مصر موتورز مجتمع السيارات - تجربتى عند احمد مهران .......... اكتر من ممتاز

اقتباس:

المشاركة الأصلية كتبت بواسطة BASSEM BESO (المشاركة 265889)

بعد السلام عليكم ورحمة الله وبركاتة اولا احب اشكر اخويا الأكبر الأستاذ احمد فاروق على تعونة معى فى حل مشاكل عربيتى بجد رجل من النادر انك تجد مثلة او حتى نصفه فى زمنا هذا فهو الذى اهدانى حل مشاكل عربيتى A516 بعد ما كنت خلاص زهقت من كل توكيلات ابوالفتوح ومراكز الخدمة اللى تخلى الواحد يخرج عن شعورة ويتحرق دمة على الفاضى فكان لازم ادى استاذ احمد حقة رغم ان الكلام قليل على حضرتة .
ثانيا : بعد خلاص مكنت قربت اقفل من العربية بسبب عيوب تافهة توجد فى كل السيارات ولم يجد لها حل وللعلم روحت من يوم 20\9 الى يوم 13\10 التوكيل حوالى 14 مرة وكل مرة اروح يبوظوا العربية مش يصلحوها المهم الأستاذ احمد سيد وصفلى احمد مهران قالى دة كهندس جامد وخبيير فى الأسبرانزا وطبعا روحتله بعد ماالأستاذ احمد فاروق حددلى معاد عندة و ادالة توصية بيا و لأنة مشاء الله يعنى حاجة جامدة جدا بالنسبة للعربيات اللى بتروحلة روحتلة امبارح وقولتلة انا جاى عن طريق الأستاذ احمد وفعلا الراجل مش محتاج توصية طلع جرب معايا العربية وقالى فبل مااقولة على كل العيوب اللى فيها وقالى كل حاجة لها حلوطمنى المهم العيوب كانت :

- خبط فى العربية من الخلف يمين بمعنى رزع فى كل مطب .
- صوت فى الدركسيون بسبب عيب تصنيع فكان عايز عمود الدركسيون يتخرط بطريقة مححدة .
- رعشة فى الموتور بتزيد مع التكييف .
- واكتشف هو واحنا بنجرب ان فى خبط من قدام شمال .

المهم قالى خلاص كل حاجة حنعملها + تغيير زيت الفتيس عشان دة زيت تخزين وتمام العربية من الساعة 4 العصر الى الساعة 11.30 مبطلوش شغل فيها بأمانة لقوا العفشة الأمامية التوكيل مش ربطها من جوة ( حاجة اسف فى اللفظ زبالة من التوكيل ) وعملوا الدركسيون عند الخراط وركب وعملوا بردة الرعشة قالى دة بوجيهات وفعلا غيرناها والعربية فرقت مليووووووووووون مرة يعنى بجد حسيت ان العربية فاقت ورش اسبراى شحم على العفشة كلها وربط كل حاجة فى العفشة وبجد حاجة مية مية الشىء اللى زعلنى شوية ان لاقينا المساعدين الأماميان عايزين يتغيروا فى التوكيل واحمد مهران قالى روح خليهم يركبولك مساعدين جداد من الضمان عشان دة حقك والحمد لله خلصت العربية ودة بفضل ربنا الأول ومن بعدة الأستاذ احمد فاروق ومن بعدة المهندس احمد مهران

وعلى فكرة عايز اذكر حاجة مهمة جداا جداا جداااااااا ان غير شغل احمد مهران الممتاز عندة حتة نزاهة ونضافة كدة غير اى ميكانيكى يعنى يحط اكياس على الفرش ويحط كسوة على الطارة عشان ميحصلهاش حاجة من الشحم وينضف العربية بالكامل بعد مايخلص حاجة تدل انة انسان نضيف جدا وعندة كمان كل قطع غيار الأسبرانزا كلها ومصنعيتة معقولة جدا و بأمانة انا مشيت باعربية انضف من اللى روحت بيها و من الأخر اللى عندة اسبرانزا مضايقاة يطلع على احمد مهران وهيشوف الفرق الحقيقى بجد .
وفى الأخر عايز اشكر الأستاذ احمد فاروق لأن هو السبب فى ان العربية الحمدلله بقت تمام وشكرااا واسف جدا على الأطالة .

1000 تحية و1000 سلام للسيد المحترم مستر مهران اتمنى انه يفتح مدرسة يعلم فيها فنييين مركز الخدمة لأبو الفتوح كيفية تصليح ألأعطال الحمد لله اخيرا وجدت من يصلح عيوب ألأسبيرانزا فى مصر لكن على مستر مهران فتح فرع فى ألأسكندرية او قل فروع فى كل المحافظات وسلملى على ابو الفتوح وعماله