رد: جولف 6 ولا فيات برافو T-jet ؟
 

الليون بطله العالم للسيارات السياحيه WTTC لسنتين على التوالي .. و السنه دي كانت بمواتير ديزل وقدرت تتفوق على مواتير البنزين واقرب منافس ليها كانت البي ام
ودي شهاده تفوق لسيات .... القسم الرياضي لفولكس جروب
طبعا الموتور و مواصفات العربيه في مصر حاجه تانيه .... لكن على الاقل الاساس واحد
بس بصراحه مسمعتش عن اي عيوب لليون علشان اقدر اقولك عليها
يمكن التابلوه فاضي شويه زي الجولف كده
اوماترا متعاملتش معاهم لكن اللي اسمعه من ملاك اللينيا و البونتو ان التوكيل بيتحسن تدريجيا .... بس لسه كسول

انت اكتر واحد حتقدر تحدد انسب عربيه ليك .... لو اللي يهمك الاداء والشكل بس يبقى البرافو تي جيت الافضل بلا منازع ... لكن لو الاداء احد العوامل ... الليون DSG جديره بالتفكير الجدي
وربنا يوفقك للاحسن

رد: جولف 6 ولا فيات برافو T-jet ؟
 

بغض النظر عن رأيى فى الموضوع
الا انى فخور بانتمائى لمصر موتورز الذى يوجد به كل تلك الخبرات فى عالم السيارات
و ذلك الاحترام المتبادل بين الاعضاء...

و لو انا هقول رأيى المتواضع بما انى اعرف شوية صغيرين عن الجولف و عن البرافو و ماعرفش حاجة تقريبا عن الليون فا كلامى مش هيختلف خالص عن الاخوة الاعضاء بالنسبة ان القوة تأنى فى صالح البرافو
الا انى لو انا شخصيا مكانك يا باشا .... هجيب الجولف من غير ما اتعب نفسى فى اللف و التدوير ....
و ربنا يوفقك ان شاء الله فى العربية المناسبة

رد: جولف 6 ولا فيات برافو T-jet ؟
 

الليون اللي بتبقي في الراليات بتبقي ليون تانية خالص في الاداء ,,,

المواتير في الليون كتييييييييييييييييييييييي يييييير اوي ,,,

اعلي واحد في البنزين هو ال 2.0 TSI و ده بقي 265 حصان ! 195 KW <<< و العزم بيبقي 350 نيوتن عند 2500- 5000 لفة و قدرة علي التساره من 0 ل 100 كيلو متر/ ساعة في 6.2 ثانية !!!


اما اعلي واحد في الديزل 2.0 برضو بس TDI طبعا يا حرام 170 حصان بس ههههههههه و التسارع 8 ثواني من صفر ل 100 كلم/س


,,,,
و دول طبعا اعلي بكتيير اوي من الموتور اللي في الليون الموجودة دلوقتي اللي موجود في نفس اختها الايبيزا طبعا ,,,


,,,

الاساس واحد طبعا زي ما قلت يا استاذ سام ,,, بس الفرق كبير اوي ,,, يعني تقريبا كده الفرق بين اللي بتشارك في السابقات و اللي عندنا زي الفرق بين العداء بتاع جاميكا اللي اسمه بولت ,,, و الواد احمد المحمدي اللي احنا فاكرينه سريع ده ,,,


,,,,,,,,,,,,,,,,,,,,,

بعيدا بقي عن كل الكلام ,,, المقارنة مش سهلة خالص ,,, ال 3 عربيات حلوين ,,, بس بحس ان الليون اللي مدخلها معاهم حاجتين ,,, الكماليات و التقفيل ,,, بينما البرافو داخلة للاداء و الشكل ,,, و الجولف داخلة علي سمعتها القديمة و المستمرة و الكماليات برضو كويسة في كلهم ,,,

رد: جولف 6 ولا فيات برافو T-jet ؟
 

يا جماعه المفروض ينضم للمقارنه دي برده بيجو 308

و فيها موتير عادي 1600 و 120 حصان

1600 تيربو 150 حصان و في نفس الفئه السعريه و بتجمع بين حجات كتير اووووووووووي

رد: جولف 6 ولا فيات برافو T-jet ؟
 

أكيد اي عربيه تجاريه حتحتلف عن عربيه السباقات ...
لكن كل قصدي ان اللي بيركب امبريزا بيتغنى بانجازاتها في الراليات و اللي يركب فيراري بيركب افضل عربيه في تاريخ الفورميلا وان .... لكن اكيد الفيراري 458 مش هي الفورميلا وان .... لكنها فيراري اللي عملت دي هي اللي عملت دي ... واللي يقدريعمل الصعب ... يعرف يعمل السهل :)
والموتور ال 1600اللي في مصر موتور الليون و الالتيا و الابيزا و الجولف و الجيتا و الاوكتافيا والروومستر باين و مش بعيد يطلع موتور خزان العماره و انا مش واخد بالي !!
لكن يوم ما اركب التيا اكس ال حقول انا راكب سيات بطله العالم سنتين حتى :)
العبره ان الليون هي العربيه اللي كسبت البطوله سنتين على التوالي مره بمحرك بنزين و التانيه بمحرك دييزل .... وافتكر برضو ان اي عربيه شاركت في البطوله زي البي ام مثلا مش هي البي ام اللي بنشوفها ماشيه في الشارع ....

هو الهدف الحقيقي من اي سباق ان الشركه الفائزه تقول انا اهه ... وده اللي قالته الليون سنتين ...
ليه الشباب النهارده مبهورين بالامبريزا .... لانجازاتها في الراليات ... مع ان الموتور ال 1500 ده مش موجود خالص على الموقع الرسمي لسوبارو
لكنهم اشتروا السمعه

على فكره انا اكتر عربيه بحبها فيهم هي البرافو ... ومن ساعه ما نزلت من 2007 و هي عجباني ... مفيش عربيه جديده نزلت استمر انبهاري بيها المده دي .... لكن ساعه اتخاذ قرار الشراء ...
للامور مقاييس اخرى ....

رد: جولف 6 ولا فيات برافو T-jet ؟
 

كلامك صح مية في المية ودة اللي انا حاسس بيه دلوقتي .. لما شفت البرافو اتوهمت بيها بس ساعة القرار وساعة لما تيجي تدفع الفلوس المقاييس بتتغير وتبتدي تفكر في 100 حاجة تانية غير الشكل والاداء
انا اللي مخوفني موضوع خدمة ما بعد البيع والتوكيل ..

رد: جولف 6 ولا فيات برافو T-jet ؟
 

بص يا مان ... لو عايز عربية عائلية وسبابية وتقعد معاك طول العمر بلا مشاكل وشكل جديد واوتوماتيك dsg كمان ... يبقى جولف
لكن لو انتا speed freak !وبتحب الشد والغرز يبقى هات البرافو ... بس هتضحة بحاجات تانية ... زى الشكل الجديد ... والفتيس الاوتو الى يريحك فى زحمة مصر الجميلة .. وهتضحى كمان بسعر اعادة البيع لو حبيت تبيع قريب ..

انا {اى الشخص جولف ... سيارة رزينة ... وتنفع لشاب او بنت او رجل عجوز حتى .. وسعر اعادة بيع افضل + انها شكل جديد خالص ومش هيتغير قريب

وربنا يوفقك