|
رد: اصلحها ولا ابيعها ولا اولع فيها واريح نفسى .. مستنى رايكم ...
الف الف مبروك على العفشة الجديدة
وانا حاسس ان العربية هاتطلع زى الفل بامر الله بخصوص اسعار البضاعة انا شايفها معقولة جدااااااااااااا اما المصنعية لو على اد شغل العفشة يبقى كتير اوى بصراحة ..........انما ممكن يكون داخل فيهم شغل السمكرة لحامات وزراجين يبقى برضة المصنعية مقبولة فى حدود المعقول لو ينفع والموتور برة الحوض تشوف لو فية حاجة بتجيب زيت او ما شابه يا ريت تعملها بالمرة عشان الشغل فى الموتور وهو برة اسهل بكتير اوى وما تنساش لما تركب الموتور فى العربية تزود زيت فتيس لانة اكيد قل عن الطبيعى ربنا يوفقك يا رب |
رد: اصلحها ولا ابيعها ولا اولع فيها واريح نفسى .. مستنى رايكم ...
اقتباس:
فى البداية بعتذر انى اتصلت بيك فى وقت غير مناسب بس انا كلمتك اكتر من مرة على مدار اليوم فى اوقات مختلفة وكان تليفونك اما مقفول او مش بيرد فقلت اجرب اكلمك متاخر شوية كانت 11 وتلت بس للاسف كنت نايم . الله يبارك فيك ياباشا يارب تطلع كويسة بقى انا تعبت ... اه ياباشا المصنعية شاملة تركيب الركبتين والقنطرة واللحامات والزراجين والشبلونة والعفشة وانا بركب الموتور هركب كوتشتين زيت للكبالن جداد علشان ميكنش فى اى تسريب باذن الله وهخليه يبص على الدربوكس برده لو فيه حاجة بتجيب زيت وهجيب اسطوانة وديسك وبلية فاليو باذن الله وهخليه يركبهم وكمان سلك دبرياج بالمرة علشان موجعش دماغى . وهخليه يبص على قواعد الموتور والفتيس علشان لو فى اى حاجة قبل ما نركب وبكره باذن الله الصبح قبل لما اروح للميكانيكى هدهن الركبتين واللحامات بالانتركوت علشان احافظ على الشغل الى عملته . وبعدها اطلع على الميكانيكى اركب الموتور واشغل العربية وازود زيت فتيس واظبط زوايا امامى علشان اتاكد من الشغل وبعدها بقى ابقى اطلع على السمكرى ولما اخلص معاه هرجع للعفشجى تانى علشان يعدل العجلتين الى ورا ويظبطهم واظبط زوايا تانى ورا وادام وبعدها اركب التابلوه واظبط الكهرباء وبعدها اروح ارش العربية كلها من تحت بالانتركوت والتجويف بتاع الاربع عجلات وبعدين اركب كفراتهم وبعدها اروح للسروجى اقفل باقى العربية . بس فى حاجة غريبة بعد لما غيرت العفشة والقنطرة والركبتين العربية بقت عالية اوى من ادام والعفشجى بيقولى لما الموتور هيركب هتنزل .. ربنا يستر .. وفى النهاية بشكرك على وقتك واهتمامك . |
رد: اصلحها ولا ابيعها ولا اولع فيها واريح نفسى .. مستنى رايكم ...
اقتباس:
لما الموتور هايركب العلو هايقل ويرجع طبيعى تانى ومع مطبين تلاتة كولة هايبقى تمام |
رد: اصلحها ولا ابيعها ولا اولع فيها واريح نفسى .. مستنى رايكم ...
اقتباس:
انا الى مزاولنى دلوقتى انى قالب الدنيا فى اسكندرية على ديسك واسطوانة فاليو كورى اصلى . لقيت الديسك بس مش لاقى الاسطوانة مفيش غير ايطالى وتركى تنصحنى بايه ؟ كمان البلية وسلك الدبرياج ايطالى .. شغالين ولا فى احسن ؟؟ علما بانى لازم المفروض انزل اشتريهم خلال ساعات من الان فارجو سرعة الرد شكرا مقدما |
رد: اصلحها ولا ابيعها ولا اولع فيها واريح نفسى .. مستنى رايكم ...
الفاليو مش كورى
خليك فى التركى لانة مش بيتقلد الناس بتقلد الايطالى والالمانى انما هايقلدو التركى لية مهو اصلا متقلد فى نوع تركى جيد اسماه مابا MAPA دة كويس لو لقيتة |
رد: اصلحها ولا ابيعها ولا اولع فيها واريح نفسى .. مستنى رايكم ...
اقتباس:
لكن للاسف ملقتش غير ايطالى ودى البضاعة الى جبتها ديسك فاليو كورى 170 جنيه اسطوانة ايطالى 80 جنيه بلية ايطالى 45 جنيه سلك دبرياج ايطالى 20 جنيه 2 كوتشة زيت للكبالن 40 جنيه ( حاسس انهم كتير بس الراجل قالى فى الواحدة ب 10 وب 15 وب 20 ) المهم انا قولت اغير مجموعة الدبرياج كاملة علشان مزاولش نفسى بعد كده وغيرت كوتشتين الزيت اضمن برده مع انى كنت لسة مغيرهم قريب والله والميكانيكى قالى ان عمل جلبة للفورش عند الخراط لان كان فيه مشكلة وبيكسر الديسك ودلوقتى فى انتظار التقفيل والنتيجة .. وربنا يستر .. انا خايف اوى بعد كل الى عملته ده البس فى الحيطة :01AD96~139: |
رد: اصلحها ولا ابيعها ولا اولع فيها واريح نفسى .. مستنى رايكم ...
نفسى اعرف اية اخبارك
بجد موضوعك يهمنى لانى بالصدفة لقيت موضوعك فى منتدى تانى وانا هاقتبس رد الاخوة الاعضاء هناك فى مشكلتك وطبعا مغاير لما قمت بعملة يا ترى مين فينا اللى صح بس الاول نشوف الردود اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
|
| الساعة الآن 03:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017