مصر موتورز مجتمع السيارات - أزاى تعمل نظام صوت صح وميتضحكش عليك؟

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - أزاى تعمل نظام صوت صح وميتضحكش عليك؟ (https://www.masrmotors.com/vb/showthread.php?t=40852)

رد: أزاى تعمل نظام صوت صح وميتضحكش عليك؟

ايه الحلاوة دي يا انجكشن
موضوع جامد وخبرة لا يستهان به
مشكور علي المعلومات الجامدة

رد: أزاى تعمل نظام صوت صح وميتضحكش عليك؟

اقتباس:

المشاركة الأصلية كتبت بواسطة Injection (المشاركة 305249)

ألف شكر ياباشا على كلامك الجميل, ربنا يكرمكROSE4U.

دلوقتى أحنا قولنا الأنظمة اللى الواحد يقدر يعملها ملهاش عدد, فهنفضفض مع بعض شوية.

دلوقتى حضرتك محتاج هيد يونت, كاسيت يعنى, لو حضرتك عايز حاجة حنينة وكويسة, فى موديلات متعددة من بايونيير وكينوود وسونى, فى حدوود من 500 الى 650 جنيه,و ومميزاتها كتير, وفيها مخرج للأمبليفاير.

وعندك البايونيير ال 2150ub أو ال 3250 وده فى حدود 550 الى 600 جنيه

وال 3150 وده أغلى شوية فى حدود 650

والموديلات كتير, بس أبقى فاصل كويس ولف شوية على المحلات.

وفيه الكينوود اللى بينزل مع الشيفروليه اللانوس الجديدة, ده رخيص وكويس بس البايونيير أفضل فى رأيى, وفيه الرودستار بتاع الفيرنا كمان.

فدلوقتى يفضل حاجتين, ممكن تجيب طقم سماعات بيضاوى نضيف فى حدود 300 وات فى حدود 250 جنيه من الماركات السابق ذكرها, ولو فى مكان فى الباب لسماعات تانية هتجيب طقم مدور فى حدود 200 وات أكثر شوية أو أقل سنة, ودول هيعملوا فى حدود 150 جنيه حسب المحل والوات والنوع, وهيركبوا على الكاسيت الجديد..

بس كده مش هيفضل فلوس تجيب بيها أمبليفاير للصب, بس هتسمع من الكاسيت والسماعات صوت نقى وكويس جدا والبيز هيسمع فى العربية.

فلو فضل معاك فلوس للأمبليفاير, هتتضطر للأسف تلجأ للمستعمل علشان تجيب أمبليفاير للصب لو عايز تشغلها, وهتجيب أمبليفاير فى حدود 300 الى 600 وات قناتين علشان تركب الصب على القناتين.

وعندك من كينوود ال 350 وات القناتين ده كويس قوى

http://i.seimg.net/images/15501/main/kac5203.jpg

أو جى أم سيمفونى 600 وات 2 قناة

دول سعرهم حنين ويشغلوا الصب كويس والتحكمات اللى فيهم فى البيز هتنفعك.

بس خد بالك لسه السلوك ومصنعية التركيب, وصندوق الصب كمان هيعمل لوحده حوالى 120 جنيه على الأقل لو كويس.

وربنا يوفقك, وياريت اللى عنده رأى أخر أو معلومة زيادة يتفضل.

انا مبدئيا بتئسف لحضرتك علي التاخير تاني حاجة بشكر حضرتك كتير علي المعلومات بس انا لسة متلغبط
دلوقتي مثلا لو جبت الكاسيت البيونير ال2150ub الي هوة ب 550 كدة باقي 450 ممكن نجيب سماعات بيونير 400 وجي ام ولا انتا رائيك اية واية نوع الجي ام او الامب فير

رد: أزاى تعمل نظام صوت صح وميتضحكش عليك؟

شكرا شكرا شكرا
بس يا ريت كمان تنصحنا بنوعيات مسجل كويسة
ROSE4UROSE4UROSE4U
GIFT4UGIFT4UGIFT4U

رد: أزاى تعمل نظام صوت صح وميتضحكش عليك؟

ياريت يا جماعة حد يفهمنى بالراحة
انا نويت اجيب كاسيت سونى وعايز اجيب سماعات 400 وات بيونير
وفي ناس بتقولى مش هيشتغلوا وناس تانية تقول هيشتغلوا بس مش بقوتهم
وناس تانية تقول هيحرقوا الامب بتاع الكاسيت
ارجو حد يفهمنى
بالمناسبة كنت قرات راي بيقول انك تحط للسماعة امب يديها 2/3 من rms بتاعها
هذا يعنى ان الكاسيت 4*52وات اركب علية سماعات بيونير 400وات/80 ار ام اس صح ولا غلط

فعلا موضوع ممتاز وافادني شخصيا كتير بس انا عايز منك طلب
انا شاري عربية مستعملة أكسل 97 وعايز اجيبلها كاسيت حلو كدا يكون مركة وسمعتين في حدود 1000 ج وممكن يتهزوا شوية من رايك اجيب ايه
بس خلي بالك ياريت يكون كاسيت بفلاشة ويكون ماركة بيونير او روادستار

رد: أزاى تعمل نظام صوت صح وميتضحكش عليك؟

موضوع رائع جدا
سؤال بسيط كده
انا عندى 4 سماعات بيونير على تسجيل اخويا جبهولى من الكويت هوه كاسيت بس بيوقلولى عليه حلو ,فابريكه هوندا
دلوقتى انا عايز اسمع صوت حلو اجيب جى ام ولا صب
ولو صب يبقى كام
وياريت الاسعار معلش
ومن حيث الجوده ولو كده ممكن اخلى يجبهولى من برا
وشكرا

رد: أزاى تعمل نظام صوت صح وميتضحكش عليك؟

فنااااااااااااااااااااااا ااان يا مستر انجكشن والله ROSE4U
تسلم ايدك يا كبيييييييير
و تحياتى :)