|
رد: عايز رأيكم فى الاقتراح ده
شنطة الجيتز الهاتش باك حاتديلك صوت بيز كويس زي الصندوق تقريباً ركب رف خشب ام دي اف اكسية موكيت و ياسلام لو يكفي صب 10 بوصة يبقى تمام بس هات صب نضيف و امبليفير محترم بلاش سيمفوني و هات براند محترم سيبك من حكاية فري اير دي اكذوبة و هات صب بيونير او كلاريون او جي بي ال او الباين و امبليفير برضة ماركة منهم و اسمع صوت نضيف و ثبت الرف كويس بمسامير رباط علشان ما يلبش و يعمل ديستورشن, و حط فريم كاوتش حوالين نمرة العربية لانها وجودها في ضهر الشنطة حايخليها تعمل احلة ذبذبة و زن مع الووفر و ممكن تحط ميدرينجات في الابواب و تويترين وراء المرايات لان وجود صبات الكومبونانت في الابواب بيطلع صوت وحش |
رد: عايز رأيكم فى الاقتراح ده
اقتباس:
بس كده الشنطة هتوش برضه ياكبير وتعمل ديستورشن, لو فى مسمار أو فبرة مش متثبتة كويس وهتبوظ الصوت, ومعظم شنط العربيات بتبقى ماليانة حاجات مش متثبتة, ولا أيه رأى حضرتك, وخاصة أنها فعلا صغيرة وزى الصندوق بالظبط, والواحد بيتجنن على مايقفل الصندوق كويس ويخليه AIR TIGHT, ودى شنطة والصب هتعمل تيارات هواء وأصوات عجيبة. |
رد: عايز رأيكم فى الاقتراح ده
يا حضرات انا اصلا كل مشكلتى ان الشنطه افضل اسيبها فاضيه لأنها اصلا متكفيش حاجه انتو عارفين و لو هحط سماعات عالرف هحفرلها و اركبها علطول من غير رف خشب علشان ميبقاش تقيل على باب الشنطه و دايما دايما بيعمل صوت زن مهما كان نضافه تركيبه و كمان انا مش فى دماغى الصوت يكون عالى اوى و دبدبه و كده علشان كده فكرت انى احط سماعات الابواب ال ٤ يكونو ٣٠٠ وات لو فى مع جى ام و لو الصوت تعبان ممكن ازود ٢ ٤٥٠ وات على الرف و كده مش لازم صب بقا علشان المساحه
|
رد: عايز رأيكم فى الاقتراح ده
انا معاك في كل الكلام دة بس بالتجربة العملية شنط العربيات الهاتش باك (في بعض الاحيان) بتشتغل كويس قوي مع الصبات و السماعات في الرف الخلفي و بتدي صوت و بيز حلو جدا
انا زمان ايام الجامعه كان معايا سيفيك القديم هاتش و كنت مركب 4 سماعات في الرف ورا كان صوتهم قوي و نضيف و كل اللي يسمعهم من اصحابي قال اني حاطط ووفر في بوكس في الشنطة و تصدق اني بعدها جبت ووفر بيونير مكسيكي و عملتة بوكس ام دي اف زي الكتاب ما بيقول و حطيتة في الشنطة و ماحسيتش بفرق كبير و كان الصوت مكتوم في الشنطة قوي عن السماعات اللي كانت عالرف كان صوتها روعه |
رد: عايز رأيكم فى الاقتراح ده
فعلا كفاية قوي سماعتين بيضاوي 6*9 او 6*10 ممكن الكينوود الدبل بيز في الرف و حطلهم امبليفير حلو و شغل سماعات صغيرة في الابواب و زود تويترين في ضهر المرايات قدام و حاتسمع صوت حلو و نضيف ان شاء الله
|
رد: عايز رأيكم فى الاقتراح ده
مساء الخير يا باشا
انا شايف ان اقتراح استاذ انجيكشن تمام واحب اضيف بأن كثافة ضغط الهواء لو اعلى من الحد المطلوب ممكن تتعب طبلة الاذن انا من وجهة نظرى انك تركب حاجة فى حدود 280-300 وات للكل وتكون بخرج فعلى اهم حاجة عدد القنوات الموجودة فى المكبر عشان تسمع الصوت سرروند جاى من كل اتجاه وبالتوفيق :)GIFT4U |
رد: عايز رأيكم فى الاقتراح ده
اقتباس:
السراوند او الدولبي ديجيتال و الدولبي برولوجيك دة مش حايبقي من امبليفير ستيريو و انما لازم من مصدر صوت يسمح بخرج 4 او 5 قنوات صوت ووجود ساوند بروسيسور DSP يقوم بالمعالجة لاخراج الصوت 4 او 5 قنوات قبل ان يتم تكبيرة و هذا غير متوفر الا في السيارات الفارهه و العالية الجودة جداً مثل بي ام و مرسيدس وبورش و جاجوار اوريجينال لكن اي امبليفير هو في الاخر ستيريو (جنبين - يعني السماعه يمين قدام طالع منها نفس الصوت اللي طالع من اليمين وراء و الشمال كذلك قدام وورا نفس الصوت) |
| الساعة الآن 11:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017