مصر موتورز مجتمع السيارات - عمليات ضبط المغذى (الكربوراتير )

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - عمليات ضبط المغذى (الكربوراتير ) (https://www.masrmotors.com/vb/showthread.php?t=38260)

رد: عمليات ضبط المغذى (الكربوراتير )

[QUOTE=NicEgypt;296441]

اقتباس:

المشاركة الأصلية كتبت بواسطة NicEgypt (المشاركة 296421)

سؤال اخير يا بشمهندس .. ما هى الصيانة اللى من الواجب عملها للكربراتير عموما
وهل لو اتفك الكربراتير مينفعش تانى ولا يصلح للعمل والافضل انة مش يتفك ابدا ؟
وما هى الاجزاء اللى من الواجب تغييرها فى الاعطال ولا تؤثر على ادائة ولا تكون مسكناَ
.. زى مشكلة التأخير ف الدوارة مثلاَ

مين قال كده

فصيانة الكربوراتير واجبه

للحصول على آداء أفضل

ومن أهم الأجزاء الواجب تغييرها بصفه دوريه فى الكربوراتيرات

هى البيكات بشكل عام

طبعا مع الغسيل بالبنزين أو أى منظف مخصص

لكل الأجزاء

ورش مزيل صدأ على الأجزاء العامله بحركه مفصليه زى باب دخول الهواء العلوى

أو باب الثروتل المركب على نهاية بكرة الأكسراتير

___________________

طالما البنزين بيمر فى مجارى حساسه زى البيكات

وبيمر على بوبة الخنق

وهو محمل بالخيرات ( الرمال والشموع والملوثات )

يبقى وارد هذه الملوثات تأثر على كفاءة تشغيل الكربوراتيرات

رد: عمليات ضبط المغذى (الكربوراتير )

[QUOTE=samirayad;296460]

اقتباس:

المشاركة الأصلية كتبت بواسطة NicEgypt (المشاركة 296441)

أشكرك استاذ سمير شكراَ جزيلاَ على هذة الافادة . وعلى المتابعة الجيدة دائما كعادتك .

رد: عمليات ضبط المغذى (الكربوراتير )

اقتباس:

المشاركة الأصلية كتبت بواسطة samirayad (المشاركة 296436)

أستخدم هذا الموقع

وأرفع عليه الصور مره أخرى

http://www.gulfup.com/

خد لينك مباشر للصور بعد الرفع

وحطها فى مربع الردود بعد حذفhttp://

اوك يا هندسا معلش قرتها متأخر

رد: عمليات ضبط المغذى (الكربوراتير )

هندستنا
رحت لمتخصص كربراتير عشان يظبطلى السلنسيه قلى ان باب السلنسيه موارب حاجه بسيطة قوى وممكن امشى بيه
رأى حضرتك ايه الافضل اعمل الباب ده
وكمان كنت بصلح السنسور الكهربا بتاع الكربراتير الى هو لما اجى اشغل العربية الصبح الاربى ام يعلى وبعد ماتسخن اضغط ضغطة خفيفة على البنزين العربية تهدى
المفروض ان اتصلح مع الصيانة دى بس للأسف متصلحش ولازم اسخن بنفسى
هل مشكلة الباب هى الى متخليش التسخين يشتغل

رد: عمليات ضبط المغذى (الكربوراتير )

اقتباس:

رحت لمتخصص كربراتير عشان يظبطلى السلنسيه قلى ان باب السلنسيه موارب حاجه بسيطة قوى وممكن امشى بيه
رأى حضرتك ايه الافضل اعمل الباب ده

رش عليه wd 40 من الأجناب

وحاول تحركه كذا مره بصباعك مثلا أثناء الرش

لكى تتخلل الماده المزيته بال WD40

مناطق تحميل أكس الباب على جدارى الكاربوراتير

لتليين عمل أكس الباب

جايز يكون فيه شوية رواسب ورمال عبرت من خلال فلتر الهواء ومزرجنه سلاسة

حركته شويه

غالبا عدم مواربة الباب صح ممكن تكون السبب فى عدم سرعة التسخين

وعموما أنتظارك للتسخين ليس منه مشاكل

طالما المكنه بدور فور تشغيل الكونتاكت

ومع ضغطك على البنزين بتستقر سرعة ال rpm

عموما جرب موضوع ال WD 40

لتليين الحركه المفصليه لباب السلانسيه

رد: عمليات ضبط المغذى (الكربوراتير )

جارى التنفيذ باشا