مصر موتورز مجتمع السيارات - مشاكل رينو لوجان واسعار قطع الغيار

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - مشاكل رينو لوجان واسعار قطع الغيار (https://www.masrmotors.com/vb/showthread.php?t=13966)

رد: مشاكل رينو لوجان واسعار قطع الغيار

اقتباس:

المشاركة الأصلية كتبت بواسطة محمد مجدى رينوهاوى (المشاركة 100915)

شكرااااااا على معرفة عيوب اللوجان بس انا شايف ان العربية كدة عيوبة مش جامدة اوى ولا حاجة ولو قارنتوها بالسعر بتعاها هاتلاقوها مناسبة جداا ولا اية ؟ptmnlo123per1127
وبالنسبة لاجتماع الفرنساوى دة _ ( يابوب الجامد) _ اية ظروفة انا راشق فية !!!! ptmnlo123per122

محمد باشا انت تنورنا بس اصل مفيش حد من رجالتنا بيجى انا الوحيد اللى باجى ومعايا رينو فقلت نجمع عصابه الفرنساوى كلها عشان نعرف الشباب اننا كتير برضه مش قليلين :HAPPY_~211:

اقتباس:

المشاركة الأصلية كتبت بواسطة عقاري الصوابر (المشاركة 100983)

أخي الكريم أنا عاوز أشوف صورة السيارة لوجان وكم السعر للمانويل والاتوماتيك بس يريت يكون السعر بالضبط أنا بأنتظار الرد/ h_mh_m1963@hotmail.com

سيدى الفاضل اللوجان مفيش منها اوتوماتيك اساسا
المانيوال فول اوبشن ب 66900
(باور-تكييف-سنترلوك-زجاج كهرباء-فوجات امامى وخلفى -كاسيت سى دى-ايرباج للسائق-حليات من النيكل-كمبيوتر رحلات)اعتقد هى دى الاوبشنز اللى فيها ويمكن اكون نسيت حاجه بس انا حاولت اجيب لحضرتك كل حاجه

رد: مشاكل رينو لوجان واسعار قطع الغيار

يا بوب يا جاااااااااااااااااااااااا اامد
انا عندى سؤال ممكن ؟؟؟؟ اعتبر انك سمحتلى اسأل :smileW4:
انا عربيتى لوجان 2010 فول اوبشنز و انا من القاهرة
- اتخبطت فى الأكصدام الأمامى (اتكسر من تحت و اجرح بالعرض جامد و شريط الكروم او النيكل اتجرح و اتقشر جامد و علامة الرينو اتجرحت)
- و ايضا اتجرحت من الجانب الشمال و انا راجع بالخلف حكيت فى عربية و قفة و ليها سن بعرضها (الرفرف الخلفى اتجرح جامد و الباب الخلفى اتجرح جامد و اطبق حتة منة)
- طبعا انا مش مأمن عليها بس نويت أأمن و طبعا بتوع التأمين مش هيحطوا كل الحاجات دة فى التأمين
- انا سألت فى التوكيل لقيتة هيكلفنى كتير جدا فأنا ناوى اصلحها برة بس ياريتك تدلنى على صنايعية كويسة و ممتازة يرجعوها عروسة زى ما كانت و لك جزيل الشكر

يابوب يا جامد والله انا عايز اقولك مشاء الله عليك انت منور المنتدى :clapW15:
انا كنت بفكر في اشتري لوجان بس موضوع الرعشه في القتيس والدبرياج ديه
مقلقاني جداااااااااا و مخوفاني .
وهل العيب ده ممكن يختفي في موديلات 2010 ولا ايه ؟؟
وشكرااا تاني وتالت

رد: مشاكل رينو لوجان واسعار قطع الغيار

اقتباس:

المشاركة الأصلية كتبت بواسطة dola1985 (المشاركة 106425)

ربنا يكرمك يا باشا على كلامك الجميل ده
بس انا احب اقولك موضوع رعشه الفتيس دى كذا واحد قال انها مش موجوده عندهم (من اللى استلموا جديد)
ورعشه الدبرياج دى انا مسعمتش عنها بصراحه والعربيه اللى ركبتها مكانش فيها رعشه فى الدبرياج اساسا
اعتقد لو هى دى الحاجات اللى مخوفاك يبقى تتكل على الله وتجيب العربيه والف مبروك مقدما يا جميل ومتنساش اللفه بتاعتى ptmnlo123per122

رد: مشاكل رينو لوجان واسعار قطع الغيار

اقتباس:

المشاركة الأصلية كتبت بواسطة dola1985 (المشاركة 106425)

فى معظم عربيات اللوجان فيها رعشة فى الفتيس والموضوع دة معروف فى معظم اللوجان وهو حاجة طبيعية فى العربية مش عيب لان الرعشة دى خفيفة اوى زى زغزغة فى ايدك وانت ماسك الفتيس لكن هى لا تؤثر على الاداء ولا العمر الافتراضى للفتيس
رعشة الدبرياج اللى انت بتقول عليها دى مش الدبرياج دة من اكتر مميزات اللوجان دبرياجها خفيف جدا جدا
اللى انت تقصده دى دواسة او بدال البنزين وهى مش رعشة دى زنة خفيفة مش بتسمعها لكن بتحسها برجليك
اخيرا اقولك كلمة واحد الكمال لله وحده ومفيش عربية من غير ملاحظات
واحب اقولك ان العربية دى صفقة رابحة من جميع الجهات وتستاهل كل بريزة تدفع فيها
ولو ناوى عليها صلى استخارة وتوكل على الله وادعيلى
تحياتى لك ولبوب الجامد

رد: مشاكل رينو لوجان واسعار قطع الغيار

والله يا رنجو انت والبوب الجامد ربنا يكرمكم على المجهود الجميل ده

رد: مشاكل رينو لوجان واسعار قطع الغيار

بس العربيه دلوقتى ثبتت نفسها وبقيت منتشره كثير
واتنتظروا منها المزيد ف الايام القادمه ان شاء الله