|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
والله يا كوتش أنا شايف ومن غير خلاف وأعتقد إن كلنا كده إن الفلوس اللي تدفع عشان تطلع رخصة ديه رشوة ومن غير كلام كتير يعني، فرأيي إنك تروح تحاول تطلع الرخصة زيك زي أي حد ما عندهوش واسطة ولما ما تعرفش وتغلب خالص ابقى روح طلعها برشوة بقى ولا واسطة لأنك ساعتها هتبقى مكره وغصب عنك، مع إن الامتحان بسيط ولو حد بيعرف يسوق بجد هيعرف يطلع الرخصة بسهولة، المهم إنك تحاول بجد وبمجهودك الأول وبعدين ربك ييسرها بقى وروح وأنت متوكل على الله كده وقلبك مليان عشم في وجه الله تعالى لأنك رايح اختبار وعامل اللي عليك ومذاكر كويس :) أقصد يعني بتعرف تسوق كويس يبقى خلاص توكل على الله وإن شاء الله مش هيضيعك والكلام ده بقوله وكلي ثقة عشان الحمد لله ده اللي حصل معايا روحت عشان أطلع الرخصة من غير أي واسطة ولا يحزنون وسقطت في أول مرة وتاني مرة الحمد لله نجحت من غير وسايط ولا يحزنون وكل اللي دفعته تقريبا 50 جنيه ثمن الرخصة وبس.
|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
زى ما طلعتها انا اسهل حاجه
إتعلمت السواقه كويس و ذاكرت الاشارات و حفظتها و فهمتها معموله ليه و امتحنت و نجحت .. سهله اوى و امان للمشاه و لنفسى و عائلتى لانها مش عجله دى عربيه .444546 |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
ممكن يكون من خلال مدرسة تعليم القيادة دى احسن و أأمن و اسرع طريقة
|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
المدرسة بتعلمك حتي لو تعليم نص نص و بتطلعهالك بسهولة من غير رشاوي ولا حاجة
اما لو مش بتعرفي تسوقي و عايزه تطلعيها الاول يبقي ادامك طريقتين يا اما واسطه و يا دوب هتدفعي المصاريف بتاعتها اللي هي 150 جنيه تقريبا يا اما الطريقة اللي محبش تتعمل بس للأسف مفيش حاجة في مصر بتتعمل من غيرها تقريبا و هي الرشوة لاي امين شرطة ولا هتمتحني ولا اي حاجة و هيجبلك الرخصة و انتي قاعدة في مكانك !!!!! بس هياخد كتير معتقدش هيقل عن 500 جنيه |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
ان انتى تقدمى فة مدرسة المرور التابعة للمنطقة هى دى اسرع طريقة هتدفعى 370 اشتراك 10حصص سواقة وحصة كمبيوتر فى الانفواشى طبعا مش هتستفدى حاجة ولما تروحى تسواقى ادى العسكرى اللى جنبك 50جنيه دى اسرع طريقة ومضمونة انا عملت كدة
|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
هو سن الرخصة اترفع ل21 سنة
http://www.masrmotors.com/vb/showthread.php?t=45834 |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
لو ربنا كاتب إنها تسلط علينا :crazyW14:
فالحل علي الأغلب هو الواسطة والرشوة إحداهما أو كلاهما معا والله ولي التوفيق :w6w200504112246446a |
| الساعة الآن 07:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017