مصر موتورز مجتمع السيارات - نفسى اشترى عربيه اختار ايه جاك a10 ام اسبرانزا a113

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - نفسى اشترى عربيه اختار ايه جاك a10 ام اسبرانزا a113 (https://www.masrmotors.com/vb/showthread.php?t=98519)

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة abo-gamal (المشاركة 767434)

اولا ربنا يوفقك للاختيار الصحيح
ثانيا نصيحتى ليك ابعد عن السيارات الصينى دلوقتى نظرا لوجود عيوب تصنيع كتير بها بالاضافة الى تدنى ورداءة الخامات المستخدمة ( وده راي الناس الخبراء )
ثالثا خليك فى المضمون يعنى ممكن تجيب حاجة كويسة مستعملة بهذا المبلغ او تدفعه مقدمة سيارة والباقى بالتقسيط

واسف للاطالة .... ده مجرد رأي ومن غير زعل

تمام كلامك يا ابو جمال بس انا مش بحب نظام التقسط لأن انا ناوى اشترى حاجه تقعد معايا سنتين او 3 بالكتير اوى بعدين لما ربنا يكرم هيغيرها

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة aboomar22 (المشاركة 767413)

اول مره اشوف ال جاك من يومين بس امام جامعة القاهرة هى شبة ال بى واى دى f0 شوية بس لاحظت حاجة غريبة علبة الشكمان تحت الاكصدام بطريقة بايخة قوى يعنى اظن لو حد راكب معاك ورا ومع مطب عالى شوية اكيد العلبة هتخبط وممكن تنكسر اما عن الموضوع بصراحة مركبتش اى عربية فيهم لكن عموما فيه نقتطين موتور الاسبرانزا 1300 طبعا يفرق كتير عن موتور 1000 حتى فى التكييف هيفرق ثانى نقطة الانتشار ولينا فى العربية الفلاير عبرة وموديلات كتير نزلت ولو تنتشر ولم نراها مرة اخرى خليك فى امنتشر حتى لو حبيت تبيعها علشان تغير هتبقى اسهل

طيب رأيك ايه فى العربيه ال بى واى دى F0 ??

رد: نفسى اشترى عربيه اختار ايه جاك a10 ام اسبرانزا a113

السلام عليكم و رحمة الله

بص يا أستاذ محمد العربيه الأسبرانزا 113 بأمانة ربنا ممتازه و دى عن تجربه هو أنا لسه شاريها من شهر 5 اللى فات و عملت بيها ما شاء الله لغاية دلوقتى حوالى 9000 كم لأنى بروح بيها العاشر من رمضان يومياً , العربيه هى فيها عيبين بالنسبه لى أن التكييف بتاعها ضعيف شويه و ناشفه شويه بس بسم الله ثابته على الطريق و بتسحب كويس و العربيه من جوه ما شاء الله أكثر من ممتازه و فيها أوبشن أكثر من مثيلتها و الموتور بتاعها معقول جداً فى قوته كمان هى موفره فى البنزين بشكل معقول جداً يعنى خارج الزحمه اللتر بيعمل حوالى 13.5 كم أما داخل البلد عمل معايا حوالى 10كم .

كمان فيه عيب تانى فى العربيه أن مركز الخدمه اللى أنا جربته زباله و هو المركز اللى فى جسر السويس .

و بأمانة ربنا أبعد عن المستعمل الا أذا كان من أول يد و من حد تعرفه و تعرف أستخدامه و ربنا يوفقك الى ما فيه الخير .

و عموماً أسأل و ما تأخدشى كلامى مسلم به و قبل ما تسأل أستخير ربنا .

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة mohamed_1_samy (المشاركة 765844)

السلام عليكم اول مشاركه ليا فى المنتدى

اتمنى اكون خفيف عليكم

كان عندى سؤال لو سمحتوا اريد شراء عربيه

بحيث يكون سعرها مناسب وتكون قطع غيارها متوفره ورخيصه

اتمنى تساعدوني فى الأختيار انا امام انواع كثيره وكلها صينى واريد اختيار الأفضل من حيث المواصفات والثمن والصيانه وقطع الغيار

الأنواع هي :
.................

اسبرانزا a113

جاك a10

BYD F0

جيلى باندا

اتمنى تساعدوني فى الأختيار وهل يوجد سياره هاتش باك فى الفئه السعريه ديه 50000

بس اهم حاجه قطع الغيار تكون متوفره ورخيصه والعربيه تكون الأفضل فى فئتها

بص يا ريس الاهم من العربية قطع غيار العربية

يعني اكيد مش هتشتري عربية زي الجاك ومتلقيش قطع غيارها خارج التوكيل واوقات كتتتتتتتتتير مش هتلاقيها في التوكيل
ولذااا لا قدر الله عملت حادثة احتاجت شوية قطع غيار تروح للتوكيل يقولك رقم فلللللكي وسيادتك مجبر انك تدفعه عشان متركنش العربية
لكن لو قطع الغيار متوافرة خارج التوكيل هتلاقي الحياة حلوة و ولو العربية منتشرة هتلاقي صنايعية بيفهموا في صيانتها

فارجوك ابعد عن الجاك وغنيلها وال byd اللي حضرتك قاصدك عليها لسه منتشرتش فبلاش

رأيي خليك في الاسبيرانزا a113 وريح دماغك هتلاقيلها قطع غيار في كل حتة وهتلاقي صنايعية يفهموا فيها

مرة كمان خلي بالك من فخ قطع الغيار
:CHUBBY~36:

رد: نفسى اشترى عربيه اختار ايه جاك a10 ام اسبرانزا a113

اقتباس:

المشاركة الأصلية كتبت بواسطة عصام الجارحي (المشاركة 766956)

الاسبرانزا a113 منتشرة جدا جدا
يمكن اكتر عربية في الاسبرانزا انتشارا بعد 516
ومش عايز اقول هي اكثر انتشارا من البيكانتو والاي تن والسبارك وهم كوري
انا في فترة كنت بقارن بينها وبين سيارات اخري في فئتها وكانت مرشحة بقوة قبل ما اتجة للاكبر حجما
وفيه سيارات اخري لازم تدخلها كمان في المقارنة مثل الباندا العادية ودي محققة ارقام جميلة في اختبارات التصادم وهي جميلة
وايضا الباندا كروس اوفر ممتازة وشوفتها كام مرة في بني سويف محافظتي
وفي النهاية ارشحلك الa113
هي مع زميلين لي وطول النهار رايحيين جايين بيها امامي ودائما ما اسالهم عنها ودائما ما اراهم سعداء بها
ولك حرية الاختيار
بالتوفيق لك

http://cdn3.souqcdn.com/images/listi...2617-d_pic.jpg
http://www.youtube.com/watch?v=mO2kf...layer_embedded
كلام مظبوط 100 %
ومحافظة الاسماعيلية ايضا اتملت منها جدا