مصر موتورز مجتمع السيارات - مساعده بعد نص عمره ل مكنه اكسنت 1500 في التليين

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - مساعده بعد نص عمره ل مكنه اكسنت 1500 في التليين (https://www.masrmotors.com/vb/showthread.php?t=121651)

رد: مساعده بعد نص عمره ل مكنه اكسنت 1500 في التليين

السلام عليكم
مش لازم 1000 كيلو المهم ان المحرك يكون ارتاح وعندما تبطل الموتور يكون مش بيبطل بقفش انما يكون اخذ كل الخلوصات اللازمه
والله المستعان

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة borio1704 (المشاركة 935524)

أنا آسف... ما أخدتش بالي من الموضوع ده...

عموما.. الاحتياط واجب.. وفكرة التليين أساسا مش في عدد الكيلومترات .. إنما في الوقت اللي هتاخده الأجزاء الجديدة لحد ما "تطبّع" على بعض... يعني تتآكل من الأماكن اللي فيها احتكاك أكتر من غيرها، بطريقة تخليها تشتغل أحسن.

أنا رأيي تروح تربط الموتور بعد 200 كيلو زي ما قالك الميكانيكي.. بس تصبر شوية على موضوع التليين ده وترفع الحد الأقصي للـRPM بالتدريج... بحيث كل 100 كيلو تزود 500 RPM... وكده ممكن تحرق على الموتور بعد من دلوقتي 500 كيلو.

...

الف الف الف شكر..... للاحتياط برضو هستني لحد مكمل 300 كيلو و اربط و اغير زيت و احط ف الردياتير مزيل للصدا .... و تاني يوم هاغير دوره المياه و احط بقي مقتوم للصدا و مياه خضرا ف المكنه ... و انا بحط زيت شل 3000 .... الميكانيكي قالي كولو مغشوش ...خليط ف الالف و غير ع الاف احسن

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة savant (المشاركة 935599)

لو جبت زيت مضمون.. ممكن يقعد في العربية 10 آلاف كيلومتر على الأقل... بس المهم تعرف إيه المناسب لعربيتك

لو عايز تعرف أكتر عن كيفية اختيار زيت الموتور... ادخل على الموضوع ده:
قواعد اختيار زيت الموتور.. إزاي تعرف الزيت المناسب؟؟؟

...

رد: مساعده بعد نص عمره ل مكنه اكسنت 1500 في التليين

الف الف شكر و ربنا يكرمك ان شاء الله .... سؤال بالنسبه للقربه بتاعت المياه .... لو ملتها للاخر .... و العربيه اشتغلت ... بتسقط المياه الزائده فيها

رد: مساعده بعد نص عمره ل مكنه اكسنت 1500 في التليين

اقتباس:

المشاركة الأصلية كتبت بواسطة savant (المشاركة 936411)

القربة في معظم العربيات الياباني والكوري معمولة علشان تحوش فيها المية اللي بتطلع من الرادياتير لما يسخن... عشان لما يبرد يرجع المية دي تاني والمية ما تنقصش.

اللي بيحصل إنه المية لما بتسخن بتتمدد (زي أي حاجة بتسخن) .. وكمان بيتولد ضغط عالى جوه دايرة التبريد... ولو فضلت المية بالوضع ده ممكن يحصل تسريب من أضعف نقطة في الدايرة.

عشان كده غطاء الرادياتير بيتعمل فيه سوستة تسرب الضغط الزائد (ومعاه شوية بخار ميه) ويتحوش كل ده في القربة.

وبعدين لما العربية تبرد.. ضغط الميه بيقل ويبدأ يشفط من القربة، والمية اللي طلعت ترجع تاني.
http://www.sweethaven02.com/Automotive01/fig0613.gif http://oljeep.com/rad/FSJRadiatorsan...s/image010.jpg

في الحالة دي... المفروض المية ما تنقصش في الرادياتير، إلا إذا كان عندك عيب في غطا الرادياتير أو في تسريب في الدايرة.

عشان كده... تزويد المية من القربة يعتبر مالوش لازمة... لإن عندك غطا مستقل للرادياتير... بس أوعى تنسى إن تزويد المية يبقى والعربية باردة بس.... إنما لو العربية سخنة ... ممكن تزود من القربة... بس المية بردو مش هتدخل إلا لما الموتور يبدأ يبرد.

غطا القربة في العربيات اللي فيها غطا رادياتير مهمته هي مجرد الحفاظ على المية إنها تخرج من القربة أثناء حركة العربية ويقلل من التبخر العادي اللي بيحصل لو سبنا القربة مكشوفة.

إنما في العربيات اللي مافيهاش غطا رادياتير، فغطا القربة مهمته الحفاظ على الضغط داخل دايرة التبريد، ويعتير بديل غطا الرادياتير.

حافظ دايما على المية في القربة بين الـMIN والـMAX... وأي مية زيادة عن الـMAX مالهاش أي لازمة لإن الفراغ اللي فوقيها معمول عشان يستوعب المية اللي بتطلع من الرادياتير، واللي المفروض ترجع الرادياتير تاني بعد ما تبرد.

...