مصر موتورز مجتمع السيارات - معلومات عن الكاوتش و الجنوط 5

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

- - معلومات عن الكاوتش و الجنوط 5 (https://www.masrmotors.com/vb/showthread.php?t=100097)

رد: معلومات عن الكاوتش و الجنوط 5

اقتباس:

المشاركة الأصلية كتبت بواسطة د.شاهندة (المشاركة 863706)

سلام عليكم ورحمة الله وبركاته

فعلا موضوع مفيد جدا شكرا جزيلا عليه

انا معايا عربية كانشيل 98
مقاس الكاوتش الحالى 145 او 155/70/12
كنت عايزة اعمل جنوط سبور اكبر شوية واجيب كاوتش جديد اعرض
ياترى ايه انسب مقاس للجنط والكاوتش الجديد من غير ماياثر على العفشة ولا ثبات العربية
والموضوع دة ممكن يتكلف كام
وايه افضل مكان

حضرتك يا ريت تجيبي مقاس الكاوتش الأصلي اللي مكتوب علي قايم العربية بجنب باب السواق عشان نجيب حاجة قريبة منه و ما نبعدش عن المقاس الأصلي كتير.
بعد ما نستقر علي المقاس ان شاء الله هبعت لحضرتك لينك علي الفيسبوك تجيبي منه الأسعار بالظبط.

رد: معلومات عن الكاوتش و الجنوط 5

اقتباس:

المشاركة الأصلية كتبت بواسطة svneleven (المشاركة 864387)

145/70/12
دة المقاس الاصلى
ياترى ايه انسب مقاس للجنط السبور والكاوتش الجديد؟؟
فى انتظار رد حضرتك

رد: معلومات عن الكاوتش و الجنوط 5

اقتباس:

المشاركة الأصلية كتبت بواسطة د.شاهندة (المشاركة 865316)

145/70/12
دة المقاس الاصلى
ياترى ايه انسب مقاس للجنط السبور والكاوتش الجديد؟؟
فى انتظار رد حضرتك

155/65R13 هو أنسب مقاس لو تحبي تكبري الجنط لكن العربية هتعلي حوالي 12 مم و ده هيأثر شوية علي الثبات و كمان عداد السرعة لو قاري 100كم/س هتكون العربية ماشية بسرعة 104.7 كم/س و المشكلة أن المقاسات اللي تناسب العربية مش موجودة بكترة خصوصا في مصر. يعني كان نفسي أقول لحضرتك دوري علي 155/60R13 ده هيعلي العربية حوالي 4.2 مم فقط يعني معقول جدا و مش هيأثر علي الثبات خالص ان شاء الله لكن أشك أنك تلاقيه. أخر الكلام أنصح حضرتك لو مش عاوزة تجازفي و تجيبي أول مقاس أنك تجيبي جنط سبور زي اللي في عربيتك بالظبط هيظبط الشكل و يبقي الأداء كما هو عليه.

رد: معلومات عن الكاوتش و الجنوط 5

موضوع ممتاز و شجعنى على قراءة باقى الاجزاء للاستفادهROSE4U

رد: معلومات عن الكاوتش و الجنوط 5

byd2012 ملاكى المقاس الاصلى195/60/15..ومركب غاز اسطوانة 70
افضل مقاس ليها للثبات فى المنحنيات..ومايوطيش العربية اوى..ولكم الشكر
وياريت نوع الكاوتش بس على نفس الجنط لو سمحت..لان الجى تى الصينى اللى فيها ناشف فى المطبات
وعامل 33 ألف من الزيرو ولكن هاغيرة..وشكرا لمساعدتك..

رد: معلومات عن الكاوتش و الجنوط 5

اقتباس:

المشاركة الأصلية كتبت بواسطة ابوجنى2112 (المشاركة 868382)

205/55R15 أنسب حاجة هيوطي العربية 4.25مم تقريبا هتحس بفرق جامد في الثبات لكن العربية هتوطي بشكل ملحوظ. أنصحك تجيب نفس المقاس الأصلي ماركة محترمة و هتحس بفرق معقول في الثبات بدون التضحية بارتفاع العربية.

رد: معلومات عن الكاوتش و الجنوط 5

جزاك الله خيراً