مصر موتورز مجتمع السيارات - الحقوني شحن الدينامو في ال 128

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - الحقوني شحن الدينامو في ال 128 (https://www.masrmotors.com/vb/showthread.php?t=47066)

رد: الحقوني شحن الدينامو في ال 128

اقتباس:

المشاركة الأصلية كتبت بواسطة Komy http://www.masrmotors.com/vb/sama-el...s/viewpost.gif
انا بقول ان البطاريات الجافة مش مستحبة فى العربيات القديمة عشان خرج الدينامو مش ثابت وبالتالى بيأثر بالسلب على البطارية وفى البطاريات الجافة لما بتبوظ بتترمى "إنما البطاريات السائلة ممكن تمشى لو فيها ربع او ربعين كمان

وأنا بأقول

العربيه الجديده

الدينامو فيها أأمن من الدينامو بتاع العربيه القديمه

وبالتالى النقطه الفنيه واضحه

فى أفضلية الجافه مع العربيه القديمه

ومفيش عربيه بتمشى ببطاريه

وفيها ربعين ضاربين

رد: الحقوني شحن الدينامو في ال 128

اقتباس:

المشاركة الأصلية كتبت بواسطة samirayad (المشاركة 351663)

وبالتالى النقطه الفنيه واضحه

فى أفضلية الجافه مع العربيه القديمه

إزاى والبطارية الجافة زيها زى السايلة مافيش مايحميها من زيادة الشحن اللى موجود فى العربيات القديمة وانا اللى كنت بقوله إن البطاريات السايلة فى العربيات القديمة لو تعبانة ممكن نسايسها يعنى مثلا نغير الميه ونحطها على الشحن شوية , نحط مره ميه كثافتها تقيلة شوية , نحط مره ميه كثافتها خفيفة وفى صنايعية بتلغى الربع اللى بايظ خالص.

دى كانت وجهة نظرى اللى على ما يبدو مش متفق معايا فيها لكن انا اللى بقوله ده عن تجارب شخصية ليا انا مش مع حد تانى وطبعا حضرتك عارف الفيات وما تجلبه لصاحبها من مرمطة وجرى فى الورش بين الصنايعية بالرغم من انها هى الوحيدة الانسب فى مصر فى القديم كله.

رد: الحقوني شحن الدينامو في ال 128

أنا جبتلك الأقتباس ده من قلب الموضوع اللى حولتلك اللينك بتاعه

لأن واضح أنك متعمقتش صح فى الموضوع

اقتباس:

ما الذي يجعل البطارية الجافة في أمان ضد التعرض للشحن الزائد ؟

شوف أخى الفاضل

باشمهندس : أحمد

لو فرضنا حدث خلل فى منظم الشحن الأوتوماتيكى automatic voltage regulator

المسمى بلغة السوق ( بكتاوت الدينامو )

ماذا سيحدث للبطاريه الحمضيه العاديه .............؟

نظرا لأنها ليست من النوع sealed batteries ( الملقبه بالجافه بالسوق حاليا )

عند زيادة الشحن بيحدث سخونه داخل بناء البطاريه

والسخونه تعنى زيادة الضغط والتمدد للألكتروليت الخاص بالبطاريه ( الماء + الحامض )

ماذا سيحدث مع سخونة وفوران الحامض فى الأنواع التقليديه نظرا لأنها لاتتمتع بخاصية الحبك الجيد ( sealing )

على طول بيحصل فوران وصعود للألكتروليت خارج بناء البطاريه ( لأنها غير محكمه جيدا )

والشحن الزائد شغال .................وبالتالى بتنهرى البطاريه من داخلها

لأنه حدث خلل فى معايرة البطاريه حمضيا

_________________________ _______

أما فى الأنواع المحبوكه جيدا

sealed batteries

مبتحصلش الظاهره دى الخاصه بالفوران للألكتروليت ونلاقى الخليط طلع وطفح
خارج البطاريه

ومن هنا يتوفر عنصر الأفضليه

لأن الخليط لم يخرج ومحبوس ( على الرغم من أن الشحن الزائد شغال )

أذا مع تخريف الدينامو ...........برضه مازالت البطاريه فى أمان ( ولن تجف )

فى النوع العادى بأه

مبتحصلش القصه دى

رد: الحقوني شحن الدينامو في ال 128

اقتباس:

المشاركة الأصلية كتبت بواسطة Komy (المشاركة 351342)

انا بقول ان البطاريات الجافة مش مستحبة فى العربيات القديمة عشان خرج الدينامو مش ثابت وبالتالى بيأثر بالسلب على البطارية وفى البطاريات الجافة لما بتبوظ بتترمى "إنما البطاريات السائلة ممكن تمشى لو فيها ربع او ربعين كمان

ازاي يا باشا

انا من فترة كان عندي بطاريتان في عربيتان مختلفتيين جابوا ربع في نفس الاسبوع

مكنش فيه عربية بتقوم منهم غير زق

رد: الحقوني شحن الدينامو في ال 128

كلام جميل جدا بس انا شايف انه فى البطاريات السايلة لما بيحصل فوران فعلا السائل بيخرج برة وممكن يضر بمكونات تانية فى موتور العربية او على الاقل الصاج والبوهية بتاعت حوض العربية لكن فى الجافة عملية الغليان والفوران محبوسة جوة وبيتهيألى ده اخطر لأنه ممكن يسبب انفجار + انه فى عملية خروج السائل من البطارية انا شايف انه بيحمى الالواح بتاعت البطارية من استمرار تفاعلها مع الغليان والفوران اللى بيحصل جوة البطارية.

رد: الحقوني شحن الدينامو في ال 128

اقتباس:

لكن فى الجافة عملية الغليان والفوران محبوسة جوة وبيتهيألى ده اخطر لأنه ممكن يسبب انفجار

يوجد فائظ جانبى لتفريغ الضغط الزائد لمجابهة هذا الوضع الخاص بزيادة الشحن

اقتباس:

+ انه فى عملية خروج السائل من البطارية انا شايف انه بيحمى الالواح بتاعت البطارية من استمرار تفاعلها مع الغليان والفوران اللى بيحصل جوة البطارية.

أنا أرى خلاف هذا

فخروج السائل بيسرع بتلف الألواح بسبب توقف عملية التفاعل

بين الألواح والألكتروليت

بدليل

مشوفناش بطاريه فضت ميتها بسبب الفوران

ونفعت بعد كده