مصر موتورز مجتمع السيارات - عاوز حد ممكن يركب لي كاسيت وجبي اس

مصر موتورز مجتمع السيارات (https://www.masrmotors.com/vb/index.php)

- منتدى سبير كار - فرش واكسسوارات السيارات (https://www.masrmotors.com/vb/forumdisplay.php?f=118)

- - عاوز حد ممكن يركب لي كاسيت وجبي اس (https://www.masrmotors.com/vb/showthread.php?t=23725)

رد: عاوز حد ممكن يركب لي كاسيت وجبي اس

اقتباس:

المشاركة الأصلية كتبت بواسطة حبيب الناس (المشاركة 163972)

الأخ ابراهيم السلام عليكم
انت تاعب نفسك ليه وتلف في متاهات ملهاش داعي اللي يقولك الانتنه 5 متر واللي يقولك خاريط جي بي اس ptmnlo123per111 ومحدش فادك في سؤالك الاساسي
افيدك انا :HAPPY_~211:
فيه محل اسمه مجدي كلريون في شارع احمد عرابي في المهندسين اول ما تنزل من كوبري 15 مايو النزله قبل الاخيره بتاعه سفنكس خش يمين في شارع احمد عربي هتمشي حوال 150 200 متر هتلاقي محل علي اليمين مكتوب عليه كلريون روح هناك وهما هيركبوه ومتخفش علي الكاسي ولا علي عربيتك
وبالنسبه للأنتنه مكنها مش سر ولا حاجه ولا عاوز دراسه جدوه ولا متخصصين من اليابان الموضع سهل جدا جدا الانتنه بيعدوها من ورا التبلوه وبركب علي التبلوه

ptmnlo123per122

الأستاذ حبيب الناس، لما عرضت تركيب الـ GPS antenna للأستاذ ابراهيم والخرائط لم أطلب منه مقابل، وأظن كلامى كان واضح جدا، وده مجالى منذ أكثر من 10 سنوات، وحكاية تركيب الـ GPS antenna فوق التابلوه وتشويه شكله ده كان منذ سنوات، ومادام حضرتك تعمل فى ذلك المجال منذ 3 سنوات فبالطبع تعلم أن الـ GPS receiver المستخدم الآن فى معظم الأجهزة Sirf III ولايحتاج antenna على التابلوه وبالتالى تشويه شكل التابلوه ولكن يمكن اختيار المكان المناسب داخل التابلوه لتركيبها، وعلى فكرة أنا كان ممكن أعرض تركيب الجهاز بنفسى ومجانا (مع العلم أنى لاأقوم بذلك ولكنى أشرف فقط على ذلك مع العملاء) ولا يتعدى وقت تركيبه أكثر من 15 دقيقة ولكن لم أعرض عليه ذلك لكونه يسأل الأخوة فى سبير كار على التركيب فاحترمت رغبته.
وخصوصا أنه عرض سؤاله فى صفحة سبير كار.

رد: عاوز حد ممكن يركب لي كاسيت وجبي اس

أخي العزيز at gpsانا لم اقصدك انت بالذات بكلامي وليس بيني وبينك عداوه انا فقط انصح للرجل
بالنسبه لموضوع الانتنه لو قرت كلامي كويس انا كاتب لو اتحطط في اي حته هتشتغل ولكن افضل مكان ليها فوقق التبلوه ( وده علشان تجيب اشاره كويسه في الشوارع اللي العمارت فيها عاليه واعتقد ان علشان جهاز تحديد المواقع العالمي اللي هوا الجي بي اس يشتغل لازم يكون مستقبل اشاره علي الاقل من 5 اقمار علشان يقدر يحدد خط الطول وخط العرض اللي انت موجود فيه ) وبالنسبه لكاسيت السياره لازم الانتنه تركب علشان الجي بي اس يستقبل اشاره يعين مينفعش يشتغل بدون انتنه وتقدر تجرب ده حضرتك بنفسك لان كاسيت السياره غير اجهزه الجي بس اس الكفيه اللي بتكون الانتنه بتاعتها داخليه زي موبيلات اللي فيها جي بي اس
ثالثا انا معرضتش علي الراجل اني اقوم بتركيب الجهاز انا عرضت عليه فقط اني اوصله للماكن
وعرضت عليه اديله برنامج ال igo8 العربي مجانا علشان ميظنش اني هطلب منه فلوس
وانا كمان عرضت عليه كلريون لانه في موضوعه بيقول ((والصراحة مش لاقي حد ممكن يركبه باحترافية كويس غيركم)) فأنا بوضح له انه فيه ناس محترفه ممكن يركبوله الكاسيت برضه ومش بشكك في اسبير كار دول ناس محترمين جدا
أما موضوع Sirf III فده برضه بيحتاج antenna لكن بتكون صغيره بتركب داخل الجهاز وده بتكون في الجي بي اس الكفي اللي ممكن تستخدمه منفصل نفس فكره الموبيل بالجي بي اس وعلي فكره الانتنه بتاعه الكاسيت مش بتشوه منظر التبلوه لان حجمها صغير
اونا اعتقد ان الجي بي اس كان قبل تاريخ 14 أبريل 2009 ممنوع استعماله في مصر وغير مسرح بدخول اي اجهزه تحتوي علي ال gps وحتي يومنا هذا اي جهاز gps يدخل علي البلد اذا كان عن طريق شخصي او عن طريق الاستيراد يج ان يعرض علي الجهاز القومي لتنظيم الاتصالات
أخيي الفاضل انا لم اقصد تجريحك ولا اقصد الاهانه بك ولا اقصد ما فهمته من كلامي انا كلامي بحسن نيه ومساعده فقط وتقبل اعتزاري ولك مني كل التقدير
أخوك اياد ناصر

رد: عاوز حد ممكن يركب لي كاسيت وجبي اس

اقتباس:

المشاركة الأصلية كتبت بواسطة حبيب الناس (المشاركة 164047)

الأخ العزيز اياد، شكرا على ردك
أخى العزيز أحب أن أصحح بعض المعلومات لديك، الجى بى اس يحتاج الى 3 أقمار فقط وليست 5 لمعرفة الطول العرض الإرتفاع، وبالنسبة للـ Sirf III ليس له علاقة بشكل الجهاز اذا كان كفى أم لا ولكنه البروسيسور الخاص بالجى بى اس ريسيفر.
وعلى فكرة احنا موزعين لأحدى الشركات الأوروبية المشهورة فى هذه المجال داخل مصر أو منطقة الخليج العربى، وعملائنا من أكبر شركات البترول والغاز. واذا حبيت يمكننى ارسال لينك الشركة الأوروبية لك، وهى ليست أجهزة كفية أو نافيجاتور للسيارة ولكنها أجهزة متطورة جدا لمتابعة أساطيل السيارات الخاصة بالشركات, والحمدالله أن الشركة الأوروبية تعتمد علينا فى تطوير أجهزتها وكذلك بيعتمدوا على برنامج الجى بى الخاص بنا فى حالة بيع أجهزتهم للدول العربية أو الأفريقية وهو من تصميمنا من الألف الى الياء وبه الخرائط الخاصة لمعظم الدول العربية والأفريقية.
أما بخصوص ألجى بى اس فى مصر فهو لم يكن ممنوعا بالمعنى المفهوم، ولكنه كان يحتاج تراخيص للمستخدم، ومازال ممنوع استخدام الجى بى اس فى التتبع عن بعد وذلك فى مصر وكوريا لشمالية فقط من دون دول العالم كله.
واخيرا أخى العزيز تقبل منى تحياتى، وأنا تحت أمرك فى أى معلومة عن الجى بى اس

رد: عاوز حد ممكن يركب لي كاسيت وجبي اس

خلاص ياجماعة
أنا امبارح رحت اسبير كار وللأسف خالفوا توقعاتي ومعرفوش يركبوه ـ كان الفني مش مستوعب ازاي السنسور بارك والكاميرا ملحقين بالجهاز ـ مع أن الموقع بتاعهم بيعرض أجهزة قريبة منه

المهم واحد عندهم دلني على محل أدريان في جامعة الدول والحقيقة كانو ناس فاهمة أول ما شافوا الجهاز تعاملوا معاه علطول بس التركيب أخد وقت كبير عشان السنسور والكاميرا خصوصا أن الكاميرا من نوع كبير مش زي الكاميرا الغاطسة اللي شبه السنسور

وشغلنا الجهاز وكان عليه برنامج Igo بس مش عارف رقم الاصدار وهو هايل قوي زي ما قال استاذ اياد وكمان شغلنا التلفزيون ولقط كويس والجهاز جامد جدا جدا

وفي النهاية شكرا لكل اللي ساعدوني بمعلومات عن الجهاز والتركيب وشكرا للمنتدى

رد: عاوز حد ممكن يركب لي كاسيت وجبي اس

:260309~146:الف مبروك ، فرحتلك كثير كأنه ركب في عربيتي بالضبط:260309~146:

ptmnlo123per154

رد: عاوز حد ممكن يركب لي كاسيت وجبي اس

الف مبروك يا باشا علي تركيب الجهاز
وخلي بالكك متنشغلش بالشاشه والجي بي اس وانت سايق وافضل تبع التعليمات الصوتيه علشان الحوادث وربنا يكفيك شر طريققك

رد: عاوز حد ممكن يركب لي كاسيت وجبي اس

شكرا ياباشا وربنا يكرمك أنا لو مكنتش ركبته عند أدريان كنت ناوي أطلع على الراجل اللي حضرتك قلت عليه ربنا يكرمك