مصر موتورز مجتمع السيارات - مراجعة منتج - كاسيت بايونير 5250 + 2 سماعة بايونير 300 + هدية بسيطة

اقتباس:

المشاركة الأصلية كتبت بواسطة tham1010 (المشاركة 358798)

يا جماعة انا مش فاهم حاجة. أنا لسة جديد خالص فى الحاجات دى وبسمع أشياء غريبة زى جى ام بازوكا صب وحاجات غريبة... انا عندى عربية ماتركس 2001 وفيها كاست وراديو أصلى زى اللى فى الصورة المرفقة. الكاست مش بيشغل غير الشرايط مش السى دى وطبعا فيها راديو am و fm وخلاص. لما أحب أدور أغنية بحط الشريط اللى طالع منه سلك لإلى داخل الموبيل. صوته مش بيبقى حلو بس ساعات بيكون كويس. نفسى أجيب كاست Cd بحيث أقدر اشغل اسطوانات ويكون الراديو له صوت نقى. العربية فيها 6 سماعات ( سماعة فى كل باب ، وأثنين فى التابلوة) ولما بشغل شريط عادى بيكون الصوت مرضى بالنسبة لى....

أنا قلقان من حاجتان علشان كدة مش عارف اشترى أى نوع من الكستات.

أولا حجم الكاست فى العربية كبير زى ما انتم شايفين فى الصورة كبير ومعظم الكاستات اللى على النت بتكون صغيرة فى الابعاد.أكيد هيبقى فى مساحة فاضية والكاست الجديد مش هيبقى مظبوط. هل كل الكاستات كلها بتبقى نفس الحجم؟؟ مش عارف

ثانيا الكاست بتاعى بيركب في العربية فى التبلوة من الخلف بوصلة عريضة (مشط) زى اللى فى الكمبيوتر زمان وتربط الهارد بالكيسة. أتمنى تكونوا فهمتونى.... حد عندة نصيحة لى؟؟؟؟

بص يا با شا الجى إم ده عبارة عن جهاز لتضخيم المؤثرات الصوتية فى الموسيقى , و الصب والبازوكا دول عبارة عن انواع من السماعات برضو بس بأشكال مختلفة وبقدرات اعلى من السماعات العادية التقليدية والبعض منها بيكون له وظيفة معينة زى إخراج البيز بس مثلا. دى فكرة مبسطة كده عن الحاجات دى.

أما بالنسبة للسؤالين اللى قالقينك دول فا مفيش فيهم اى مشكلة :

اولا: بالنسبة للحجم فى سيديهات بتبقى بنفس الحجم وكمان دى بتبقى اعلى فى الإمكانيات لكن بتكون اغلى فى السعر.

ثانيا: بالنسبة لتوصيلة السى دى مافيهاش مشكلة لأن السى دى اللى هتجيبه بيبقى معاه الوصلات بتاعته والفيش كمان يعنى مش هتلعب فى اى حاجة بس المهم إنك تروح لحد متخصص فى تركيب عدد الصوت ويكون معروف عشان تضمن الشغل يبقى تمام.

وبالنسبة للأنواع طبعا افضل الانواع عندنا فى مصر ويعتبر إلى حد ما فى متناول معظم شرائح الناس بإختلاف موديلاته هو البيونير , ثم يليه الكينوود والكلاريون والسونى , وطبعا افضل إنك تركب العدة كلها من نفس الماركة للحصول على افضل خرج صوت.

دى شوية معلومات كده على قدى يا رب اكون أفدتك

والله الموفق والمستعان .