مصر موتورز مجتمع السيارات - ترجوا من الخبراء عمل موضوع عن طريقه معرفه العربيه فابريكه دواخل ام لا بالصور

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: ترجوا من الخبراء عمل موضوع عن طريقه معرفه العربيه فابريكه دواخل ام لا بالصور

جزاك الله خيرا و بارك لك و حفظك

رد: ترجوا من الخبراء عمل موضوع عن طريقه معرفه العربيه فابريكه دواخل ام لا بالصور

اقتباس:

المشاركة الأصلية كتبت بواسطة محمدصلاح القاضى (المشاركة 803056)

مش مشكله يا حبى :01FDAB~189::fun_36_3_13[1]:

المهم اننا نوعى الناس

وربنا يجعله فى ميزان حسناتنا

:fun_15_8_204[1]:سوقسوق:CHUBBY~36::1497EA ~150::140109~347::fun_36_ 3_10[1]::286::fun_36_1_39[1]::fun_36_3_9[1]::Wkiss5::GROWIN~12::GROW IN~12::GROWIN~12:

رد: ترجوا من الخبراء عمل موضوع عن طريقه معرفه العربيه فابريكه دواخل ام لا بالصور

بارك الله فيك
موضوع ممتاز ومفيد لان اغلب الناس مش خبره قوى فى فرز العربيات
وبالنسبه لموضوع انك تجيب ميكانيكى وعفشجى وبويجى اللى معندهمش ضمير كتير وبيحاولوا يخلصوا لك العربيه علشان يفضوا لشغلهم ووالله شوفت بوهيجيه كتير عينيهم بتعدى على اجزاء رشه فى العربيه ويقولولك فبريكه يابيه

وفيه بعض اجزاء مهمه جدا فى فرز السياره من الخارج
لمشترى العربيه اثناء فحصها يجب ان يقف اما العربيه على كل جنب ويمرر اليصر بعينيه من صدر العربيه الى الشنطه من كل جانب وملاحظه السوك بجانب العربيه ومدى انتظامه وفروق الابواب يجب ان تكون متساويه والنظر على سقف العربيه وملاحظه اى انبعاج وطبعا بيكون انبعاج خفيف جدا ولو موجود بيظهر ان العربيه اتشدت على زرجينه قبل كده
وايضا النظر لبرواز زجاج السياره الامامى مثلا وملاحظه المسافات بين البربريز وجسم السياره هل المسافات متساويه أو لا
ولاكتشاف رش العربيه الخارجى لو صاحبها يدعى انها فبريكه
محتاجه نظر قوى لو العربيه معموله صح
اول شىء النظر لكاوتش الابواب الخارجى بتاع الزجاج وملاحظه هو مفكوك قبل كده ولا لا
وملاحظه اى اثار للبويه او الورنيش عليه والتركيز ايضا على مسامير الرفارف من الداخل عند قايم الباب الامامى وملاحظه آثار الفك والربط فيها
والاهم اكيد المعجون بيعمل بعض النتوءات الخفيفه جدا نمشى بالنظر مع الضوء لاعلى واسفل لنكتشف هذه النتوءات الخفيفه والدهان والونيش لايستطع ملئها وايضا وجود اى تسييل ولو خفيف جدا من البويه او الورنيش
وفحص طاره العربيه (الدريكسيون) وملاحظه تكامل دورانه لاى اى اعوجاج ولو صغير فيه يبين ان العربيه عامله حادث
ومهم جدا ملاحظه صدر العربيه من الداخل هل هناك اى آثار للحام فى الشاسيه الامامى ونفس الموضوع مع الشنطه
ويارب ابعد عنا الغشاشين

رد: ترجوا من الخبراء عمل موضوع عن طريقه معرفه العربيه فابريكه دواخل ام لا بالصور

tarek/

AHLNWSHALNAHLNWSHALNAHLNW SHALNAHLNWSHALN

رد: كيفيه فحص سياره مستعمله

الموضوع جميل بجد وانا استفدت منه اكتر ما اى حد يتخيل علشان نازل ان شاء الله اشترى عربيه دوجان ادعولى بالتوفيق بقى وربنا يبعد عننا الغشاشين يارب .

ربنا يباركلك يا استاذ محمد :CHUBBY~36:

رد: كيفيه فحص سياره مستعمله

اقتباس:

المشاركة الأصلية كتبت بواسطة bosa_50 (المشاركة 807091)

اهم حاجه فى الدوجان

الات الجر ( الفتيس & الكرونه & الكردان )
الموتور
الصاج
العفشه
الصالون

دول لازم تتأكد منهم بنفس الترتيب

رد: كيفيه فحص سياره مستعمله

اقتباس:

المشاركة الأصلية كتبت بواسطة محمدصلاح القاضى (المشاركة 800583)

حضرتك اولا بتحدد ايه نوع العربيه المناسب ليك من خلال الميزانيه والسعر وبعدين بتروح تتفرج عليها

اولا حضرتك بتفتح الكابوت وتبص على مكان ركبة المساعد لانه اخطر مكان فى العربيه لو حصل فيه خبطه مش بيرجع زى الاول
ودول صورتين بيبان فيهم استوكات الفبريكه ( يعنى معجون الفبريكه ) ودا اللى بيميز العربيات السليمه عن العربيات المشمومه
كدا اول حاجه تمام http://a7lashare.com/viewimages/e107ce2dd1.jpg

http://a7lashare.com/viewimages/98dd61a530.jpg

تبص على صدر العربيه يا اما هتلاقى استوكات برضه او هتلاقى الصدر راكب بمسامير ودا صعب يتعرف شويه عن الاستوكات وهتلاقى لوحه صغيره معدن مكتوب فيها بيانات العربيه

ودى صورتها http://a7lashare.com/viewimages/521718a970.jpg

كدا تانى حاجه تمام

تبص على استوكات الكابوت بالمره واللون بتاعه مطابق للون الحوض ولا تحس انه جديد وتشوف الفليتو ( عباره عن شريط من المعجون بتعمل بمكن مخصوص )
اللى على اطراف الكابوت من جوه

http://a7lashare.com/viewimages/27d4ab8800.jpg

كدا برضه تالت حاجه زى الفل
كدا بدأت الشكوك فى الزوال

لكن لسه باقى برضه

هتفتح الشنطه
وتشيل
الموكيت
وتطلع الاستبن وتشوف مكانه فى اى عيب او اثار لخبطات ولا ايه ولو لقيت اى عوازل فدا بيقول ان العربيه على ابوها فبريكه

ودى صوره بتبين المكان http://a7lashare.com/viewimages/13c403dae9.jpg

http://a7lashare.com/viewimages/09b0a98379.jpg

http://a7lashare.com/viewimages/a9b56f29fa.jpg
رابع حاجه زى الفل

وبعدين تشوف غطا الشنطه والفليتو اللى بيبقى على اجناب الشنطه من جوا
ودى صوره .http://a7lashare.com/viewimages/2964c8a206.jpg

وكدا عال العال اوووووووى

ممكن تشوف بقى القوايم وقفل وفتح الابواب كدا تمام اوووى

تاخد العربيه على البنزينه وترفعها وتبص عليها من تحت
لازم تلاقى طبقه الانتر كوت ( البلاك ) كلها لمعه واحده يعنى مش حته جديده وحته قديمه والا تبقى العربيه كان فيها برومه واترقعت
ودى صوره بتوضح الكلام دا
http://a7lashare.com/viewimages/d62ebc2711.jpg

وبعدين تبص على اجزاء العفشه ومدى تجانسها مع بعضها يعنى مفيش حاجات متشعلقه فى الهوا
او مش مربوطه كويس جميع احزاء الكاوتش المغطى لاجزاء من العفشه مدى سلامته
ودى صوره بتوضح اجزاء من الكاوتش

http://a7lashare.com/viewimages/cc06598ffa.jpg

http://a7lashare.com/viewimages/3bd56a84ca.jpg

طبعا بعد كدا لازم تبص على اهم حاجه ان مفيش خبطات فى اى جزء من اجزاء العربيه من تحت
زى الخبطه اللى فى الصوره اللى جايه ودى فى علبه من علب الشاسيه وهى مهمه جدااا
http://a7lashare.com/viewimages/a7d5f56555.jpg

طبعا لو العربيه مش راشه برا
فى طريقه يقولك ان فى فرق فى الصوت بين الاجزاء اللى عليها معجون وبين الفبريكه لما تنقرها بطرف صباعك وفى طريقه بتاعت الجهاز
ودى ثالث طريقه و تبقى لازم يكون معاك مسمار رفيع ودى طريقه انا بفضلها شخصيا
طالما خلاص هتشترى يبقى تجيب المسمار وتقوم واخد خدش بسيط لمسافه لا تتجاوز 1/4 سم
فى الرفارف والكابوت والشنطه والابواب بس فى اماكن بيكثر فيها الخبطات
يعنى مثلا فى شفه الكابوت ووش الشنطه ونص الباب والرفرف
انا عارف انها بتبقى مش كويسه لكن بتكشف اذا كانت العربيه راشه برا ولا لا

وبعد كدا بتشكف على حاله الموتور ودى طبعا بتختلف من شخص لاخر
يعنى انا بطلع اجرب العربيه واحسب العربيه بتجمع ال 100 كيلو فى كام ثانيه وهل الزمن المستغرق عادى ولا مقلق
كمان اشد بالعربيه واحرق الغيار واقم ناقل من الخامس لتالت واسيب دبرياج لو العربيه كنت وصوت الموتور على يبقى اسطوانه الدبرياج مظبوطه والات الجر شغاله بكفائه
والملفات والفرامل
وطبعا التكيييييييييف ودا اهم حاجه موجوده حاليا لازم تكون شغاله بكفاءه لان الجو عندنا اصبح شبيه بدول الخليج

فى حاجه عاوز اقولكم عليها
وهى ان العربيات اللى جايه صنع بلدها زى فيات والجالينا واى عربيه جايه استيراد كامله من بلدها
يبقى مكتوب سنه الصنع على الازاز كله
ودى صوره بتوضح الكلام دا http://a7lashare.com/viewimages/ad86ca370a.jpg

فلو عربيه معاليك موديل ال 2000 تبقى مكتوبه مثلا 4.... يعنى موديل 2004 لكن لو لقيت اختلاف فى الارقام مع سنه الصنع فى بعض الازاز يبقى متغير

تاخد العربيه وتقوم عامل لها طقم سيرفرس كامل بوجيهات وسيور وفلاتر وزيوت

بعد دا كله مبروك الف مبروك معاك عربيه تستاهل كل مليم دفعته فيها

يارب اكون فيدتكم ولا تنسونى بصالح الدعاء

ماشاء اللة بارك اللة فيك شرح وافي ومجمع