مصر موتورز مجتمع السيارات - تعمل إيه لو راكن عربيتك و رجعت لقيت الباب عايز باب ؟؟!!

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة hazem_khidr (المشاركة 167274)

حسبي الله و نعم الوكيل
و بالنسبه للاخ بتاع وصل الامانه دا كمان الواحد يتعلم انه ما يسبش حقه
و مهما كان اللي قدامه يبان انه طيب المفروض ما ينخدعش فيه وياخد حقه طالما هو صاحب المركز الاقوي
الناس بقت بشعه بجد :(

انا استاذ خالد انا بتاع وصل الامانة

ويعلم الله ياخى انة لو كان واحد غصب عنة خبط العربية مكنتش عملت حاجة ولا فكرت اعمل محضر وكنت صلحت العربية بدون حتى ما ارجعلة لانها حصلت قبل كدة ودفعت 6500 جنية وحتى اللى خبطلى العربية ميعرفش انا دفعت كام ولكن اللى استفزنى انهم تقريبا ً اطفال بتستعرض وبتهزر بالعربيات وكمان يجوا بالليل ويهددونى بعمل محضر ضدى بتحريض من ضابط معرفتهم وكمان لو كان جة وقلى انا مقدرش ادفع المبلغ ( ملاحظة هو وربنا يذيدة يستطيع بسهولة ) كنت انا مفكرتش اقدم اللايصال للنيابة
والله ياخى انا لما دخلت لوكيل النيابة طلع راجل ذوق جدا ً وحكالى موقف مشابهة وحصل معاة هو شخصيا ً وقلى انة عمل محضر واللى خبطلة العربية تحمل التكاليف كاملة ونصحنى وكيل النيابة ان استمر فالقضية لغاية ما اخد فلوسى منة ولكنى قلتلة انا متنازل لانى اديت الراجل وعد قبل ما ادخلك وتكون النتيجة ان اللى خبط العربية يقلى " الايصال بلة واشرب ميتة " دى حاجة قمة فى الاستفزاز وكمان لسة بشوف نفس العيال بأكتر من خمس عربيات بيعملوا نفس الحركات بإستهتار
للأسف مرادفات هذا العصر تغيرت واصبحت كلمات - متسامح وغلبان وطيب متوكل
لاتحمل المعنى القديم لها
وشكرا ً لرد حضرتك

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة horas3000 (المشاركة 167292)

و الله يا استاذ خالد المبدا ده علي عيني و علي راسي و انا مؤمن انك هتاخد حقك
بس مع احترامي فيه شيئ من السلبية
يعني انا ممكن اتبعه لما اكون مقتنع ان مش هعرف اخد حقي بنفسي
لكن لو اقدر و بسبل محترمة يبقي ليه لا
هو مش رسولنا قال من راي منكم منكرا فليغيرة.... الي اخر الحديث
و اللي عمله المخلوق ده منكر فلازم يتربي عشان يتغير
و اهو منه تمنع بلاويه عن ناس تانية و تاخد فيهم ثواب

هو انا مشرحتش الموقف كويس لكن طبعا روحت بكلمه وبقول له حرام عليك ورد الردود اللى قلت عليها فانا اتضايقت وزعقت وانا صوتى جهورى يعنى لما ازعق يقوم زلزال واتلمت الناس وقعدو يتمنو الاصلاحات وده يقول كلمة و ده كلمة وفوجئت بيه بيقوللى ميغركش المحل ده السوق نايم واحنا لا فى بيع ولاشرا وانا عليا ديون و دى كانت ساعة نرفذه وحقك عليا الى اخر هذا الطقم
المهم انا قلت له بعد كلام كتير من الناس من ماركة المسامح كريم عموما انا مش مسامحك وهاخد حقى يوم القيامة
لكنه ولا اهتم كل اللى يهمه ان مش هيدفع فلوس وخلاص
مع ان الحساب يوم القيامة اغلى عجيبة

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة mesho70 (المشاركة 166455)

بداية ربنا يعوض عليك واقولك لو علمتم الغيب لاخترتم الواقع والحمد لله على كل حال

اما سؤالك لو كنت مكانك اعمل اية ؟ فكنت فى موقف زى دة بالضبط وكانوا شباب

بيهزروا بالعربيات وعربيتى راكنة على جنب وبعيد عن الطريق تماما ً ولما خبطوها

لحس البابين الامامى والخلفى ناحية السائق لدرجة انى كنت بركب من الباب بجوار

السائق لان باب السائق مكنش بيفتح ولكن اخدت رقم عربية منهم وعملت محضر

ومأمور القسم تعاطف معى لما شاف العربية وحولة عالنيابة ولما رحت النيابة تانى

يوم لقيت صاحب العربية هناك وكان ابنة الصغير من غير رخصة اللى سايق وقعد

يبوس على راسى ويترجانى اتنازل على المحضر - بالرغم من إن ابنة جانى فالليل

يهددنى انة هيعملى محضر برضو - وتعهد بإصلاح العربية وكتب ايصال امانة لى

وطبعا ً بعد ما اتنازلت عن المحضر قلى " ايصال الامانة بلة واشرب ميتة "

ده إهبل ده ولا أيه ده أنت ممكن توديه فى ستين دهية

رد: تعمل إيه لو راكن عربيتك و رجعت لقيت الباب عايز باب ؟؟!!

ياخبر أسود ياخونا مش معقول اللى أنتم بتقولوه ده صحيح أحنا عندنا ممكن تحصل بعض المشاكل فى أحقيه الركن لكن مستحيل أن حد يجيب مسمار عندنا ويعمل كده

رد: تعمل إيه لو راكن عربيتك و رجعت لقيت الباب عايز باب ؟؟!!

اقتباس:

المشاركة الأصلية كتبت بواسطة mesho70 (المشاركة 167571)

استاذ ميشو انا لا انتقص من قدرك بكلمه (الاخ )
و لكن انا قصدي علي الراجل اللي قالك بله و اشرب ميته مش حضرتك بالتأكيد
و معذره لاني ما افتكرتش اسم حضرتك لان الاسماء المستعاره قليل لما بتركب في ذاكرتي
لكن الموقف استفزني جدا و ما اقدرش اتخيل انا كان ممكن اعمل ايه لو مكانك
بس هو فعلا الصح و اللي المفروض الكل يعمله انك لما تبقي في موقف قوي اوي تتخلي
لحد ما تاخد حقك و بعد كده تتنازل

رد: تعمل إيه لو راكن عربيتك و رجعت لقيت الباب عايز باب ؟؟!!

فى مبدأ فى الشرع أنه من أفسد شيأ فعليه بإصلاحه واللى بوظ حاجة فى عربية حد حاجة من اتنين يا إما بالذوق كده وبالإحترام يصلح اللى عمله على حسابه او يدفع تمن الإصلاحات يا أما صاحب الحق يتمسك بحقه ويأخذه بالقوة يعنى بالبوليس بالنيابة بالبلطجة اى حاجة المهم ياخد حقه

رد: تعمل إيه لو راكن عربيتك و رجعت لقيت الباب عايز باب ؟؟!!

ربنا يعوض عليك ياباشا