|
رد: جيت اكحلها عميتها
اقتباس:
يا إما الأبلاتين وضعيته عايزة تتأخر يا إما الاسبيراتير نفسه عايز يتشال ويركب متأخر سنة (زي ما قاللك الأستاذ screamseko) جرب افتح وش الاسبيراتير وشوف الأبلاتين الأول... هتلاقي عمود مربع وحواليه حاجة عاملة زي الهلال ومتثبتة بمسمارين... هو ده الأبلاتين فك المسامير (هويها بس) وحاول تحرك الهلالة دي لورا (في اتجاه التأخير) لو مفيش فايدة... يبقى لازم تفك مسمار تثبيت الاسبيراتير وتطلعه كله... هتلاقي الاسبيراتير في آخره ترس جوه الموتور.... كل اللي هتعمله إنك تأخر الوضعية بتاعته سنة واحدة (خليك ماسك العمود المربع وانت بتشيله)، وترجع تركبه تاني وابقى طمنا عملت إيه ... |
رد: جيت اكحلها عميتها
اقتباس:
جزاك الله خيرا مش ممكن يكون فى عيب فى الاسبراتير نفسة ؟!! اصل انا بحثت شوية كدة لاقيت ان برة اما بيعملوا صيانة دورية اللى هيا تغيير فلاتر وسيور وزيوت وبوجيهات بيغيروا حاجتين فى الاسبراتير اللى هما ال cap & rotor او الوش والشاكوش دة غطا الاسبراتير او ال cap http://image.made-in-china.com/2f0j0...p-KNC-012-.jpg ودة البتاع الدوار اللى راكب فية الابلاتين اللى حضرتك تقصدة rotor الشاكوش http://www.eurotruck-importers.com/i...0001583531.jpg وبيقولك من علامات تلف الاسبراتير ان الغطا يبقى مشقوق او تالف من اى حتة او الاجزاء اللى جواة بتاعت سلوك البوجيهات اللى بتلامس الابلاتين تبقى مكربنة عليها طبقة كربون او الابلاتين اللى فى العمود الدوار دة (الشاكوش) يكون علية اثار حرق او مابيلفش كويس المهم هل الاجزاء دى بتتباع فرط لوحدها كدة زى برة اللى هيا ال cap&rotor ولا هو اساسا الاسبراتير متكون من الجزئين دوول وبالتالى لو طلع عندى فية اى عيب من دوول هضطر اغير اسبراتير كلة |
رد: جيت اكحلها عميتها
في حاجة مهمة نسيت أقولهالك
وانت بتظبط الأبلاتين... اتأكد إن الأبلاتين بيفتح ويقفل مع حركة العمود المربع طب ودي أعرفها ازاي؟؟؟ لو في حد معاك.. خليه يدوس مارش.. وانت شوف حركة الأبلاتين ... لازم الأجزاء المتحركة في الأبلاتين تلمس في بعض وتفصل مع حركة الكامة (العمود المربع) لو مفيش حد معاك... عشق العربية على الرابع (وهي مطفية :) )... وابدأ زق العربية ... هتلاقي العمود بيتحرك... أظبط بقى :) |
رد: جيت اكحلها عميتها
اقتباس:
وده بيحصل ليه؟؟ باختصار.. الشرارة بتتنقل من الأبلاتين للموبينة اللي بتوصل الشرارة للشاكوش في اللحظة اللي بيلمس فيها سلك البوجيه اللي بيحصل فيه الإشعال. فكده عندنا شرارة في الأبلاتين... وشرارة في الشاكوش... وشرارة في البوجيه، وأي تسريب للشرارة خلال المسار ده بيضعف من قوة الاشتعال بالنسبة لموضوع الكربنة... ده بيبقى نتيجة الشرارة اللي بتطلع من الموبينة، والكربون يعتبر موصل ضعيف نسبيا، وهو ده اللي بيتقال عليه (الأبلاتين لدع). على فكرة الشاكوش مش هو العمود المربع... أنا كان قصدي على الكامة المربعة اللي بيركب عليها الشاكوش. بالنسبة للوش والشاكوش ممكن تشتريهم لوحدهم... أنا اشتريت وش اسبيراتير أصلي لوحده قبل كده. http://www.motorera.com/dictionary/p...istributor.gif |
رد: جيت اكحلها عميتها
جميل اوى المناقشات دى
بالمناسبة بقى سؤوال على الماشى عن الفاكيوم ؟؟؟ اعرف منين انه تلف وانه مش شغال ؟؟؟ اصل العربية عندى بطقطع تقطيعة خفيفة وساعات بتكون كبيرة خصوصا لما العربية تكون باردة وتحس ان العربية قطعت كهربا والكهربا رجعت تانى فجأة ودفعة واحدة الكلام ده لما اكون مهدى عند مطب مثلا واكبس بنزين بعد المطب , بالظبط كده زى ما يكون الميه قاطعة وتقوم مشغل موتور الميه تقوم الميه تجىء دفعة واحدة وبقوة وبسؤال الميكانيكى قالى ان ده من الفاكيوم وده مش موجود يعنى مش بيتباع لوحدهوكيف نفسك على كده هو ممكن يتباع لوحده ؟؟؟ ويعمل كام لعربية اكسيل يارب تكون الفكرة وصلت |
| الساعة الآن 02:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017