مصر موتورز مجتمع السيارات - حد يعرف ايه الفيات 128 يافا او الأسرائيلى

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - حد يعرف ايه الفيات 128 يافا او الأسرائيلى (https://www.masrmotors.com/vb/showthread.php?t=17203)

رد: حد يعرف ايه الفيات 128 يافا او الأسرائيلى

أخارك يا أستاذ رأيك فى السيارة 128 نوفا أو المصرى هى كويسة ام لا وكل المعلومات كاملة عنها
شكرا

رد: حد يعرف ايه الفيات 128 يافا او الأسرائيلى

الأستاذ الفاضل المختص فى الفيات 128 كنت عايز معلومات عن 128 نوفا او المصرى منها بعد موديل 90

رد: حد يعرف ايه الفيات 128 يافا او الأسرائيلى

السلام عليكم
أنا عندي عربية 128 موديل 1997 يعني نوفا وناس كتير لما شافوها قالولي إنها إسرائيلي ولكن هي 128 عادية خالص من ناحية الشكل والموتور والعفشة وقطع الغيار نفس 128 العادية وأنا مش عارف فعلا الكلام ده مظبوط ولا مش مظبوط ، وبالنسبة لموضوع عفشة 132 تركب لعربية 128 فده غير منطقي ومستحيل عمليا

رد: حد يعرف ايه الفيات 128 يافا او الأسرائيلى

ركبت مرة تاكسي وكانت العربية فيات 128 وكان حالتها حلوة قوي وصاحبها مهتم بيها لاقصى درجة فسألته لاني كنت محتاج اشتري عربية 128 وقتها فقالي دي صناعة اسرئيلية افتكرته بيهزر حلفلي بكده وقالي انها نادرة جدا فمصر وعددهم يتعد على اصابع اليد الواحدة وانه مهتم جدا بال 128 وعارف جميع موديلاتها وبيحبها جدا ههههههه
بعدها بفترة لقيت واحد علنت عامل اعلان عن 128 اسرائيلي الناس هزأته رايح كاتب عليها مواصفات خاصة هههههه
وبالصدفة قابلته فالسوق عارضها هيا زي ال 128 بتاعتنا من برة انما الحوض بتاعها فيه سندان حديد كده قافل علموتور وكان واقف معاه شيخ بيتفرج عليها وانا رحت قلتله مش دي الاسرائيلي ههههههههههه الشيخ كان هيقتله بس جت سليمة
:HAPPY_~211:

رد: حد يعرف ايه الفيات 128 يافا او الأسرائيلى

انا متهيألي انكم تقصدوا 128 .I.A.V.A بس ديه أوربي
يمكن اسرائيل بعد ما احتلت سينا اشتروا كام عربية يتمشو بيها في سينا واحنا في 73 لاقيناهم واللي لاقي عربية قفشها وقال ديه 128 إسرائيلي. وهيا اصلا سيناوي ......هههههه
انا اعرف 28 إيطالي
واللي كانت نصر بتصنعها مع يوغسلافيا
لاكن إسرائيلي
طب سؤال هو في نجمة داود مرسومه علي علبة الشكمان ؟؟؟؟؟

رد: حد يعرف ايه الفيات 128 يافا او الأسرائيلى

هل النوع دة اصلا موجود فى مصر ؟؟؟؟
اصل اللى اعرفة كويس ان اسرائيل لا تسير سيارات قبل موديل 1988

رد: حد يعرف ايه الفيات 128 يافا او الأسرائيلى

اقتباس:

المشاركة الأصلية كتبت بواسطة mido_fiat_128 (المشاركة 112065)

فعلا ال 128 نزل منها اسرائيلى ودى بعض الصور ليها
http://www14.0zz0.com/2009/12/16/21/410254275.jpg
http://www13.0zz0.com/2009/12/16/21/432532403.jpg

بس مش صح ان عفشتها عفشة 132 بس الفرق بينها وبين العادية ان الشاسيه بتاعها جامد شوية مش بيفتح بسرعة

دي 128 ارجنتيني ... و جايز يكون المقصود بال128 الاسرائيلي تكون هيا ال ابارث او حاجه .... يمكن تكون نزلت بطنابير 14" زي ال132 ... انما عفشتها عفشه 132 دي لاء .... ال132 جر خلفي و بالتالي السرر الاماميه مفهاش مكان كبالن ... ال128 جر امامي و الكبالن بتركب قدام.. ده طبعاُ غير ان الدريكسيون بنظام ال Rack and pinion في ال 128 و في ال132 علي علبه دريسكسيون
اغلب الظن ان انتو بتتكلموا عن ال 128 الابارث.