بتاريخ: الخميس، 10 فبراير 2011 - 02:10 انا قبطية مصرية وعندما استمعت الي حديث هذا الشيخ بكيت بالدموع علي ما وصلنا اليه هذا الرجل كل كلمة قالها لها معني كبير جداً وهو خارج البلد ومن ينظر من الخارج يري بالطبع اكثر كثير ومعروف عنه اختلافه الشديد مع النظام السابق 0000000000000 الي هذا الحد هنتي علينا يا مصر الي متي سنظل نضرب رأسنا في الحائط الي متي ؟؟؟؟؟ امتي هوجس بكل اللي عايزين ينهشوا لحمك أرجوكم حكموا عقلكم نموت كلنا وتحيا مصر اين ذهبت عقولكم يا مصريين الثورة قامت وأسقطت النظام والدليل انه يوجد مظاهرات ولا يوجد قانون طوارئ ده حبر علي ورق والدستور في يد لجنة الدستور ولكن الصبر مش موجود يارب الرحمة من عندك http://www.youm7.com/News.asp?NewsID=349175& منقول اليوم السابع http://www.youm7.com/News.asp?NewsID=349175 |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
اقتباس:
أنا صراحة لا اثق فيه بعد 30 سنة غش و خداع و سرقة ،، و لا بعد موقعة الابل و لا بعد اعتقال النشطاء من قلب ميدان التحرير و لا بعد إهانة الشرطة للمواطنين النهاردة في الوادي الجديد و اعتقادي إن النظام لو فاق من الصدمة ،، واستوعبها و عدي منها ،،، هنشوف ايام سودا بس أنا مقدرشي أحجر علي رأيك ،،، بس اللي أظن إن اللي عقولنا كلها تقبله ،، إن المعتصمين هم ورقة الضغط الحقيقية الوحيدة علي النظام ليلتزم بالتغيير إن وجدت فعلا النية |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
حذر النظام الإيرانى المعارضة من الخروج فى مظاهرات يوم الجمعة القادم، وهو اليوم الذى سوف تحتفل فيه الجمهورية الإسلامية بالذكرى الـ32 لانتصار الثورة الإسلامية، وتسمح فيه السلطات بتسيير مسيرات للتنديد بأمريكا وإسرائيل.
وقد وجه الحرس الثورى الايرانى تحذيراً إلى المعارضة، من أى محاولة للتظاهر فى 11 فبراير القادم. وقد طلبا زعيما المعارضة مير حسين موسوى ومهدى كروبى تصريحاً بتنظيم تظاهرة تضامن مع الشعب المصرى فى 14فبراير. وقال قائد الحرس الثورى فى طهران الجنرال حسين حمدانى لوكالة الأنباء الرسمية الإيرانية، يجب على الغوغائيين"يقصد بذلك المعارضة" أن يعلموا أننا نعتبرهم أعداء للثورة الإسلامية وجواسيس، وسنتصدى لدسائسهم بقوة. منقول اليوم السابع لاحول ولا قوة الا بالله بقى يشجعو الثورة على الظلم في بلدنا وعندهم يقمعو المعارضة يارب الناس تفهم قبل فوات الاوان |
رد: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة
يا استاذ وليد بس بالراحة وبالمنطق اللى انت بتطالب بيه ايه علاقه ان ايران تشجع ولا امريكا تسقف باللى احنا بنطالب بيه ؟؟
ممكن حضرتك تتعب نفسك وتنزل يوم بس ميدان التحرير تشوف بنفسك الناس اللى بتدعى انها بتطالب بحريتك وكرامتك وتشوف بيقولو ايه وبيعملو ايه لو نزلت هتشوف المسلم والمسيحى الاصولى والليبرالى والعلمانى واللى ملوش فى اى حاجة ولا عايز اى حاجة غير كرامته وحريته ومستقبل اولادة لو نزلت بنفسك هتسمع هتاف الناس وهى بتقول لا دينيه ولا عسكريه عايزينها دوله مدنيه تفتكر ايران عايزة دولة مدنيه فيها حريه ولا دولة كهنوتيه دينيه قمعيه زيهم ؟ لو نزلت بنفسك اليومين اللى فاتو بعد تصريحات خامنئى هتعرف قد ايه الناس كانت بتهتف ضدة ومش ضدة بس لاء ضد اى حد من بره او من جوة يحاول يسرق الثورة ويغير مسارها لو يهمك تكون ايجابى وليك دور انزل بنفسك وساعد على ان الثورة تفضل ماشيه فى اتجاهها الصحيح زى ما كل اللى نزلو قبلك بيعملو ليه عايزين تحتكرو الذكاء والمفهومية والاخلاص والوطنيه لعلمك يا استاذ وليد كلنا واعيين للمؤمرات الخارجية والاخطار اللى اكيد بتحاول تستغل الوضع ونفسنا انهارده قبل بكره الحال يتصلح ونرجع كلنا لحياتنا الطبيعية وافضل كمان بس برضو علشان احنا مش عيال ولا بنهرج مش هنسلم الا لما تحقق مطالبنا ونسمع عملنا مش هانعمل ومش هنغمى عنينا عن اساليب النظام البائد اللى لسه بتستخدم ضد كل واحد بيقول عايز حقى من حقك تصدق كلام ووعود ومن حقى (اشوف ) مقابل صوتنا وقتنا وفلوسنا وعرقنا ودمنا وارواح شهدائنا |
| الساعة الآن 10:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017