رد: ماهو اقوى صاج سيارة فى الفئه السعريه حتى 100 الف
 

ممكن تكون المداخله إنتهت بس فيه حاجتين لسه متقالوش:

الأولي إن العبرة بقدرة الصاج علي مقاومة الصداء ... ولذلك تعتبر شركات السيارات أن تركيبة صاج السيارة سري جدا
يعني ممكن الصاج يبقي تقيل بس الصدأ بياكله بسرعة .. وممكن يكون خفيف بس بيقاوم الصداء وده إللي بتركز عليه شركات السيارات لأنه ها يخدم أهاف أخري أهمها خفض التكلفة وثبات السيارة ونظم التعليق

الثاني إن تصميم السيارات في الثمانينات وما بعدها بدأ يهتم بالحفاظ علي حياة الفرد مش العربية وكانت المعادلة القديمة صاج أقوي عمر سيارة أطول بس خطر داهم علي الراكب نتيجة شدة التصادم لذلك كانت الفلفو علي سبيل المثال والشيفورليه القديمه ممكن تخش بيها في الحيطة وتطلع بيها سليمة من الناحية التانية بس من غير السوا ق الله يرحمه
ومع تقدم تكنولوجيا السيارات وظهو وسائل التأمين من إير باج ونظم منع الإنزلاق ونظم منع إنغلاق الفرامل وغيره .. مثل سنسور الركن أو حتي أتو باركنج كل ده مش محتاج صاج ... كذلك مكنش فيه نظم عزل وكماليات ودي كلها بتشكل وزن علي الموتور ... أما بقي لو كنت بدور علي عربيه حملرة شغل وعفية فعندك الفور باي فور بأنواع وأحجام لا حصر لها ... يبقي إللي عايزمتانه وقوة ها يدفع ويشتري

عنصر أخير لو عمللك عربية تقعد معاك 20 سنه بحالتها يبقي مكناش وصلنا للتطور التكنولوجي الهائل في صناعة السيارات الأن ... وكان مصانع كتير قفلت ptmnlo123per154

رد: ماهو اقوى صاج سيارة فى الفئه السعريه حتى 100 الف
 

بس ياباشا انا باختلف معاك فى نقطه وهى ان الصاج الخفيف فى السيارات اللىب100الف وماقبلها ولكن الفئه السعريه اللى ب150 الف تجد صاجها تقيل مثل الاوكتافيا والباسات والفكترا يبقى هى عمليه توفير من الشركات يعنى على اد فلوسك وعارفيين ان الناس دلوقتى بتهتم بالاوبشن على حساب المتانه زى الصينى كلها اوبشن والمتانه صفر

رد: ماهو اقوى صاج سيارة فى الفئه السعريه حتى 100 الف
 

الحقيقة أنا شفت فيلم تليفزيوني عن هذا الموضوع من مدة فهمني حاجات كتير جدا يعني مثلا حضرتك مازلت مقتنع إن فيه علاقة بين قوة الصاج ووزنه وده مش صحيح وعشان اقرب الموضوع الحديد الظهر أثقل من الحديد الصلب بس مش أقوي منه طيب إيه إللي بيدي الحديد أو الصاج صلابته مش الوزن ولكن الخلطه ودي بتتضمن 18 عنصر زي الكربون .. وفيرو سليكون.. المغنسيوم ..النحاس الأحمر ...البنتونيت....النيكل... الفيرو منجنيز ..... الخ واللعب في نسب هذه الخلطه هو إللي بيدي الصاج صلابته وقدرته علي مقاومة الصدأ .... يعني ممكن صاج العربيه ما يكونش سميك بس قوي ومقاوم للصدأ ... النقطه التانية إن الشركات العملاقه والمنتجات العالية السعر بتديك جودة الصاج ده عشان بتقدر تسترجع التكلفة دي من سعر البيع .. يعني كل مراحل تصنيع وجلفنة ومعالجة الصاج كميائيا بمواد تعزله عن مؤثرات الأكسدة ما بتمش غير في السيارات الهاي كلاس أو التريد مارك ... عشان التكلفة

السؤال .... تعمل إيه شركات السيارات ؟؟
تهتم بقوة الصاج ومتانته وترفع التكلفة
ولا تزيد عوامل الأمان الأخري وترفع التكلفة
ولا تزيد وسائل الرفاهية التكنولوجية وترفع التكلفة
ولا ترفع قدرة الماتور وتزيد التكلفة
ولا تحسن قدرة الفتيس والتسارع وتزيد التكلفة ....
كان النتيجه الحتمية ... الطرازات والانواع والماركات المختلفه من السيارات إللي ماليه الدنيا لكن لو عايز كل الجودة في الحدود القصوي ليها يبقي حضرتك بتتكلم عن عربيات الصفوة ورجال الأعمال والمشاهير ...ومع ذلك لا توجد سيارة إلي الأن حققت هذه المعادلة المطلقة ... وكل سيارة لها عيوب ومزايا ... لكن فكرة سيارة حديد تفوت في الحيط ونعملها مصطبه عند اللزوم وتستحمل عيال الحته .... مش من مفاهيم التطوير عند الشركات دي

نقطة أخيرة طولت علي حضرتك ... الدهانات والألوان إللي حضرتك شايفها في عربيات الأيام دي بسبب معالج بطرق غير تقليدية ( نانو تكنولوجي ) مثلا ... عشان ثبات اللون مع عوامل الجو ما يجربش .. ثبات اللون وشدة إلتصاقه بالصاج يحتاج صاج معالج كيميائيا بطريقة خاصة ... والله أعلم

رد: ماهو اقوى صاج سيارة فى الفئه السعريه حتى 100 الف
 

المهم يا اسناذ احمد انت رسيت على ايه بعد كل الكلام الجميل ده .