المشاركة الأصلية كتبت بواسطة tamrhasn (المشاركة 773808)

السلام عليكم الاخوه الافاضل انتم تكلمتم كثيرا بخصوص موضوع الماء والفلاتر ولا لقيت اى افاده خلينا نتفق على شى اول شى متفقين عليه انو الميه بتاعة البلديه لازم ليها فلتر- حلو الكلام كده نرجع من تانى طيب نجيب اى نوع ومنين للمعلوميه انا فى السعوديه وهنا الامريكى والكورى والناس اللى فى شركات الفلاتر بيقولوا لى الكورى هو مثله مثل الامريكى ولكن فى مصر باسمع انو فى نصب كتير فى الحاجات دى وخصوصا ان كله مستورد وبصراحه انا محتار هل فعلا فى فى مصر حاجات وماركات مضمونه ولها سمعه كويسه ولا الدنيا لسا مش لاقيه ليها رابط وكله زايط فى كلو واريح راسى واجيبه معايا من بره ومش عارف ايه ظروف الفلاتر حتكون فى مصر ولا اجيب من مصر واضمن انو فى فلاتر وصيانه ولا اعمل ايه وعموما اتمنى لو حد يدلنى على مكان باسكندريه فيه الفلاتر يعنى مكان يكون فيه اكثر من محل ولما ننزل نروحوا وربنا يسهل الامر للكل وشكرا ليكم طولت عليكم

المشاركة الأصلية كتبت بواسطة نبيل عبدالرحمن (المشاركة 774096)

المشاركة الأصلية كتبت بواسطة الهولندى الطائر (المشاركة 774102)

الفلاتر اغلبها اشتغالة

والشركات اللى شغالة بتنفخ فيها وتبالغ

واحنا عارفين قد ايه دعاية كاذبة

الميه هى الميه

والفلتر بيعمل شغل عادى

وهما هيبيعولك قطع الغيار والصيانة

وتبقى الاشتغالة مدى الحياة

سلم الامر لله

واشرب من مياه الحنفيه

جدودنا واهالينا شربوا منها

مش هيحصلك اكثر من اللى حصلهم

وبلاش حكاية الفلاتر

المشاركة الأصلية كتبت بواسطة tamrhasn (المشاركة 774317)

السلام عليكم يا جماعه الخير برضه ما فيش واحد بصراحه افادنى انا باسال حضراتكم اجيب الفلتر من السعوديه معايا ولا اوفر الشيل والحط واشترى من مصر وهو هو عاوز اجابه محدده من حضراتكم م اكتر من كده لو سمحتم علشان يكون الموضوع مفييد للناس ونقدر نستفيد على قدر الامكان وشاكر لكل من شارك بالموضوع