المشاركة الأصلية كتبت بواسطة sad-bird (المشاركة 374989)

GIFT4UGIFT4UGIFT4U
اولا تسلم ايدك يا باشمهندس سمير على الموذوع الرائع
وكما تعودنا منك في موضوعاتك الهندسية القيمة
وثانيا بشكر اخونا Cars Admire (اللي عقدني في حياتي )
على فكرته الرائعة بتعديل نظم الجر على نظم حرة وبدون تعقيدات
وتسمح للعمل على جميع السيارات خاصة في الطرق المصرية
والسؤال هنا
طالما موجود في مصر هذه القدرات والكفاءات
واظن ان هناك الكثير في جميع الجامعات المصرية
ووايضا من هم خارج الجامعات
لمذا لا يتم تصميم وتنفيذ سيارة مصرية
بافكار مصرية
وخامات مصرية
وايادي مصري
السؤال ده محيرني من زمااااااااااااااااااان
لما كنت بنزل اشوف المياكانيكية
يتصرفوا في قطعة ناقصة
او يركبو حاجة على حاجة
او يخرطوا قطعة ناقصة
وكنت اقف وانا متنح قدامهم
القطعة الاصلية مش موجوده
طيب خلاص نصنعها وامرنا لله
طيب يا بني ادم انت وهو طالما بتقدر تصنع ما تصمم
لا مؤاخذه اخرنا نعمل زيها بس
لكن نصمم مفيناش دماغ
اللي عاوز يصمم يروح ويصمم واحنا علينا التنفيذ
بس اللي يكلف
ثم تعجبت اكثر من حال شركة النصر للسيارات ( الفشل للسيارات حاليا على رأي الكثير من الاخوة )
وهي اولى شركات تصنيع السيارات في أفريقيا والشرق الاوسط
ولا زلت اتذكر كلمات من مسلسل رأفت الهجان عندما قال له الضابط المسئول عنه ما معناه
انت اليوم لابد انت تفخر بما تفعله
لان ما تفعله جعل بلدك تنتج فيها اولى باكورة انتاجها من السيارات
كان ذلك في العام 1964 على السيارة فيات 1300 التي طالما سخرنا منها

اي نعم التصميم والافكار كانت ايطالية
لكن الايدي العاملة مصرية
الخامات مصرية
الاعطال مصرية
الصيانة مصرية
وطبعا كحال نسبة كبيرة من شركات القطاع العام
تم تخريب الشركة حتى آلت لما آلت إليه الآن
لعل وعسي بعد الثورة ان ينتبه إليها المسئولين لتحسين اوضاعها

اما اخوتنا الكرام فبرجاء تجميع بعضكم البعض وتصميم سيارة ذات ميزات تنافسية على الاقل في فئه السيارات الصغيرة والعائلية الصغيرة وعرضها على هئية الانتاج الحربي او عرضها على مستثمر وايجار عنبر واحد من النصر للسيارات لتنفيذها فيه وانا على امل ان يتم التسويق لها في الاراضي المصرية وتشجيع المنتج المحلى اكثر
على الاقل فلنعمل مثل الصينيون نأخذ التصميم من اكثر من ماركة معروفة ثم التطوير عليه وتجهيز الاعدادات الخاصة بالسيارة من نظم تعليق ومواتير وفرش وكماليات
وهذا في ظني سيكون افضل من البحث عن تخفيض ورفع الجمارك



اما اخونا Cars Admire برررررررررضة هاجي اخطفك انت والكمبيوتر بتاعك
هههههههه

مرة اخرى شاكر افضالكم

المشاركة الأصلية كتبت بواسطة hyundai2005 (المشاركة 380749)

المشاركة الأصلية كتبت بواسطة خالدخليفة (المشاركة 344491)

والله يا أخى تسلم أيديك اللى كتبت الكلام ده
والعجيبة بقى ان الناس زمان كانت متفهمش ليه بتتشائم من الكبالن او الكبالن كانت سمعتها وحشة فى مصر

وبالمناسبة دى انا بحترم شركة بيجو جدا لانهم اول من أدخل نظام الكبالن وكانت على العربية ال 505 على الاقل هذا الكلام فى مصر على حد علمى الضئيل ربما هناك من يكون قد سبقها عالميا فى هذا المجال

وفى نفس الوقت بدعى على اللى خلانى ماشتريش البيجو ال505 (حبيبتى ) لانها اتعرضت عليا بثمن بخس جدا
يعنى كنت هاخدها سنة 1999 ب20 الف وكانت عروسة مفيهاش الهوا والراجل كان مروشها (من الترويش ) تحس عربية حديثة جدا
وفوق كده كده
فهى عربية واسعة جدا ومتينة وقوية
وكل م كنت أسأل واحد ليه ال505 مش منتشر او انا هشترى 505 يقول لى اوعى
ليه ياعم
يقول / اصل موتورها على كبالن
طب وايه يعنى
كانو بيردو ردود غير منطقية ومكنتش بقتنع بيها
لحد ماشتريت النيسان الصنى 2008 وفى يوم عطلت منى ووقفت مكانها ولما جبت ميكانيكى قال الكوبلن ضارب وعايز يتغير
كوبلن ايه ؟؟؟ هيا دى على كبالن
ففجأنى بقوله / كل الحديث على كبالن
بجد ساعتها كان نفسى اشوف اللى عقدونى من ال505 واضربهم كلهم لان عربية بمميزات ال505 وبسعرها تتفوق على كتير من الحديث ماعدا طبعا عملية الثبات فى السرعات العالية لاختلاف انظمة التعليق عن زمان وده مش مهم اوى

بجد بجد بجد احيــــــيــــــــك على هذا الموضوع