رد: محاولة اصلاح الفتيس
 

ربنا يكرمك و يعزك و كل سنة و حضرتك طيب
انا بحاول اعمل الحاجة الى اقدر عليها بنفسى .... و اشتغل بمزاج
بص يا باشا
اى حاجة بتعتمد عبى الفكرة الى فى الصورة دى تسمى راتشيت

http://i49.tinypic.com/28untrb.jpg

زى مفاتيح الراتشيت .... الى انا استخدمته حزام راتشيت .... زى الى بيستخدموه عربيات النقل احيانا فى تثبيت الحمولة عليها
http://i50.tinypic.com/2n7i0xh.jpg

جبته من شارع الجمهورية بـ 50 جنيه .. الراتشت الصغير زى الى فى الصورة
فيه كمان الراتشيت الكبير ...اسف مش فاكر تمنه كام
استخدمته فى شد الفتيس ناحية الموتور

ده شكل المكبس الهيدروليكى
http://i46.tinypic.com/i2j48g.gif

و ده بيكون فيه بستون زى الكوريك الهيدروليك الى بتستخدمه العربيات النقل الكبيرة
حضرتك تروح عند خراط و تقوله انا عاوز اكبس التروس علشان اطلعها من على الاكس
و لازم تتعمل على مكبس ..... اوعى حد يقولك تطلع بالطرق عليها بالشاكوش
مش كل الخراطين عندهم مكبس ... و بصراحة انا معرفش حد تانى ممكن يكون عنده مكبس غير الخراط

ان شاء الله انا حروح لحداد نضيف حخليه يعملى هيكل المكبس ... و اشترى كوريك هيدروليك 30 طن و اخليه يثبتهولى فى الهيكل

قطع الغيار جبتها من محل قطع غيار سيارات .... لو ما كنتش لقيت ... كنت حروح لحد بتاع فتايس او بتوع الاستيراد

انا مستخدمتش شحم كتير .... حكيت شوية شحم خفيفة على البلى علشان بداية الحركة قبل ما احط زيت الفتيس
فى التركيب ... استخدمت زيت خفيف علشان التروس تتحرك بسهولة على الاكس
و المفروض ان الخراط يحط زيت و هو بيكبس التروس

الادوات المهمة
العدة العادية .... طقم لقم ....عتلة صغيرة ... مطرقة كاوتش او بلاستيك
و نفعنى جدا ونش زرافة
http://i48.tinypic.com/283sdt.jpg
و ده عند بعض الميكانيكية .... من غيره مكنتش حقدر اركب الفتيس

عمود الدرك ... ده العمود الى بيركب فى الاسطوانة و بيوصل الحركة للتفيس
الاكس .... اى محور بيلف و بيركب عليه تروس و بلى و اويلسيلات ... الفتيس فيه 3 اكسات .... عمود الدرك بيركب على اكس مجموعة الادارة .... و فيه اكس تانى بيسموه الشجرة
بلية الدرك .... هلى بلية الى بين عمود الدرك و بين جسم الفتيس
الغوايش .... و دى الى بتعشق فى حاجة اسمها فول عن طريق مشقبيات فى الغويشة .... فتمكن من نقل الحركة من الاكس للترس .... و بتتعمل نحاس علشان لو فيه تحميل خاطئ او احتكاك خاطئ النحاس هو الى يتاكل .... و التروس الحديد تفضل زى ما هى

فول التعشيق .... قوالب صغيرة مستطيلة الشكل الى الغوايش بتعشق فيها و بيكون فيها سوستتين من الناحيتين

انا تحت امرك لو حضرتك حبيت تسأل عن اى حاجة تانية :THUMBS~220:

رد: محاولة اصلاح الفتيس
 

رد: محاولة اصلاح الفتيس
 

الشكر لله وحده
ان شاء الله مش حتحتاج تفك الفتيس ..... و لو احتجت .. استخير ربنا و اتكل على الله

اسمحلى اقول لحضرتك على شوية حاجات صغيرة انا عانيت منها جدا و انا شغال :-

1- لازم متشتغلش لوحدك .... يكون فيه حد بيساعدك
2- احرص على تامين نفسك و انت شغال ..... بمعنى ... متنزلش تحت الفتيس بعد ما تفكه لانه ممكن يقع عليك ...... ححتاج تحط ايدك تحت التروس و انت بترفع الاكس .... امن نفسك ان صوابعك ممكن تتحشر ... صوابعى ياما اتحشرت ddd:
3- حافظ على كل حاجة و حاول تكون منظم .... انا ضيعت مسامير كتير علشان كنت بسيبها على الارض ... اجى بعد كدة ادور عليها مش بلاقيها
4- حاول تنظف اى جزء كويس قبل ما تشتغل فيه .... المفروض انى كنت اروح اغسل العربية من تحت علشان الفتيس كان مليان زيت من تحت ..... يومها انا استحميت بالزيت الى على الفتيس

ربنا يوفقك :fun_36_1_39[1]:

رد: محاولة اصلاح الفتيس
 

شكرا ليك اخي احمد ما انا برضو قلت لك بلية الدرك هيا المشكلة
وربنا يتمم بخير وتكون اخر الاعطال
وشكرا علي سردك لهذا الموضوع

http://www.masrmotors.com/vb/showthr...t=99286&page=4
http://www.masrmotors.com/vb/showthr...t=99286&page=5
علي فكرة الفتيس بتاعك دائم التعشيق

رد: محاولة اصلاح الفتيس
 

عمرو باشا ده انت الخير و البركة
حضرتك الى شجعتنى فعلا و خليتنى افك الفتيس ..... لولاك انا ماكنتش فكيته و لا قربتله

تحياتى :danceW7:

رد: محاولة اصلاح الفتيس
 

:pod_of_gold:yesyesGIFT4U :playing_music:444546:fun _36_3_1[1]:

رد: محاولة اصلاح الفتيس
 

تسلم ياباشا