رد: محتاار جدا يا جماعه . اريد شراء سياره بحد اقصى لسعرها 125الف جنيه.ارجو اقتراحاتكم.
 

شكرا يا درش هو بالنسبه للرينج انا كنت بفكر فى البروتون جين2 بس طالما محدش قال عليه كلمه كويسه يبقى بلاش منها.
وكدا يبقى الرينج من 100 ل 125 .
يارب يامسهل.. مستنى ردودد اكتر يا جماعه .

رد: محتاار جدا يا جماعه . اريد شراء سياره بحد اقصى لسعرها 125الف جنيه.ارجو اقتراحاتكم.
 

لو حضرتك تقدر تدخل في البرافو يبقى ممتااااز ... عربيه ملهاش حل ...
وتابلوه و صالون و خامات ... تحفه ...
لكن انسى سعر اعاده البيع ولازم تلتزم بالتوكيل في الصيانه
وجراند بونتو كوبيه جميله ... لكن كمان 4 او خمس سنين لما تحب تبيع ... دور مين يشتري !!

وللاسف على ما اعتقد الفيات في رينج السعر ده ... مانيوال سواء البرافو او البونتو ... معنديش فكره اذا كانت بتنزل ديوال كلاتش و لا لأ ...

متهيألي الا اي 30 تعجبك اكتر من السيراتو ... خصوصا ان تابلوه السيراتو مش حلو اوي زيها ...
عموما الاداء الرياضي في العربيات الهاتش باك من حيث التسارع و المناوره بيكون افضل من العربيات السيدان ..

رد: محتاار جدا يا جماعه . اريد شراء سياره بحد اقصى لسعرها 125الف جنيه.ارجو اقتراحاتكم.
 

على فكرة في ناس كتير بتشكر في البروتون برضه والعربية منتشرة (يعني مش واقعة قوي)
بس الصراحة أنا ماعرفش عنها أي حاجة و لا عمري ركبتها

متهيألي الأي 30 تستحق منك الاهتمام وانك تزل تشوفها في المعرض وتفحصها وتجربها كويس وتسأل على سعرها
وبرضه يا ريت تسأل حد من ملاكها واسأل برضه على أختها الصغيرة الأي 20 لو عايز تقلل السعر (بس هي حتنزل في شهر 8 أو 9)

رد: محتاار جدا يا جماعه . اريد شراء سياره بحد اقصى لسعرها 125الف جنيه.ارجو اقتراحاتكم.
 

شكرا .. انا بالفعل شفت ال I30 فى معرض فى الهرم.. عجبتنى وكان معروض جمبها السيراتو عشان كدا تلاقى كان ده اول مقارناتى بينهم وبين الجراند بونتو تى جت.

رد: محتاار جدا يا جماعه . اريد شراء سياره بحد اقصى لسعرها 125الف جنيه.ارجو اقتراحاتكم.
 

جين 2 1600 - 110 حصان
جراند بونتو 1400 - 109 حصان
برافو 1400 - 109 حصان
I30 سعه 1600 - 122 حصان
سيراتو 1600 - 124 حصان
مازدا 3 1600 - 105 حصان
لانسر 1500 - 109 حصان

من الواضح كده إن السيراتو و الI30 أقوى عربيتين ممكن يدو آداء رياضى