رد: تعالو نفتكر مع بعض
 

الخابطه الثالثه
ودي كانت العلامه الفارقه في حياتي
كانت اخر يوم في القرن العشرين (31 ديسمبر 1999)
كان يوم شتاء جامد و موصل واحد صاحبي(بالفيات 125 برضه :( )
و راجع من عنده ماشيفي شارع البحر
وكانت الاشاره لسه فاتحه و انا طاير في الشتاء
كنت اياميها شغوف بالفورميلا وان و فاكر نفسي مايكل شوماخر
و واخد في نفسي مقلب اني احسن واحد يسوق في المطره
المهم لقيت تاكسي وقف في وسط الطريق علشان ياخد زبون و بالمره نازل يمسح الزجاج علشان المساحات مش شغاله.
طبعا حاولت افاديه بلف الدركسيون(بعد ما صلحت البوش اللي كان موجود من الخبطه اللي فاتت)
لقيت العربيه بتحدف بضهرها و بقي وش العربيه في وش العربيات اللي جايه
وهوووووب
قمت مكمل لفه بالعربيه و قولت خلاص انا حخبط جنب في جنب في التاكسي
لكن لا تأتي الرياح بما تشتهي الانفس
و هوووووووووووووووووووووب
اول سنتم في العربيه من الناحيه اليمين برضه خبط في ضهر التاكسي المازدا ال 929
اللي عامل زي العجل
بالنسبه له كان الفانوس الخلفي بتاعه دخل جوه الشنطه من شده الخبطه
بالنسبالي بقي
هيا هيا الخبطه اللي فاتت بالضبط بالكربون
لا حاجه زادت ولا حاجه نقصت.
و طبعا اتصلت بوالدي العزيز ربنا يخليه تعالي العربيه اتخبطط و خبطه كبيره.
طبعا اول ما هو جه انا اخدت بعضي و مشيت و سافرت في مواصلات في عز البرد عند واحد من اعز اصدقائي اول ما شافني عرف ان العربيه اتخبطت.
و بعدين قضيت الليله عنده و والدي و والدتي اتصلوا بيا عنده لاني كنت قافل الموبايل بس هما قالوا اني اكيد روحت له.
و قالولي حصل خير و مافيش حاجه و تعالي علشان امتحناتك و هيا يعني اول مره تخبط العربيه ههههههههه
و روحت البيت
و ما ادراكم بقي المعامله الزبااااااله اللي اتعاملتها هههههههههههه
مافيش حد بيبص في وشي دا غير الكلام اللي زي الزفت اللي بسمعه
و والدي يقولي لما ربنا يكرمك و يبقي معاك فلوس خاصه بيك اوعي تشتري عربيه
لانها حتموتك و انت مش بتعرف تسوق و انت مستهتر و انت و انت و انت.....
فضل الحال دا حوالي4 شهور مش بركب العربيه لحد ما بدأت افوق و افكر ارجعها ازاي تاني لعصمتي
بدأت اخد عربيات اصحابي و اركنها تحت البيت و انزلو احاول اسمعه صوتها او اخليه يشوف مفاتيحها بأي شكل لحد ما حس
و يقولي افرض اتخبطط منك قولتله يبقي حظها كده ماهو انت مش عاوز تديني العربيه و انت عارف ان العربيه دي حياتي و تيجي تعمل معايا كده و تاخد مني حياتي يبقي اللي يحصل يحصل
لحد ما عرف ان الله حق و ساب ليا العربيه تاني بس بدأت اعقل بقي ما بقتش زي الاول و بدأت الم نفسي
و بطلت خمسات و حركات و ودعت لقب مايكل شوماخر زي ما اصحابي كانوا بيسموني
ياااااااااااااااااااااااا اااااااااااااه
تاريخ و ايام و انا بكتب عمال افتكر الشريط و هو بيعدي من قدامي و سنين عمري اللي راحت
شكرا احمد باشا علي الموضوع مره اخري و حكمل بعدين

رد: تعالو نفتكر مع بعض
 

العفو ياباشا مستنيين المزيد

رد: تعالو نفتكر مع بعض
 

رد: تعالو نفتكر مع بعض
 

ماهو كل واحد لازم بيعدي بالفتره دي يا انجكشن
النهارده الواحد لسه بيعمل حاجات من دي بس علي خفيف ماعدش شغف الشباب الاولاني دا
دلوقتي ممكن في فرح او مهارات سواقه مع حد علشان بس الواحد يثبت ان الدهن في العتاقي ههههههههه
اما والدي بصراحه شاف معايا ايام و كانوا اصحابي بيحسدوني عليه
يقولوا لو اهالينا مكان والدك كانوا حدفونا من الشباك ههههههه
بس والدي كان متفاهم لحدود طبعا فيه غير مكنش عنده تفاهم

رد: تعالو نفتكر مع بعض
 

مرة كنت ماشى على الدولى رايح بورسعيد وماشى معايا صاحب الشغل وسيق ومنفوخ لانة من النوع اللى مابيحبش السواقة السريعة المهم مشيت 80 طبعا عربيات كتير عدتنى داخل البنزينة وانا داخل لقيت تريلا طالعة من نفس فاتحة الدخول جى افاديها لقيت عربية على شمالى قلت النقل ارحم على الاقل هو اللى غلطان وكانت الصاعقة العربية مفهاش سواق العربية مشيت من غير سواق بعد لما اخدت الشنطة بتاعت العربية معاها طبعا صاحب الشغل اللى هوهو صاحب العربية لقيتة نازل فى الدوسات وبيعيط فاكر انة ميت ميت طبعا دفع السواق بتاع التريلا مصاريف التصليح من الالف الى الياء

رد: تعالو نفتكر مع بعض
 

رد: تعالو نفتكر مع بعض
 

وممكن ميفهمش وفى الحالة دى انا اللى حدفع وصاحب الشغل كان رخم وكان حيدفعن لا انا اخلى العربية تتخبط وادفع سواق النقل بدل ما ادفع انا الكلام دة كان ممكن اعملة لو العربية عربيتى