المشاركة الأصلية كتبت بواسطة allam87 (المشاركة 263979)

شكرا ليك يا اخ مهند علي مرمروك الكريم علي موضوعي والنصحية
وبصراحة رغم الكلام اللي في المنتديات اللي بيتقال عن الصيني ورغم اني مقتنع بيه من جهة الا اني من جهة اخري لا استبعده تماما في اختياراتي وخصوصا اني مقتنع تمام ان الصين هتزداد توغلا في كل شئ وبضاعتها ستغزو العالم يعني مثلا اننا من عشر سنين كده او اكتر كان الواحد بيفكر في الابتوب يشتري نوعه ايه وكنا برده نسمع صيني وده الماني وكلام من ده دلوئتي اغلب الابتوب حتي الماركات الكبيرة بتتصنع في الصين ومبئتش تفرق وكل الناس لابتوب بتاعها صيني وانا سمعت راي مشابه زي ده في احد المواضيع المتعلقة بالعربيات الصيني وكان بيقارن بين حالة الناس الآن وموقفها من العربيات الكوري في بداية العربيات الكوري في مصر لكن بعد كده اتنسي وبقي اغلب الفئات المتوسطه عربيتها كوري وانا اعتقد برده ده اللي هايحصل مع العربيات الصيني وقريب هتلاقي اغلب الاسر متوسطة الدخل عربايتها صيني واكيد مش هاتتنتشر بين الناس الا اذا اثبتت نفسها في البيئة المصرية زي ما العربيات الكوري اثبتت نفسها طبعا انا زي ما قلتلكم انا مش بفهم في العربيات لكن ديت مجرد ثقافة منتديات يعني لا خبرة ولا مجرب ولا شئ وممكن لو قلت حاجه غلط تصصحوها لي ومنكم نستفيد

المشاركة الأصلية كتبت بواسطة allam87 (المشاركة 263443)

اللهم صل علي محمد وآل محمد

السلام عليكم يا اعضاء مصر موتورز دلوئتي يا شباب انا لسه متخرج من قريب وساكن علي مسافة 55 كلم تقريبا من القاهرة وهاحتاج انزل القاهرة كتير والموصلات مش هاتنفع فقررت اشتري عربية تسترني لكن للاسف لما كلمت اهلي قالولي ماشي لكن قالولي اخرك50 الف وانا حاولت ازحزحة معاهم معرفتش لكن المحاولة مستمرة لكن فرضا الآن اني مش هاقدر ازود عن الخمسين الف جنيه.. اشتري عربيه نوعها ايه من رايكم عربية تشيلني في سفري 100 كلم تقريبا يوميا .... وبصراحة يعني انا مش بفهم في العربيات اوي ومحتار في ناس قالتلي عن الاسبرنزا A113 فدخلت ع النت وشوفت مواصفتها والكلام عليها في المنتديات وبعد قراءة الكثير من المواضيع والردود في المنتديات عن العربية لئيت ان (في ناس مع ) و (في ناس ضد ) و ( في ناس قالت اللي مع العربية عنده حق واللي ضد العربية عنده حق لان العربيات الصيني زي البطيخة لا تطلع حمرا لا تطلع قرعة) دلوئتي محتاج النصيحة عربية تسترني في سفري واشيل بالي منها لمدة 5 سنين علي الاقل بعد كده مش عاوزها اهم شئ لمدة خمس سنين متتعبنيش كل شويه اروح بيها لحد يصلحها
ايه رايكم في العربية وهل تلبي الشروط اللي انا عاوزها وهل ترشحولي عربية معينة .. بس وحياة الغالي عندكم انا مبحبش الوقفة عند الميكانيكي انا عاوز اشتري عربية جديدة تسترني مش تبهدلني تسترني خمس او ست سنين كده اللي محتاجهم فيها بعد كده ربنا يكون فتح علينا ان شاء الله ونجيب عربية كويسة بميزانية كويسة تعيش معانا فترة اطول

المشاركة الأصلية كتبت بواسطة مهند سالم (المشاركة 264005)

أختلف معاك في نقطة مهمة:
في دول ليها خط أحمر للجودة لا تنزل عنه أبدا، وبذلك لا تعطي الفرصة للمستورد المستغل أن يتلاعب كثيرا.
لكن مشكلة الصين إنها لا تعترف بالخطوط الحمراء، فتنتج كل ما يخطر على بالك وبكل درجات الجودة، وده بيعطى فرصة للمستورد المستغل أن يتلاعب.

المشاركة الأصلية كتبت بواسطة allam87 (المشاركة 264079)

طيب الاخ مهند طالما انتا نصحتني بالادا ما رايك في الادا 2115
وديت مواصفاتها من علي موقع كونتكت كار http://www.contactcars.com/NewCars_P...?EngineID=2492


علي الاقل شكلها مقبول عن الادا 2107

المشاركة الأصلية كتبت بواسطة mohamedkamel8677 (المشاركة 264310)

جولف او كورولا

المشاركة الأصلية كتبت بواسطة allam87 (المشاركة 264079)

طيب الاخ مهند طالما انتا نصحتني بالادا ما رايك في الادا 2115
وديت مواصفاتها من علي موقع كونتكت كار http://www.contactcars.com/NewCars_P...?EngineID=2492


علي الاقل شكلها مقبول عن الادا 2107

المشاركة الأصلية كتبت بواسطة سيف الدين سعيد (المشاركة 264389)

لأ يا باشا الكلام اللى قاله أخونا علام مظبوط تماما وده فى كل الماركات تقريبا ماعدا القله القليله وهى الصفوه مثلا . وان كان برضو حاتلاقى ان اللى بينزل ليك هنا غير اللى بينزل لأوروبا وأمريكا مثلا .
وتعال نشوف الكيا مثلا تقفيلها الداخلى زباله : كاوتش الطبب الداخليه مهرهر والأسلاك فى توصيلات الضفاير ملفوفه بشطرتون اسود واطرافه فاكه زى مايكون كهربائى من تحت السلم هو اللى مقفلها . وده طبعا أكيد حايختلف عن المواصفات الخليجيه . واكيد كمان موجود فى كل الماركات . بدليل ما بنسمع كلمة مواصفات خليجيه .